Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:3 - BAEBOLO ANZƐƐ BULUKU NWUANZANWUANZA

³ Duzu ati bɔbɔ yɛɛ Ɛdɛnkɛma kɛva yɛ kɛra azɛlɛ ɛhye azo, kɛ yɛrawu dadeɛ nloa ɛ? Yɛ mraalɛ nee yɛ mra badɔ donvula. Duzu ati a yɛnrɛzia yɛnrɛhɔ Yigyibiti a?”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:3 ပူးပေါင်းရင်းမြစ်များ

Nihɛmaya Buluku ne 9:17

Bɛanyɛ tieyɛ; bɛ rɛle vile mɔɔ ɛyɛle la amuala, bɛ rɛle vile nwanwane ninyɛne mɔɔ ɛyɛle la. Mgbanyizonle nu, bɛyele sonla lile bɛ ti kɛ ɔva bɛ ɔzia ɔhɔ kanrazonlenlɛ nu wɔ Yigyibiti. Noko ɛle Nyamenle mɔɔ ɛfa ɛtane ɛkyɛ, ɛkyɛ na wɔava ɛya; ɛle ɛlolɛ nee ɛhulolɛ. Wɔ anwunvɔnezelɛ ne le kpole bo zo, wɔamkpo bɛ.

Edwɛndolɛ Buluku ne 78:40

Bɛdele ɔ nwo atua dɔɔnwo wɔ fienemgbole ne anu, bɛmanle ɔlile nyane wɔ ɛsɛlɛ ne azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:3

Bɛzele Mosisi nee Aalɔn kɛ, “Ɔle kpalɛ kɛ anrɛɛ Ɛdɛnkɛma hunle yɛ wɔ Yigyibiti azɛlɛ zo. Ɛkɛ ne, yɛdɛnlanle aze yɛlile nane nee aleɛ yɛ ko yile tɛkɛɛ. Bɛva yɛ bɛragua fienemgbole ye anu bɛmaa ɛhɔne ahu menli pemgbenleamgbe ɛhye.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:21

Na bɛhanle bɛhilele Mosisi nee Aalɔn kɛ, “Ɛdɛnkɛma ɛnlea na ɔbua bɛ ndɛne, ɔboalekɛ bɛmaa yɛyɛ ɛtane wɔ belemgbunli nee ye mgbanyima anyunlu, na bɛva yɛ ɛhunlɛ dadeɛ bɛwula bɛ sa nu.”

Gyɛlɛmaya Buluku ne 42:14

‘Kyɛkyɛ, yɛkɔ Yigyibiti; ɛkɛ ne, yɛnrɛnwu konle, yɛnrɛde aweɛne ndendenle ne, yɛnrɛhyia aleɛ nwo, na ɛkɛ ne ala a yɛkadɛnla’ a,

Gyɛlɛmaya Buluku ne 42:19

Gyɛlɛmaya zele bɛ kɛ, “Ɛdɛnkɛma ɛze bɛdabɛ Dwudama mɔɔ bɛha la kɛ: ‘Bɛmmakɔ Yigyibiti.’ Bɛnwu ye wienyi kɛ mebɔ bɛ kɔkɔ wɔ ɛnɛ kenle ye.

Gyɛlɛmaya Buluku ne 9:3

Adalɛ ɛhu bɛ kuu; nɔhalɛ biala ɛnle azɛlɛ ne azo, adalɛ ngome ɛyi bɛ tɛkɛɛ. Ɛdɛnkɛma se, “Me menli ne bɔ munzule la ɛnee bɛbɔ, yɛɛ bɛnze me.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:20

na bɛbali toonwo siane mumua ko, toonwo yeavindevinde bɛ bonyi nu, mɔɔ nzinlii bɛnwu ye bɔbɔ a ɛnee ɔyɛ ayahanlɛ a. Ɛhye bazi, ɔboalekɛ bɛkpo medame, Ɛdɛnkɛma mɔɔ mede bɛ avinli la, na bɛzu bɛha kɛ, ‘Duzu ati bɔbɔ yɛɛ yɛvile Yigyibiti a?’ ”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:13

Ɛ kunlu ɛtɛdwole ɔ, kɛ wɔva yɛ wɔvi Yigyibiti azɛlɛ ne mɔɔ kye aleɛ la azo, wɔragua yɛ fienemgbole nwenle ye azo kɛ ɛku yɛ? Eza ɛkulo kɛ ɛfo ɛtɛnla yɛ kɔme zo ɔ?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:3

na bɛhehanle ɛtane ɛtane bɛtietiale bɛ kɛ, “Saa yɛ nee yɛ mediema Yizilayɛma wule Ɛdɛnkɛma Ndanlɛ Sua ne anyunlu a anrɛɛ ɔle kpalɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:5

na bɛdendɛle bɛtiale Nyamenle nee Mosisi kɛ, “Duzu ati yɛɛ bɛva yɛ bɛvi Yigyibiti bɛmaa yɛarawu fienemgbole ye anu a? Ɔluakɛ aleɛ ɛnle ɛke yɛɛ nzule bɔbɔ, bie ɛnle ɛke. Aleɛ funli ɛhye, yɛnrɛhola bieko di.”

Ɛzoanvolɛma Gyima ne 7:39

“Na yɛ nlenya mɔ kpole kɛ bɛnrɛdie ye; bɛvale ye bɛziele ahane na bɛhulole kɛ anrɛɛ bɛkɛzia bɛkɛhɔ Yigyibiti.

Mɛla 1:39

“Ɛdɛnkɛma zele me kɛ, ‘Akee bɛ mra ne mɔ mɔɔ bɛdwenle kɛ bɛkɛhye bɛ bɛkɛhu bɛ, nee bɛ mra ngyikyi ne mɔ mɔɔ kɛkala bɛnze ɛtane a bɛnze kpalɛ la, bɛmɛ yɛɛ bɛbahɔ azɛlɛ ne azo a. Na mebava azɛlɛ ne meamaa bɛ na bɛadɛnla zolɛ bɛava bɛayɛ bɛ ɛdeɛ bɔkɔɔ.