Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:3 - BAEBOLO ANZƐƐ BULUKU NWUANZANWUANZA

³ na bɛfa ɛnlankɛ anzɛɛ boane kɛ bɛyela ye bɛabɔ azu, anzɛɛ bɛfa bɛaye ɛwɔkɛ, anzɛɛ bɛfa bɛayɛ ahunlunyele azubɔdeɛ, anzɛɛ ɛvoyialilɛ azubɔdeɛ bɛamaa Ɛdɛnkɛma a, amaa yeazɔ ɔ nye la,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

Ɛzela Buluku ne 7:17

“Saa ɛ sa ka ezukoa ɛhye a, nea na fa tɔ nlankɛ nyinli, mboane nyinli, nee mboane mralɛ, abɛlɛ nee nwanye, na fa bɛ muala bɔ azu wɔ Nyamenle ne mɔɔ wɔ Gyɛlusalɛm la Ɛzonlenlɛ Sua ne anu azukponle ne azo.

Edwɛndolɛ Buluku ne 54:6

Mebava ahonle nu azubɔdeɛ meabɔ azu meamaa wɔ; O Ɛdɛnkɛma, mebayɛ wɔ mo, ɔluakɛ ɔle kpalɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:18

Yela boane ne mumua wɔ azukponle ne azo bɔ azu maa medame Ɛdɛnkɛma. Azubɔlɛ ɛhye mɔɔ bɛfa senle bɛbɔ bɛmaa Ɛdɛnkɛma la sɔ me nye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:25

Akee dielie ninyɛne ne mɔ bɛ sa nu na yela bɛ wɔ azukponle ne azo boka ɛyelalɛ azubɔdeɛ ne kɛ bɛle azubɔlɛ mɔɔ bɛfa senle bɛbɔ bɛmaa medame Ɛdɛnkɛma a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:41

Ku boane ne mɔɔ tɔ zolɛ nwiɔ la nɔsolɛ nu, na fa ma azubɔdeɛ nee nwolɛ ɛdɛneyelɛ nwanye, kɛmɔ nwonlomɔ ɛdeɛ ne de ala la boka nwolɛ na fa bɔ azu. Ɛhye le azubɔdeɛ mɔɔ bɛfa senle a bɛbɔ bɛmaa medame, Ɛdɛnkɛma a, na ɔsɔ me nye.

Sɛlɛ 10:13

Ɔwɔ kɛ bɛdi ye wɔ ɛleka mɔɔ te la, ɔboalekɛ ɔle ɛdawɔ nee ɛ mra mrenya ne mɔ afoa nu ɛdeɛ, mɔɔ vi ɛyelalɛ azubɔdeɛ ne mɔɔ bɛvale bɛmanle Ɛdɛnkɛma la anu. Ɔluakɛ zɔhane yɛɛ bɛze me a.

Sɛlɛ 27:2

“Ka kile Yizilayɛma kɛ: Saa awie fa sonla bɔ ɛwɔkɛ maa Ɛdɛnkɛma a, ɔkola ɔtua ezukoa ɔkpɔne sonla zɔhane,

Sɛlɛ 7:16

“Na saa azubɔdeɛ ne le ɛwɔkɛyelɛ azubɔdeɛ anzɛɛ azubɔdeɛ mɔɔ ahenle ɛyeye ɔ kunlu ɛva ɛra la a, yemɔ bɛli azubɔdeɛ ne kenle ko ne ala, na saa bie ka ɛdeɛ a, bɛkola bɛdi wɔ ye alehyenlɛ nu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:27

Bɛbɔ ɛyelalɛ azu mɔɔ ye evuanlɛ sɔ Ɛdɛnkɛma anye la bɛmaa Ɛdɛnkɛma. Bɛva nlankɛ nyinli ndonrandonra nwiɔ, boane nyinli ko, yɛɛ mboane nyinli ndonrandonra mɔɔ ɛli ɛvolɛ ngoko na bɛ nwo ɛnlɛ dɛne la nsuu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 29:8

Bɛbɔ ɛyelalɛ azu mɔɔ ye evuanlɛ sɔ Ɛdɛnkɛma anye la bɛmaa Ɛdɛnkɛma. Bɛva ɛnlankɛ nyinli edonraa ko, boane nyinli ko, yɛɛ mboane nyinli ndonrandonra mɔɔ ɛli ɛvolɛ ngoko na bɛ nwo ɛnlɛ dɛne la nsuu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:15

Eza ɔfa kpanwo mɔɔ mgbɔvonle ɛnle nu, keeki mɔɔ bɛva esamo kɛnlɛma mɔɔ bɛva ɔlivi nwole bɛfɔtɔ la kɛndɛne ko, kpanwo ndɛbandɛba ngukulungukulu mɔɔ bɛva nwole kɛkpokpa zolɛ, yɛɛ nwolɛ ma nee nwanye azubɔdeɛ.

Edwɛkpa ne kɛmɔ Mateyu hɛlɛle la 3:17

Na ɛnelɛ bie vi anwuma zele kɛ, “Ɛhye a le me Ra mɔɔ mekulo ye la. Me nye die ɔ nwo kpole.”

2 Kɔl 2:15

Ɔluakɛ yɛle kɛ ɛyɛlɛ evuanlɛ mɔɔ Kelaese ɛva ɛbɔ azu ɛmaa Nyamenle, na ye evuanlɛ ne bɔ wolowolo bɛdabɛ mɔɔ bɛlɛdie bɛ ngoane nee bɛdabɛ mɔɔ bɛlɛminli la;

2 Kɔl 2:16

ɔbɔ evuanlɛ mɔɔ maa ngoane la ɔmaa bɛdabɛ mɔɔ bɛlɛdie bɛ ngoane la, yɛɛ ɔbɔ nvoanle mɔɔ maa ewule la ɔmaa bɛdabɛ mɔɔ bɛlɛminli la. Na nwane bɔbɔ a kɛhola gyima zɛhae yɛ a?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:2

Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la.

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.

Mɛla 12:17

Bɛmmafea bɛ azua ne mɔ azo bɛdi bɛ abɛlɛ ngyɛnu bulu ɛkpɔ ngoko ne mɔ nee nwolɛ nwanye anzɛɛ nwole ne, anzɛɛ bɛ nyɛmoa ne mɔ amra mɔɔ bɛkɛlumua bɛkɛwo bɛ, nee bɛ ɛwɔkɛ ne mɔ mɔɔ bɛkɛbɔ la anzɛɛ bɛ ahyɛlɛ ninyɛne mɔɔ ɔwɔ kɛ bɛyeye bɛ ahonle nu bɛfa bɛmaa la.

Mɛla 12:6

Ɛkɛ ne yɛɛ bɛbava bɛ ɛyelalɛ azubɔlɛ ninyɛne ne mɔ bɛahɔ a. Bɛbava bɛ azubɔlɛ ninyɛne ngakyile kɔsɔɔti, bɛ ngyɛnu bulu ɛkpɔ ngoko ne mɔ nee azubɔdeɛ biala, bɛ ahyɛlɛ ninyɛne, azubɔdeɛ mɔɔ bɛkɛyeye bɛ ahonle nu bɛkɛva bɛkɛmaa, yɛɛ bɛ nyɛmoa mralɛ mɔɔ bɛkɛlumua bɛkɛwo bɛ la noko bɛahɔ ɛkɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.