Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:34 - BAEBOLO ANZƐƐ BULUKU NWUANZANWUANZA

³⁴ Bɛbanwu bɛ ɛtane ne anwo amaneɛ toonwo ɛvolɛ abulanla, ɛvolɛ ko biala gyi ɛkɛ maa kenle ko wɔ kenle abulanla ne mɔɔ bɛvale bɛkpɔlale azɛlɛ ne la. Ɛhye bamaa bɛanwu kɛ me ɛyavalɛ si de la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:34 ပူးပေါင်းရင်းမြစ်များ

1 Arl 8:56

“Bɛye Ɛdɛnkɛma ayɛlɛ kɛ yemaa ye menli ne anzo nu ɛdwo bɛ a. Mɔɔ ɔhanle la ɛyɛ zɔhane. Edwɛkɛ mɔɔ ɔluale ye akɛlɛ Mosisi anwo zo ɔhanle la ɛyɛ nɔhalɛ mɔɔ ko bɔbɔ anga nu a.

2 Edk 36:21

Ɛhye manle Ɛdɛnkɛma edwɛkɛ ne mɔɔ ɔluale Gyɛlɛmaya anwo zo ɔhanle la yɛle zɔ. Ɔse, “Azɛlɛ ne bala ɛkɛ ne mgbane toonwo ɛvolɛ abulasuu, yeazie Ɛnwomenlelielɛ Kenle ne mɔ mɔɔ bɛyɛle gyima nu la abo zo.”

Edwɛndolɛ Buluku ne 105:42

Ɔluakɛ ɔhakyele ye ɛwɔkɛ nwuanzanwuanza ne, yɛɛ ye sonvolɛ Ebileham.

Edwɛndolɛ Buluku ne 38:4

Ɔluakɛ me amumuyɛ ɛbo me nwo zo, bɛ ɛnlomboɛ ɛyɛ adesoa ɛbo me nwo zo.

Edwɛndolɛ Buluku ne 77:8

Asoo ye ɛhulolɛ kpundii ne ɛkpa nwo bɔkɔɔ? Asoo ye ɛwɔkɛbɔlɛ ne ɛwie bɔkɔɔ?

Edwɛndolɛ Buluku ne 95:10

Mengyile awolɛndoazo zɔhane ɛvolɛ abulanla, na menganle kɛ, “Bɛle menli mɔɔ ɛsolo, na bɛmbu me ndenle ne mɔ bie a.”

Yizikeɛle Buluku ne 14:10

Ahenle ne mɔɔ rale babiza ɔ nwo nee Nyamenle kpɔmanvolɛ ne, bɛ mu nwiɔ bɛ ndeanlɛ ne bayɛ ko, na bɛdabɛ bɛbali bɛ ndeanlɛ nwo ɛzonle,

Yizikeɛle Buluku ne 23:35

Yemɔti Awulae Nyamenle ne se, “Kɛmɔ wɔmaa ɛ rɛle ɛvi me na wɔye me wɔdo ɛ nzi la ati, ɛdawɔ soa wɔ tuutuulilɛ nee wɔ adwɔmanebɔlɛ ne mɔ anwo ndeanlɛ ne.”

Yizikeɛle Buluku ne 4:6

Saa ɛwie ɛhye a, ɛbahakyi ɛ nwo wɔala ɛhyɛne zo wɔ wɔ fema zo, na wɔanwu amaneɛ kenle abulanla wɔ Dwudama ati, kenle ko biala le wɔ ɛvolɛ ko amaneɛnwunlɛ.

Daneɛle Buluku ne 9:24

“Ɛnyelɛzodeɛnwunlɛ ne kile kɛ wɔ menli Yizilayɛma bava ɛvolɛ ɛya nna abulahɔnla (ɛvolɛ abulasuu fane nsuu) a alie bɛ nwo nee bɛ suakpole ne wɔ ɛtane nee munzule nu, bɛayɛ bɛ ɛtane nwo mgbɔdalɛ nzɛlɛlɛ na bɛali pɛlepɛle dahuu a, amaa ɛnyelɛzodeɛnwunlɛ ne nee Nyamenle nrɛlaleɛ ne ali munli, na bɛadu Ɛzonlenlɛ Sua ne bɛamaa Nyamenle bieko.

Hozia Buluku ne 9:12

Saa bɛwo mralɛ bɔbɔ a, mebahu bɛ kɔsɔɔti; menrɛgyakyi ko bɔbɔ. Saa mefi bɛ avinli meye me nwo a, munzule baha bɛ!”

Sɛlɛ 20:19

“Ɔnle kɛ nrenya fa ɔ nli adiema raalɛ anzɛɛ ɔ ze adiema raalɛ. Ɔyɛ ye zɔhane a, ɛnee yeva ɔ nwo sonla; bɛdabɛ bɛ mu nwiɔ bɛ munzule doa bɛ.

Zɛkalaya Buluku ne 11:10

Akee menvale me kpɔma ne mɔɔ medo ye “Ɛlolɛ” la na membubule nu, menvale menzɛkyele ngyekyeleɛ ne mɔɔ me nee maanle maanle ne mɔ ɛkyekye la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:25

Busiama ne kpɔlale azɛlɛ ne toonwo kenle abulanla na bɛziale.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 18:23

Livaema bayɛ Ndanlɛ Sua ne anwo gyima na bɛdabɛ bɛali bɛ ɛtane nwo ɛzonle. Ɛhye le mɛla mɔɔ bala ɛkɛ amaa bɛ bo zo amra dahuu a. Livaema ɛnrɛnyia agyadeɛ biala wɔ Yizilayɛma avinli.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:13

Ɛdɛnkɛma vale Yizilayɛma anwo ɛya na ɔmanle bɛlile ahyimango wɔ fienemgbole ne anu toonwo ɛvolɛ abulanla, hɔkpulale kɛ awolɛndoazo zɔhane mɔɔ ɛyɛ ɛtane wɔ Ɛdɛnkɛma anyunlu la wiele wu la.

Ɛzoanvolɛma Gyima ne 13:18

na ɔnyianle bɛ nwo abotane ɔnleanle bɛ gyɛlɛɛnye wɔ ɛsɛlɛ ne azo ɛvolɛ abulanla.

Mɛla 2:7

“Ɛdɛnkɛma bɛ Nyamenle ne ɛyila bɛ ɛmaa bɛ sa anloa gyima ɛyɛ boɛ ɛmaa bɛ. Ɔze bɛ ɛhɔlɛ nu nee kɛ bɛzi bɛkpɔsa fienemgbole ye anu la. Yenlea bɛ nwo zo gyɛlɛɛnye wɔ ɛvolɛ abulanla ye anu, yɛɛ bɛtɛkyianle debie biala anwo.

Kɛlata mɔɔ bɛhɛlɛle bɛhɔmanle Hibuluma la 4:1

Kɛkala mɔɔ Nyamenle ɛwɔkɛ ne mɔɔ fane ɛnwomenlelielɛ nwo la tɛbɔ ɛkɛ ne la, bɛmaa yɛnlea boɛ na bɛanze yɛ bie mɔ kɛ bɛdɔ sinli na bɛnrɛdwu ɛnwomenlelielɛ ɛleka ne.

Dwɔhyua Buluku ne 14:10

Na kɛkala, nea, Ɛdɛnkɛma hanle edwɛkɛ ɛhye hilele Mosisi la ye ɛvolɛ abulanla nee nnu ɛne. Mekɛ ne anu ɛnee Yizilayɛma lua ɛsɛlɛ ne azo, yɛɛ Ɛdɛnkɛma ɛmaa medɛnla ngoane nu toonwo yeradwu ɛnɛ; kɛkala meli ɛvolɛ abulatwɛ nee nnu.

Yekile 11:3

Mebamaa me dasevolɛma nwiɔ aheda ɛrele arabɔ Nyamenle edwɛkɛ ne nolo kenle apenle ko ɛya nwiɔ abulasia (1260).”

1 Sam 2:30

Zɔhane ati, medame, Yizilayɛ Ɛdɛnkɛma Nyamenle, mese: membɔle ɛwɔkɛ kɛ wɔ abusua ne nee ɛ bo zo amra bayɛ me sɛlɛvolɛma dahuu ɛdeɛ na kɛkala, mese wɔ kɛ ɔnrɛyɛ zɔhane bieko. Mebali menli mɔɔ di me eni la eni; na menrɛbu bɛdabɛ mɔɔ bɛkpo me la ɛhwee.