Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:15 - BAEBOLO ANZƐƐ BULUKU NWUANZANWUANZA

¹⁵ Ngyehyɛlɛ ko ye ala wɔ ɛkɛ maa awolɛndoazo mɔɔ bara la amuala, bɛdabɛ nee nyɛvolɛ mɔɔ de bɛ avinli la, ɔluakɛ wɔ Ɛdɛnkɛma anyunlu, bɛ muala bɛle menli ko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:15 ပူးပေါင်းရင်းမြစ်များ

Ɛseta Buluku ne 9:27

Dwuuma ziele kenle ɛhye mɔ na bɛzɔle nu kɛ bɛdabɛ, bɛ nlɔnra, yɛɛ awie biala mɔɔ bokale bɛ la, kɛli ɛvoyia ɛhye ɛvolɛ biala mɔɔ ɔmkpa nwolɛ fee a, kɛmɔ bɛhɛlɛ bɛdo ɛkɛ ne la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:14

Kenle zɔhane bayɛ ngakyelɛ kenle amaa bɛ, na bɛbazie ye kɛ Ɛdɛnkɛma Ɛvoyia kenle. Awolɛndoazo kɔsɔɔti bazie kenle ne na bɛali ɛvoyia ne.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:24

Bɛbali mɛla ɛhye azo kɛ ɔle mɛla mɔɔ ɔwɔ ɛkɛ ne dahuu ɔmaa bɛ nee bɛ bo zo amra a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:43

Na Ɛdɛnkɛma zele Mosisi nee Aalɔn kɛ, “Akpabɛnwo ne anwo ngyehyɛlɛ ɛne: Ɛyɛvolɛ biala ɛnli ye aleɛ ne bie,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:49

Mɛla ko ne ala a wɔ ɛkɛ maa sonla mɔɔ vi maanle ne anu nee ɛyɛvolɛ mɔɔ nee bɛ rale la a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:43

Kenle biala mɔɔ Aalɔn nee ɔ mra mrenya ne mɔ ɛlɛba me nyunlu wɔ Ndanlɛ Sua ne anu anzɛɛ bɛlɛkɔ azukponle ne anwo wɔ Ɛleka Nwuanzanwuanza ne bɛahɔyɛ bɛ sɛlɛvolɛ gyima ne la, ɔwɔ kɛ bɛwula zɔhane adɛladeɛ ne mɔ, anrɛɛ bɛkɛli ɛzonle na bɛkɛwu. Ɛhye le mɛla mɔɔ wɔ ɛkɛ ne dahuu maa Aalɔn nee ɔ bo zo amra a.

Sɛlɛ 24:22

Mɛla ko ala a wɔ ɛkɛ maa Yizilayɛnli nee ɛyɛvolɛ mɔɔ de Yizilayɛma avinli la a, ɔluakɛ medame a mele Ɛdɛnkɛma bɛ Nyamenle ne a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:8

Ɔwɔ kɛ Aalɔn amra mrenya sɛlɛvolɛma ne a wu aweɛne ndendenle ne mɔ anu a. “Melɛ tendenle mɔɔ bara la kɔsɔɔti, ɔwɔ kɛ bɛdi ngyehyɛlɛ ɛhye azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:14

Saa ɛyɛvolɛ wɔ bɛ avinli, ɔ nee bɛ de kpɔkpɔ anzɛɛ ɔpɛ nuhua yeaze, na ɔkulo kɛ ɔfa ɛyelalɛ azubɔdeɛ ɔmaa Ɛdɛnkɛma a, ɔwɔ kɛ ɔdi ngyehyɛlɛ ko ne ala azo. Ye ɛyelalɛ ne evuanlɛ sɔ Ɛdɛnkɛma anye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:29

Mɛla ko ne ala wɔ ɛkɛ maa awie biala, Yizilayɛnli anzɛɛ ɛyɛvolɛ mɔɔ de bɛ avinli mɔɔ anye ɛnla nwo na ɔkɛyɛ ɛtane la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:8

Ɛdɛnkɛma zele Aalɔn kɛ, “Nea, meva azubɔdeɛ biala mɔɔ bɛva bɛrɛlɛ me, debie biala mɔɔ Yizilayɛma ɛdu ɛzie ɛkɛ ɛmaa me la memaa wɔ. Meva memaa wɔ nee ɛ bo zo amra kɛ ɔle bɛ ɛdeɛ dahuu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:14

“Saa ɛyɛvolɛ mɔɔ wɔ bɛ avinli la kulo kɛ ɔdi Akpabɛnwo Ɛvoyia ne bie a, ɔli ye kɛmɔ nwolɛ mɛla nee nwolɛ ngyehyɛlɛ ne mɔ se la. Mɛla ɛhye wɔ ɛkɛ maa awie biala, ɛyɛvolɛ anzɛɛ ekulomeni.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:28

Zɔhane ati ngakyile biala ɛnle Dwuuma nee sonla mɔɔ ɛnle Dwuunli la avinli, akɛlɛ nee dehelɛ, anzɛɛ nrenya nee raalɛ avinli. Ɔluakɛ Kelaese ati bɛ muala bɛle menli ko.

Kɔlɔ 3:11

Zɔhane ati, ansolo bɛdabɛ mɔɔ bɛnle Dwuuma la nee Dwuuma, ansolo menli mɔɔ bɛyɛ bɛ mrenyanu nzonlɛ nee bɛdabɛ mɔɔ bɛtɛyɛle bɛ bie la, ansolo nyɛvolɛ, ansolo menli mɔɔ anye ɛtɛtele, ansolo ahanra, yɛɛ ansolo alehelɛ. Kelaese a le ninyɛne kpokpoti a. Kelaese wɔ ye kpokpoti anu.

Dwɔhyua Buluku ne 8:33

Yizilayɛma amuala, bɛdabɛ mɔɔ bɛle nyɛvolɛ na bɛwɔ bɛ avinli nee bɛdabɛ Dwuuma amuala, bɛ nee bɛ mgbanyima nee mbɔlɔba mgbanyinli nee ndɛnebuavolɛma gyinlanle ye ɛhonlene nwiɔ wɔ Ɛdɛnkɛma Ngyekyeleɛ Ɛlɛka ne foa nee ye foa, na bɛnleanle Livae sɛlɛvolɛma ne mɔɔ zoale la. Menli ne foa ko anzi kɔ Gɛlaezem Boka yɛɛ foa ko noko anzi kɔ Yibale Boka. Ɛdɛnkɛma sonvolɛ Mosisi zele bɛ kɛ saa mekɛ ne dwu na bɛdie nyilalɛ a bɛgyinla ye zɔhane.

1 Sam 30:25

Devidi lile ɛhye anwo mɛla na ɔvi mekɛ ne anu mɔɔ ɛradwu ɛnɛ la kɛ ɔde ala la ɛne wɔ Yizilayɛ maanle ne anu.