Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:22 - BAEBOLO ANZƐƐ BULUKU NWUANZANWUANZA

²² menli ɛhye mɔ mɔɔ ɛnwu me anyunlunyia ne nee nwanwane ninyɛne mɔɔ menyɛle wɔ Yigyibiti nee fienemgbole ne anu, noko bɛzɔ me bɛnlea toonwo fane bulu, na bɛandie me aneɛ la,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:22 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:41

Ɛvolɛ abulanwiɔ ne mɔɔ meli wɔ wɔ sua nu la, menzonlenle nuhua ɛvolɛ bulu nee nna wɔ ɛ mra mraalɛ nwiɔ ne ati, yɛɛ mboane ne mɔ noko ati, menzonlenle ɛvolɛ nsia, yɛɛ wɔhakyi me ahatualɛ ne fane bulu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:7

Noko bɛze ɛli me ndunlumi, yehakyi me ahatualɛ ne fane bulu, na Nyamenle ammaa ye adenle yeammaa yeanva ɔ sa yeanga me.

Dwobu Buluku ne 19:3

Fane kɛyɛ bulu ɛ, aholoba ala a ɛbɔ me a; ɔnyɛ wɔ nyiane bɔbɔ kɛ ɛkɛvo me ɔ?

Edwɛndolɛ Buluku ne 106:14

Bɛnyianle atiakunluwɔzo ɛtane wɔ fienemgbole ne anu, na bɛzɔle Nyamenle bɛnleanle wɔ ɛsɛlɛ ne azo;

Edwɛndolɛ Buluku ne 106:26

Yemɔti ɔmanle ɔ sa zo ɔhanle ndane kɛ ɔmaa bɛ kɔsɔɔti bɛadɔ fienemgbole ne anu

Edwɛndolɛ Buluku ne 78:41

Bɛzɔle ye bɛnleanle fane dɔɔnwo, na bɛhanle Yizilayɛ Nwuanzanwuanza Ko ne ɛya.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:11

na bɛhanle bɛhilele Mosisi kɛ, “Anzɛɛ azie biala ɛnle Yigyibiti mɔɔ yemɔti wɔva yɛ wɔra ɛmaa yɛarawu yɛagua fienemgbole ye anu a? Wɔye yɛ wɔvi Yigyibiti la, se wɔnwu ɛbɛla mɔɔ wɔbɔ la?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:24

Na menli ne dendɛle bɛ nzo abo tiale Mosisi zele kɛ, “Duzu a yɛno a?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:2

Na Yizilayɛma amuala dendɛle bɛ nzo abo tiale Mosisi nee Aalɔn wɔ fienemgbole ne anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:2

Yemɔti menli ne hɔle Mosisi anwo zo na bɛzele ye kɛ, “Maa yɛ nzule yɛnlo.” Na Mosisi hanle hilele bɛ kɛ, “Duzu ati a bɛra me nwo zo bɛbabɔ me somolɛ a? Duzu ati a bɛlɛsɔ Ɛdɛnkɛma bɛanlea a?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:3

Nzuhɔne hunle menli ne na bɛdendɛle bɛtiale Mosisi, bɛhanle kɛ, “Duzu ati a ɛvale yɛ ɛvile Yigyibiti, kɛ ɛ nee yɛ ba wɔamaa nzuhɔne ahu yɛ, ahu yɛ mra nee yɛ nlankɛ ɛ?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:7

Na ɔvɛlɛle ɛleka zɔhane Masa nee Mɛleba ɔboalekɛ Yizilayɛma ne mɔ bɔle tokule zɔle Ɛdɛnkɛma nleanle, na bɛhanle kɛ, “Asoo Ɛdɛnkɛma wɔ yɛ avinli anzɛɛ ɔnle yɛ avinli?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:1

Mɔɔ menli ne nwunle kɛ Mosisi akee ɛhyɛ somaa wɔ boka ne azo na ɔmba la, bɛ muala bɛhɔle Aalɔn anwo ɛkɛ bɛhɔzele ye kɛ, “Maa ɔyɛ ndɛndɛ maa yɛ nyamenle maa ɔli yɛ nyunlu, ɔluakɛ Mosisi ɛhye, mɔɔ yemɔ a le sonla mɔɔ yele yɛ vile Yigyibiti azɛlɛ zo la, yɛnze mɔɔ kɛkala ɛzi ɔ nwo zo a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:21

Na bɛhanle bɛhilele Mosisi nee Aalɔn kɛ, “Ɛdɛnkɛma ɛnlea na ɔbua bɛ ndɛne, ɔboalekɛ bɛmaa yɛyɛ ɛtane wɔ belemgbunli nee ye mgbanyima anyunlu, na bɛva yɛ ɛhunlɛ dadeɛ bɛwula bɛ sa nu.”

Ayezaya Buluku ne 42:20

Ɔnwu ninyɛne dɔɔnwo, noko ɔnvede ɔ nye ɔnnea, yebuke ɔ nzo, noko ɔnde edwɛkɛ.”

Daneɛle Buluku ne 1:20

Menli nna ne boale belemgbunli ne wɔ edwɛkɛ biala mɔɔ kye adwenle anzɛɛ hyia ndelebɛbo na ɔkɛbiza bɛ la anu kpole kpalɛ dɛlale ngonyiama nee silihyelɛma mɔɔ wɔ maanle ne anu la amuala fane bulu.

Malakae Buluku ne 3:15

Noko nea, ɛnɛ, yɛfa sonla mɔɔ le mgbanyizonle la kɛ Nyamenle ɛyila ye. Menli mɔɔ di ɛtane la kpazi, yɛɛ bɛdabɛ mɔɔ bɛfa bɛ ɛtane bɛsɔ Nyamenle bɛnea la anwo dwɔɔ.’ ”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:1

Menli ne dendɛle Ɛdɛnkɛma bɛ nzo abo wɔ nyane mɔɔ ɔlɛkile bɛ la anwo. Ɛdɛnkɛma dele na ɔvale ɛya kpole ɔmanle senle radɔle bɛ avinli yelale azokoɛleɛ ne foa ko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:4

Ɛnee nyɛvolɛ bie nee Yizilayɛma a ɛlɛtu adenle ne a. Bɛ ti akunlu rale nane ɛlilɛ zo kpole kpalɛ. Yizilayɛma bɔbɔ dendɛle bɛ nzo abo hanle kɛ, “Saa yɛnyia nane yɛali a anrɛɛ ɔle kpalɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:1

Ɛnee Mosisi ɛgya Kɛhye raalɛ, na Meleam nee Aalɔn dendɛle tiale ye wɔ nwolɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:11

Na Ɛdɛnkɛma zele Mosisi kɛ, “Fane nyɛ yɛɛ menli ɛhye mɔ kɛkpo me a? Meyɛ nwanwane ninyɛne dɔɔnwo memaa bɛ, na kenlenzu bɔbɔ yɛɛ bɛkɛlie me bɛkɛli a?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:2

Yizilayɛma ne kɔsɔɔti dendɛle tiale Mosisi nee Aalɔn hanle kɛ, “Ɔle kpalɛ kɛ anrɛɛ yɛwule Yigyibiti azɛlɛ zo! Anzɛɛ ɔle kpalɛ kɛ anrɛɛ yɛwule fienemgbole ɛhye anu!

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:12

kyesɛ Kinɛzenli Gyɛfɛni ara nrenya Kalɛbe nee Nɛn ara Dwɔhyua ala, ɔluakɛ bɛmɛ ala yɛɛ bɛvale bɛ nwo bɛmanle Ɛdɛnkɛma nɔhalɛ nu a.

Edwɛkpa ne kɛmɔ Mateyu hɛlɛle la 4:7

Gyisɛse buale ye kɛ, “Eza bɛhɛlɛ kɛ, ‘Mmasɔ Awulae wɔ Nyamenle ne ɛnea.’ ”

1 Kɔl 10:5

Noko akee Nyamenle anye anlie bɛ muala bɛ nwo, yemɔti bɛ nuhua dɔɔnwo totɔle ɛsɛlɛ ne azo.

1 Kɔl 10:9

Ɔnle kɛ yɛsɔ Awulae yɛnea, kɛmɔ bɛ bie mɔ yɛle a nwɔlɛ kekale bɛ hunle bɛ la.

Mɛla 9:7

“Bɛdabɛ bɛhakye yɛɛ bɛmmamaa bɛ rɛle fi kɛ bɛzile bɛhanle Ɛdɛnkɛma bɛ Nyamenle ne ɛya wɔ ɛsɛlɛ ne azo la. Ɔvi mekɛ mɔɔ bɛvi Yigyibiti bɛyele bɛ nwo toonwo mɔɔ bɛradwu ɛke la, anzosesebɛ ala a bɛyɛ wɔ Ɛdɛnkɛma anwo a.

Kɛlata mɔɔ bɛhɛlɛle bɛhɔmanle Hibuluma la 3:9

Bɛ nlenya mɔ nwunle gyima kpalɛ mɔɔ menlile memanle bɛ ɛvolɛ abulanla anu la, noko bɛgyegyele me na bɛzɔle me bɛnleanle.