Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:9 - BAEBOLO ANZƐƐ BULUKU NWUANZANWUANZA

⁹ Bɛmmate Ɛdɛnkɛma anwo atua; yɛɛ bɛmmasulo menli mɔɔ de azɛlɛ ne azo la, ɔluakɛ bɛnle ɛhwee wɔ yɛ nye zo. Bɛ nwo banebɔlɛ ne ɛbubu, yɛɛ Ɛdɛnkɛma nee yɛ lua; bɛmmasulo, yɛbaza bɛ yɛalie bɛ debie biala.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:21

Akee Yizilayɛ zele Dwosefi kɛ, “Kɛmɔ wɔnwu ye la, ɔka ekyii mɔɔ mekɔ me ɛkɛla nzi a. Nyamenle nee bɛ badɛnla, na yeava bɛ gyɛlɛɛnye yeazia yeahɔ bɛ ze mɔ azɛlɛ ne azo.

2 Edk 13:12

Bɛnlea o, na Nyamenle nee yɛ a lua a, yɛɛ yemɔ yɛɛ li yɛ ti a. Ye sɛlɛvolɛma ne babɔ bɛ aweɛne ndendenle ne mɔ anu bɛamaa konle ne atia bɛ. O Yizilayɛma, bɛ nee bɛ ze mɔ Ɛdɛnkɛma Nyamenle ne mmako, ɔluakɛ bɛnrɛhola ɔ nyunlu gyinla.”

2 Edk 15:2

Na ɔhɔyiale Belemgbunli Esa na ɔzele ye kɛ, “Wɔmɔ Esa, yɛɛ Dwudama nee Bɛngyamanema amuala, bɛdie me. Ɛdɛnkɛma nee bɛ lua, kɛmɔ bɛ nee ye lua la. Saa bɛkpondɛ ɔ bo zo a, bɛkɛnwu ye, na saa bɛkpo ye a, ɔbakpo bɛ.

2 Edk 20:17

Dwudama nee Gyɛlusalɛmma, ɔnrɛhyia kɛ bɛkɛho bɔbɔ wɔ konle ɛhye anu. Bɛmɛ bɛgyinla bɛ bo zo ne, bɛmmatu bɛ bo, na bɛnlea kɛ Ɛdɛnkɛma bazi aho bɛ ti ali konim la.’ Bɛmmasulo, yɛɛ bɛmmamaa bɛ rɛle bɔ. Ɛhyema bɛhɔteta bɛ na Ɛdɛnkɛma nee bɛ bahɔ.”

2 Edk 32:8

Yemɔ, ɔ nee menli a lua a, na yɛmɛ, yɛ nee Ɛdɛnkɛma, yɛ Nyamenle ne a lua a; ɔbaboa yɛ na yeaho konle ne yeamaa yɛ.” Na Dwuda Belemgbunli Hɛzikaya ɛdendɛlɛ ne manle menli ne anwosesebɛ.

Nihɛmaya Buluku ne 4:14

Na menwunle kɛ menli ne arɛle ɛbɔ. Yemɔti menzele mgbanyima ne mɔ nee mbɔlɔba mgbanyinli nee menli mɔɔ ɛha la kɛ, “Bɛmmasulo yɛ kpɔvolɛma ne mɔ. Bɛhakye kɛ Awulae a le bedevinli a; ɔ nwo yɛ ɛzulolɛ. Bɛho bɛmaa bɛ mediema, bɛ mra mrenya, bɛ mra mraalɛ, bɛ ye mɔ nee bɛ maanle.”

Edwɛndolɛ Buluku ne 106:24

Akee bɛkpole azɛlɛ kɛnlɛma ne, bɛanlie ye ɛwɔkɛ ne bɛanli.

Edwɛndolɛ Buluku ne 121:5

Ɛdɛnkɛma le wɔ sinzavolɛ; Ɛdɛnkɛma keda ɛ nwo zo, na ɔmaa wɔ anwosesebɛ.

Edwɛndolɛ Buluku ne 14:4

Asoo amumuyɛma mɔɔ di me menli ne nwonane kɛ bɛdi aleɛ, na bɛnzonle Ɛdɛnkɛma la ɛnlɛ adwenle?

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 46:7

Tumivolɛ Nyamenle ne nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 46:8

Bɛrɛla, baranlea Ɛdɛnkɛma gyima mɔɔ ɛli, yemaa azɛlɛ ye amuala ɛdɔ mgbane.

Edwɛndolɛ Buluku ne 74:14

Ɛgelegelele Lɛveatan ati, na ɛvale ye nane ɛmanle fienemgbole nu nanemgbole lile.

Edwɛndolɛ Buluku ne 91:1

Sonla mɔɔ vea Anwuma Anwumanli ne anu, na ɔde Tumivolɛ ne tumi ne abo la,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:13

Na Mosisi zele menli ne kɛ, “Bɛmmasulo, bɛgyinla kpundii na bɛnlea kɛ ɛnɛ Ɛdɛnkɛma bazi alie bɛ la. Ɔluakɛ Yigyibitima mɔɔ bɛnwu bɛ ɛnɛ la, bɛnrɛnwu bɛ bieko ɛlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:16

Ɔluakɛ, kɛ ɔkɛyɛ na bɛanwu kɛ medame nee wɔ menli ne yɛsɔ ɛ nye ɛ? Wɔ ɛlualɛ mɔɔ ɛ nee yɛ lua la yɛɛ maa menli nwu ngakyile mɔɔ wɔ yɛ nee menli gyɛne gyɛne mɔɔ wɔ aleɛabo la avinli a.”

Ayezaya Buluku ne 1:2

Ɛdɛnkɛma zele kɛ, “Anwuma amra, bɛdie, aze amra, bɛyɛ ɛnzonlɛ bɛdie, ɔluakɛ medame Ɛdɛnkɛma, mese: Metete ngakula mrenya memaa bɛnyi, na bɛde me nwo atua.

Ayezaya Buluku ne 32:2

Bɛ nuhua ko biala bayɛ kɛ ɛvealeka, bodane bɔne mɔɔ bɛfea nu wɔ anwoma anzɛɛ ahumudulɛ kpole nu la. Bɛbayɛ kɛ azudenle wɔ ɛleka mɔɔ le resee, bodane kpole bie alubo wɔ azɛlɛ mɔɔ mbaka ɛnle zo la azo.

Ayezaya Buluku ne 41:10

Bɛmmasulo, ɔluakɛ me nee bɛ lua; bɛmmamaa bɛ ahonle tu, medame a mele bɛ Nyamenle a. Mebamaa bɛ anwosesebɛ, mebaboa bɛ, mebava me konimlilɛ tumi ɛsalɛ ne meazɔ bɛ.

Ayezaya Buluku ne 41:14

Ɛdɛnkɛma se, “Gyekɔbo abo zo amra, Yizilayɛma, mɔɔ bɛ anwosesebɛ le kɛ sone a, bɛmmasulo! Mebaboa bɛ, bɛ Kpɔnevolɛ a le Yizilayɛ Nwuanzanwuanza Ko ne.

Ayezaya Buluku ne 63:10

Noko bɛdele ɔ nwo atua na bɛmanle ye Sunsum Nwuanzanwuanza ne lile nyane. Yemɔti ɔhakyile ɔ nwo ɔyɛle bɛ kpɔvolɛ na ɔdaye mumua ne ɔhonle ɔtiale bɛ.

Gyɛlɛmaya Buluku ne 1:19

Bɛbaho bɛatia wɔ, na bɛnrɛhola wɔ, ɔluakɛ me nee wɔ lua kɛ medie ɛ ti. Medame Ɛdɛnkɛma a mese a.”

Gyɛlɛmaya Buluku ne 42:11

Bɛmmasulo Babelonia belemgbunli ne mɔɔ bɛsulo ye la bieko. Bɛmmasulo ye, ɔluakɛ medame Ɛdɛnkɛma, me nee bɛ lua yɛɛ mebalie bɛ meavi ɔ sa nu.

Gyɛlɛmaya Buluku ne 48:45

Menli nriandi kɔtane Hɛhyebɔn, noko bɛnnyia gyinlagyakɛ, ɔboalekɛ senle ɛdɔ Hɛhyebɔn. Belemgbunli Saehɔn suakunlu ɛkɛ ne ɛlɛyela. Senle ɛzɛkye Mowabe anyunlunyia ne mɔɔ ye ɛlɔnema fa tu bɛ nwo la.

Daneɛle Buluku ne 9:5

yɛyɛ ɛtane yɛtia wɔ, yɛyɛ mɔɔ bɛnyɛ la. Yɛyɛ amumuyɛ, yɛde atua na yɛhakyi yɛ nzi yɛzi wɔ mɛla ne nee wɔ ngyehyɛlɛ ne mɔ.

Daneɛle Buluku ne 9:9

O Awulae yɛ Nyamenle, yɛvo wɔ, yɛde ɛ nwo atua, noko wɔmɔ ala a ɛse anwunvɔne na ɛfa ɛtane ɛkyɛ a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:30

Kalɛbe bɔle agoo manle menli mɔɔ wɔ Mosisi anwo ɛkɛ la yɛle ngungoonwu na ɔhanle kɛ, “Bɛmaa ɔyɛ ndɛ yɛhɔho yɛva azɛlɛ ne yɛdɛnla zo. Yɛ nwo yɛ se, yɛkola yɛdi bɛ nwo zo konim.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:6

Yemɔti Mosisi hanle edwɛkɛ ne hilele Yizilayɛma ne, na bɛ mgbanyima ne mɔ vale bɛ mbaka ne mɔ manle Mosisi, abusua kpanyinli biala ɛdeɛ ko, bɛ muala bɛle bulu nee nwiɔ. Aalɔn baka ɛdeɛ ne boka nwolɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:2

Ɛleka mɔɔ bɛyɛle azokoɛleɛ ne la, ɛnee nzule ɛnle ɛkɛ, yemɔti menli ne bɔle yiale Mosisi nee Aalɔn

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:8

Nyamenle yele bɛ vile Yigyibiti; Ɔko ɔmaa bɛ kɛ ɛnlankɛ kokonyinli, Ɔbazɛkye ye kpɔvolɛ maanle maanle ne mɔ, Yeabubu bɛ mbowule nu dwɔkɔdwɔkɔ, Yeatoto ye ɛda ne mɔ yeawowɔ bɛ.

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Mɛla 1:26

“Noko bɛkpole Ɛdɛnkɛma bɛ Nyamenle ne anloa edwɛkɛ; bɛangɔnva azɛlɛ ne.

Mɛla 1:29

“Noko menganle kɛ, ‘Bɛmmamaa bɛ ahonle tu yɛɛ bɛmmasulo menli ne.

Mɛla 31:6

Bɛgyinla kpundii na bɛmia bɛ nwo. Bɛmmasulo yɛɛ bɛmmamaa bɛ nwo mɔra tu. Ɔluakɛ Ɛdɛnkɛma bɛ Nyamenle ne a nee bɛ ɛlɛkɔ a. Ɔnrɛgyakyi bɛ yɛɛ ɔ rɛle ɛnrɛye bɛ ɛlɛ.”

Mɛla 31:8

Ɛdɛnkɛma a bali ɛ nyunlu nee wɔ ahɔ a. Ɔ nee wɔ balua. Ɔnrɛgyakyi wɔ yɛɛ ɔ rɛle ɛnrɛvi wɔ. Mmasulo yɛɛ mmamaa ɛ rɛle bɔ.”

Mɛla 32:42

Me ɛda mbaka babia mogya, na me dadeɛ ali nwonane, menli mɔɔ bɛhu bɛ nee menli mɔɔ bɛhye bɛ nuokɛ, menrɛvavi bie, mebahu me kpɔvolɛma ne amuala.

Mɛla 7:18

Bɛmmasulo bɛ. Bɛhakye mɔɔ Ɛdɛnkɛma bɛ Nyamenle ne vale yɛle Yigyibiti belemgbunli ne nee ye maanlema amuala la.

Mɛla 7:21

Ɔnle kɛ bɛsulo bɛ, ɔluakɛ Ɛdɛnkɛma bɛ Nyamenle ne wɔ bɛ avinli. Ɔle Nyamenle kpole mɔɔ anwo yɛ ɛzulolɛ a.

Mɛla 9:7

“Bɛdabɛ bɛhakye yɛɛ bɛmmamaa bɛ rɛle fi kɛ bɛzile bɛhanle Ɛdɛnkɛma bɛ Nyamenle ne ɛya wɔ ɛsɛlɛ ne azo la. Ɔvi mekɛ mɔɔ bɛvi Yigyibiti bɛyele bɛ nwo toonwo mɔɔ bɛradwu ɛke la, anzosesebɛ ala a bɛyɛ wɔ Ɛdɛnkɛma anwo a.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:27

Bɛmaa bɛ ɛbɛlabɔlɛ wɔ menli nu ɛfɛta mɔɔ Kelaese anwo Edwɛkpa ne kilehile la, amaa saa meba bɛ nwo lɔ o, menle lɔ o, meade kɛ bɛlɛ koyɛlɛ nee adwenle ko bɛgyi kpundii kɛ menli mɔɔ wɔ afoa na bɛlɛko kɛ menli kɛzɔ diedi ne anu.

Dwɔhyua Buluku ne 1:5

Awie biala ɛnrɛhola ɛnrɛli ɛ nwo zo konim wɔ mekɛ mɔɔ ɛde aze la. Me nee wɔ balua, kɛmɔ me nee Mosisi luale la. Menrɛye ɛ rɛle menrɛdo ɛ sa nu yɛɛ menrɛkpo wɔ ɛlɛ.

Dwɔhyua Buluku ne 14:12

Yemɔti fa azɛlɛ ne mɔɔ wɔ awoka ne mɔ azo lɔ la maa me. Ɛdɛnkɛma vale bɔle me ɛwɔkɛ wɔ mekɛ mɔɔ me nee me menli ne yɛrale la. Yɛhanle yɛhilele wɔ kɛ menli kakanyinli bie mɔɔ bɛfɛlɛ bɛ ‘Anakema’ la wɔ maanle ne anu, na bɛdede azuamgbole mɔɔ bɛlie nwolɛ bane la azo. Ɛdɛnkɛma baboa me yeamaa meavoa bɛ, kɛmɔ ɔdaye yeha la.”

Maanlebuvolɛma Buluku ne 1:22

Yifelaem abusua ekpunli ne noko hɔtetale Bɛtɛlema, na Ɛdɛnkɛma lile bɛ nzi. Dwosefi asa azo ne mɔ lumuale zoanle menli kɛ bɛhɔli busia bɛnlea kɛ Bɛtɛle azɛlɛ ne si de la. (Dɛba ne ɛnee bɛfɛlɛ suakpole ɛhye Lɛɛze).