Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:24 - BAEBOLO ANZƐƐ BULUKU NWUANZANWUANZA

²⁴ ɛnee kɛmɔ bɛnze la ati, ɔwɔ kɛ bɛfa ɛnlankɛ nyinli bɛyɛ ɛyelalɛ azubɔdeɛ, azubɔdeɛ mɔɔ ye ɛyelalɛ ne evuanlɛ sɔ Ɛdɛnkɛma anye la, nwolɛ ma azubɔdeɛ kpalɛ, yɛɛ nwanye azubɔdeɛ bɛmaa Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:24 ပူးပေါင်းရင်းမြစ်များ

Ɛzela Buluku ne 6:17

Wɔ sua ne ɛbukelɛ nee ye ɛdulɛ mɔɔ bɛtu bɛawula Nyamenle asa anu la, bɛvale nlankɛ nyinli ɛya ko, mboane nyinli ɛya nwiɔ, yɛɛ mboane mralɛ ɛya nna a bɛbɔle azu bɛmanle Nyamenle a. Akee bɛvale mbɔnkye nyinli bulu nee nwiɔ bɛbɔle ɛtanefakyɛ azu bɛmanle Nyamenle wɔ Yizilayɛma amuala ati. Bɛbɔle abusua ekpunli ko biala ati bɛvale abɔnkye ko bɛbɔle azu.

Ɛzela Buluku ne 8:35

Akee bɛdabɛ mɔɔ bɛhyele bɛ nuokɛ bɛhɔle nlɔnu na bɛzia bɛra la vale azubɔlɛ ninyɛne rale kɛ bɛyela bɛ bɛbɔ azu bɛmaa Yizilayɛ Nyamenle ne. Bɛbɔle Yizilayɛma kɔsɔɔti ati bɛvale nlankɛ bulu nee nwiɔ, mboane nyinli abulahɔnla nee nsia, mboane mralɛ abulasuu nee nsuu, yɛɛ ɛtanefakyɛ nwo azubɔlɛ mbɔnkye nyinli bulu nee nwiɔ. Bɛyelale nane ɛhye mɔ amuala bɛbɔle azu bɛmanle Ɛdɛnkɛma.

Sɛlɛ 23:19

Eza bɛbava abɔnkye nyinli ko bɛayɛ ɛtane azubɔdeɛ, yɛɛ mboane nyinli nwiɔ bɛayɛ anzonudwolɛ azubɔdeɛ.

Sɛlɛ 4:2

“Ka kile Yizilayɛma kɛ, saa awie anye ɛnla nwolɛ na ɔyɛ ɛtane, ɔyɛ ninyɛne mɔɔ Ɛdɛnkɛma ɛze kɛ bɛmmayɛ la bie,

Sɛlɛ 4:22

“Saa maanle kpanyinli bie andwenle nwolɛ na ɔyɛ ɛtane, na ɔdi fɔlɛ kɛ yeyɛ ninyɛne mɔɔ Ɛdɛnkɛma ye Nyamenle ne ɛze kɛ bɛmmayɛ la bie,

Sɛlɛ 4:23

na saa bɛmaa ɔnwu ye ɛtane ne mɔɔ yeyɛ la a, ɔwɔ kɛ ɔfa abɔnkye nyinli mɔɔ anwo ɛnlɛ dɛne la ɔba kɛ ɛtane azubɔdeɛ.

Sɛlɛ 5:15

“Saa awie anye ɛnla nwolɛ na ɔyɛ ɛtane kɛ yebu ɔ nye yegua ye diedi gyima zo, mɔɔ fane Ɛdɛnkɛma ninyɛne nwuanzanwuanza ne mɔ anwo a, ɔwɔ kɛ ɔfa fɔlɛlilɛ azubɔdeɛ ɔbɛlɛ Ɛdɛnkɛma. Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ ɛkɛnlea ɛkɛpɛ ye bolɛ wɔ dwɛtɛ fufule nu, kɛmɔ bɛdi ye wɔ ɛleka nwuanzanwuanza ne la; ɔle fɔlɛlilɛ azubɔdeɛ.

Sɛlɛ 5:18

Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ wɔnlea wɔpɛ ye bolɛ mɔɔ nee ɛtane azubɔdeɛ bolɛ sɛ la ɔbɛlɛ sɛlɛvolɛ ne. Na sɛlɛvolɛ ne bayɛ nzɛlɛlɛ ali ɔ ti mgbɔdalɛ amaa ye wɔ ye ɛtane ne mɔɔ ɔ nye ɛnla nwolɛ na yeyɛ la anwo, na bɛkɛva bɛkɛhyɛ ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:23

yɛɛ saa bɛanli mɔɔ Ɛdɛnkɛma ɛlua Mosisi anwo zo ɛha ɛhile bɛ la amuala azo, ɔvi mekɛ mɔɔ Ɛdɛnkɛma vale mɛla ne manle la azo toonwo wɔ awolɛndoazo ne mɔ anu a,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:26

Na bɛbava Yizilayɛma kɔsɔɔti nee nyɛvolɛ mɔɔ de bɛ avinli la ɛtane bɛahyɛ bɛ, ɔboalekɛ awie biala boka nwo a nvonleɛ ne rale a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:15

Saa ɛye dahudahu ɛyelalɛ azubɔdeɛ nee ye nwanye azubɔdeɛ azubɔlɛ ne ɛsie ahane a, eza bɛva abɔnkye nyinli ko bɛyɛ ɛtane azubɔdeɛ bɛmaa Ɛdɛnkɛma.