Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:20 - BAEBOLO ANZƐƐ BULUKU NWUANZANWUANZA

²⁰ Saa bɛbu abɛlɛ na ɛdɔkɛ mɔɔ bɛkɛlumua bɛkɛva bɛkɛyɛ la, bɛloa bie bɛyɛ azubɔdeɛ bɛmaa Ɛdɛnkɛma kɛ ɔvi ma ɛwozolɛ ɛleka ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:20 ပူးပေါင်းရင်းမြစ်များ

Nihɛmaya Buluku ne 10:37

Ɛvolɛ biala yɛbava abɛlɛ mɔɔ bɛkɛlumua bɛkɛbu la ɛdɔkɛ nee nwolɛ ninyɛne mɔɔ le kɛ nwanye, ɔlivi nwole yɛɛ ma ngakyile yɛahɔmaa sɛlɛvolɛma mɔɔ wɔ Ɛzonlenlɛ Sua ne anu la yɛamaa bɛava bɛabɔ azu. Livaema mɔɔ dielie ninyɛne ngyɛnu bulu ɛkpɔ ngoko wɔ namunamu ɛya avule ne mɔ anu la, yɛbava yɛ bɛyɔba ngyɛnu bulu ɛkpɔ ngoko ne mɔ yɛahɔmaa bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:19

“Bɛyɔba mɔɔ kɛlumua kɛvinde bɛ ɛya avule ne mɔ anu la, bɛva bɛrɛla medame Ɛdɛnkɛma bɛ Nyamenle ne sua nu. “Bɛmmato boane anzɛɛ abɔnkye ralɛ wɔ ɔ nli nyɛfonzule nu bɛdi.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:26

“Ɛvolɛ biala ma mɔɔ bɛkɛlumua bɛkɛde la, bɛva bɛrɛlɛ Ɛdɛnkɛma bɛ Nyamenle ne. “Bɛmmato boane anzɛɛ abɔnkye ralɛ biala wɔ ɔ nli nyɛfonzule nu bɛdi.”

Yizikeɛle Buluku ne 44:30

Ma ngakyile mɔɔ bɛkɛlumua bɛkɛde anzɛɛ bɛkɛbu, yɛɛ menli ne azubɔdeɛ ngakyile ne mɔ amuala le sɛlɛvolɛma ne ɛdeɛ. Eza ɔwɔ kɛ bɛfa bɛ mɛtɛkɛ mɔɔ lumua la bɛbɛlɛ sɛlɛvolɛma ne, amaa nyilalɛ aha bɛ awuke ne mɔ.

Sɛlɛ 2:12

Bɛkola bɛfa bɛ ma mɔɔ bɛkɛlumua bɛkɛnyia ye la bɛbɛlɛ Ɛdɛnkɛma kɛ bɛ azubɔdeɛ ɔ, noko ɔnle kɛ bɛfa bɛkɔ azukponle ne azo kɛ ɔle ɛyelalɛ azubɔdeɛ.

Sɛlɛ 2:14

Saa bɛfa ma mɔɔ bɛlumua bɛde la azubɔdeɛ bɛarɛlɛ Ɛdɛnkɛma a, ɔwɔ kɛ bɛ ma azubɔdeɛ ne yɛ ma amolɛ mɔɔ bɔ zo mɔɔ bɛbu anzɛɛ bɛde la; bɛhyehye ye ekyii na bɛgelegele nu.

Sɛlɛ 23:20

Sɛlɛvolɛ ne bava bɛ muala aboka kpanwo ne mɔɔ le bɛyɔba mɔɔ lumua la nee mboane nyinli nwiɔ ne anwo yeado bɛ ehono yeabɔ azu yeamaa Ɛdɛnkɛma. Bɛle ahyɛlɛdeɛ mɔɔ sonle bolɛ maa sɛlɛvolɛma ne yɛɛ ɔle azubɔdeɛ nwuanzanwuanza ɔmaa Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:21

Awolɛndoazo mɔɔ bara la amuala ɛva bɛ ɛdɔkɛ mɔɔ bɛkɛlumua bɛkɛyɛ la ɛyɛ azubɔdeɛ ɛmaa Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:12

“Ɛvolɛ biala egyinli nu bɛyɔba mɔɔ Yizilayɛma kɛlumua kɛbu na bɛkɛva bɛkɛmaa me la, ɔlivi nwole kpalɛ, nwanye nee abɛlɛ, meva memaa wɔ.

Edwɛkpa ne kɛmɔ Mateyu hɛlɛle la 6:33

Bɛbɔ mɔdenle bɛdwenle Nyamenle belemgbunlililɛ ne nee mɔɔ Nyamenle kpondɛ kɛ bɛyɛ la anwo kpalɛ, na ɔkɛva mɔɔ bɛhyia nwolɛ la ɔkɛmaa bɛ.

Wulo 11:16

Saa bɛfa alumua kpanwo ebule ekyi ne bɛmaa Nyamenle a, ɛnee noko kpanwo kunguma ko ne amuala le ye ɛdeɛ; yɛɛ saa baka bie ndinli anwo te na bɛfa bɛbɔ azu bɛmaa Nyamenle a ɔyɛ boɛ a, ɛnee ye ngane ne mɔ amuala noko anwo te.

1 Kɔl 15:20

Na nɔhalɛ ne a le kɛ Nyamenle ɛdwazo Kelaese ɛvi ewule nu, na ɛhye maa yɛsi pi kɛ Nyamenle badwazo bɛdabɛ mɔɔ bɛwu la amuala.

Mɛla 14:22

“Ɛvolɛ biala aleɛ mɔɔ bɛkɛnyia ye wɔ bɛ ɛya ne mɔ anu la, ɔwɔ kɛ bɛkyɛ nu bulu bɛtu ɛkpɔ ngoko bɛsie ahane bɛmaa Ɛdɛnkɛma bɛ Nyamenle ne.

Mɛla 14:23

Akee bɛva bɛ aleɛ ngyɛnu bulu ɛkpɔ ngoko ne mɔ bɛhɔ ɛleka mɔɔ Ɛdɛnkɛma bɛ Nyamenle ne ɛva ye duma ɛdo zolɛ kɛ bɛzonle ye wɔ ɛkɛ ne la na bɛali. Zɔhane ala yɛɛ bɛyɛ bɛ ma, nwanye, ɔlivi nwole mɔɔ lumua nee bɛ nlankɛ nee mboane ne mɔ amra mɔɔ bɛkɛlumua bɛkɛwo bɛ la a. Bɛyɛ ɛhye bɛva bɛzukoa Ɛdɛnkɛma bɛ Nyamenle ne enililɛ dahuu.

Mɛla 16:13

“Saa bɛwie bɛ ma ne mɔ amuala te, bɛwozo bɛwie na bɛwie bɛ vanye ma ne anu nzule twihwi a, akee bɛli Kpɔda Bo Ɛdɛnlanlɛ Ɛvoyia ne.

Gyemise Kɛlata ne 1:18

Ɔdaye ye ɛhulolɛ zo yɛɛ ɔluale nɔhalɛ edwɛkɛ ne azo ɔwole yɛ a, amaa yɛayɛ ye abɔdeɛ nu alumuama.

Yekile 14:4

Bɛmɛ a bɛle menli mɔɔ bɛzie bɛ nwo bɔkɔbɔkɔ mɔɔ bɛanva bɛ nwo bɛanga raalɛ biala a; bɛle amunli bɔkɔɔ. Bɛmɛ yɛɛ ɛleka biala mɔɔ Boaneralɛ ne ɛlɛkɔ la bɛdoa ye a. Bɛmɛ a bɛlie bɛ ngoane bɛvi aleɛabo amra avinli kɛ bɛle menli mɔɔ bɛlumua bɛva bɛ bɛrɛlɛ Nyamenle nee Boaneralɛ ne a.