Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:18 - BAEBOLO ANZƐƐ BULUKU NWUANZANWUANZA

¹⁸ ‘Medame Ɛdɛnkɛma, menva ɛya mgbane mgbane, melɛ ɛhulolɛ kpole, na mefa ɛtane nee mɛladonlɛ mekyɛ. Noko menrɛbu me nye menrɛgua zolɛ kɛ menwɔdea mralɛ nee nlɔnra toonwo ɔkɛdwu awolɛndoazo nsa nee nna ne anwo zo wɔ bɛ ze mɔ ɛtane ne mɔ ati,’ la azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:18 ပူးပေါင်းရင်းမြစ်များ

Nihɛmaya Buluku ne 9:17

Bɛanyɛ tieyɛ; bɛ rɛle vile mɔɔ ɛyɛle la amuala, bɛ rɛle vile nwanwane ninyɛne mɔɔ ɛyɛle la. Mgbanyizonle nu, bɛyele sonla lile bɛ ti kɛ ɔva bɛ ɔzia ɔhɔ kanrazonlenlɛ nu wɔ Yigyibiti. Noko ɛle Nyamenle mɔɔ ɛfa ɛtane ɛkyɛ, ɛkyɛ na wɔava ɛya; ɛle ɛlolɛ nee ɛhulolɛ. Wɔ anwunvɔnezelɛ ne le kpole bo zo, wɔamkpo bɛ.

Dwobu Buluku ne 21:19

“Wɔmɔ ɛse, ‘Nyamenle fa bɛ ɛtane ne mɔ tea bɛ mra.’ Maa ɔdua bɛdabɛ mumua ne kakɛ, amaa bɛanwu ye.

Edwɛndolɛ Buluku ne 103:8

Ɛdɛnkɛma le dovolɛ nee anwunvɔnezelɛnli, ɛhulolɛ kpundii ɛyi ye, ɔnva ɛya mgbane mgbane.

Edwɛndolɛ Buluku ne 108:4

Ɔluakɛ wɔ ɛhulolɛ kpundii ne le kpole tɛla anwuma, wɔ nɔhalɛlilɛ ne dwu amungu ne mɔ anu lɔ.

Edwɛndolɛ Buluku ne 109:14

Ɛdɛnkɛma, kakye ɔ ze mɔ ninyɛndane ne mɔ, yɛɛ mmafa ɔ nli ɛtane ne mɔ ɛkyɛ ye.

Edwɛndolɛ Buluku ne 145:8

Ɛdɛnkɛma le dovolɛ yɛɛ ɔse anwunvɔne, ɔnva ɛya mgbane mgbane yɛɛ ye ɛhulolɛ le kpundii.

Edwɛndolɛ Buluku ne 78:38

Noko yemɔ, kɛmɔ ɔse anwunvɔne la ati, ɔvale bɛ ɛtane ɔhyɛle bɛ, yɛanzɛkye bɛ; mekɛ dɔɔnwo ɔmenle ye ɛya ne, yeanva ye ɛya ne amuala yeangua bɛ nwo zo.

Edwɛndolɛ Buluku ne 86:15

Na wɔmɔ, O Awulae, ɛle ɛlolɛ nee anwunvɔnezelɛ Nyamenle, ɛnva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi wɔ tɛkɛɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:5

Bɛmmabɔ bɛ ti aze bɛmaa bɛ anzɛɛ bɛmmasonle bɛ. Ɔluakɛ medame Ɛdɛnkɛma bɛ Nyamenle ne, mele nungule Nyamenle. Mefa bɛ ze mɔ ɛtane ne mɔ anwo ndeanlɛ metea bɛdabɛ mɔɔ bɛkpɔ me la toonwo ɔkɔdwu awolɛndoazo nsa ne nee nna ne azo,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:6

na mekile me ɛhulolɛ kpundii ne memaa awolɛndoazo apenle apenle mɔɔ kulo me na bɛdi me mɛla zo la.

Gyɛlɛmaya Buluku ne 23:2

Ɛdɛnkɛma, Yizilayɛ Nyamenle ne ɛha mboaneneavolɛma mɔɔ nea ye mboane ne mɔ la anwo edwɛkɛ kɛ, “Bɛnnea me mboane ne mɔ boɛ, bɛvoa bɛ, bɛmaa bɛzande. Bɛnlea, mebadea bɛ wɔ bɛ ɛtane ne mɔ ati.

Gyɛlɛmaya Buluku ne 32:18

Debie biala ɛnyɛ se ɛmmaa wɔ, yɛɛ ɛkile wɔ ɛhulolɛ kpundii ne ɛkile menli pemgbenleamgbe, na ɛtea menli wɔ bɛ ze mɔ ɛtane ti. O Nyamenle Bedevinli mɔɔ ɛle kpole, mɔɔ wɔ duma a le Tumivolɛ Ɛdɛnkɛma la,

Gyɛlɛmaya Awolɛyelɛ 5:7

Egya mɔ yɛle ɛtane, na bɛwu bɛhɔ; nwolɛ ɛzonle ɛzoa yɛmɛ.

Dwona Buluku ne 4:2

Na ɔzɛlɛle Ɛdɛnkɛma kɛ, “Ɛdɛnkɛma, mesɛlɛ wɔ, edwɛkɛ ne mɔɔ mewɔ me sua zo lɔ mɔɔ menganle la, yemɔ a ɛyɛ zɔhane la. Na ɛhye ati noko yɛɛ anrɛɛ menriandi meahɔ Sepeen la. Ɔluakɛ meze kɛ wɔmɔ Ɛdɛnkɛma, ɛle ɛlolɛ Nyamenle mɔɔ se anwunvɔne a. Ɛlɛ abotane, ɛlɛ ɛhulolɛ kpole, yɛɛ ɛ nye ɛnlie munzule nwo.

Maeka Buluku ne 7:18

Nwane a le Nyamenle kɛ ɛdawɔ, O Ɛdɛnkɛma, mɔɔ ɛfa ɛtane ɛkyɛ na ɛmbu wɔ menli Yizilayɛma mɔɔ hale la mɛladonlɛ nwo mgbonda a? Ɛnva ɛya ɛnga zo, ɔboalekɛ ɛ nye die ɛhulolɛ kpundii nwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:17

Yemɔti Ɛdɛnkɛma, mesɛlɛ wɔ, kile yɛ wɔ tumi ne na di wɔ ɛwɔkɛ mɔɔ ɛbɔle kɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:21

Menwu mesie kɛ kenle bie, ngyegyelɛ Anzɛɛ anwubɛnyunlu ɛnrɛdo Yizilayɛ. Ɛdɛnkɛma bɛ Nyamenle ne nee bɛ lua, Bɛbɔ ye nolo kɛ ɔle bɛ belemgbunli.

Wulo 5:21

Zɔhane ati, kɛmɔ ɛtane vale ewule a lile belemgbunli la, zɔhane ala yɛɛ Nyamenle ɛlolɛ ne fa kpalɛyɛlɛ di belemgbunli na ɔfa yɛ ɔdua Gyisɛse Kelaese, yɛ Awulae ne anwo zo ɔkɔ ngoane mɔɔ ɛnlɛ awieleɛ la anu a.

Mɛla 5:10

na mekile me ɛhulolɛ kpundii ne wɔ apenle apenle mɔɔ kulo me na bɛdi me mɛla ne mɔ azo la anwo zo.

Mɛla 5:9

Bɛmmabɔ bɛ ti aze bɛmaa bɛ anzɛɛ bɛsonle bɛ, ɔluakɛ medame Ɛdɛnkɛma bɛ Nyamenle, mele Nyamenle mɔɔ twe nungule a, na mefa selɛma mɔɔ kyi me la amumuyɛ nwo ndeanlɛ metea bɛ mra kɔdwu awolɛndoazo nsa nee nna ne azo,

Mɛla 7:10

na ɔtea bɛdabɛ mɔɔ bɛkyi ye la, ɔbɔ bɛ bo zo bɔkɔɔ. Awie biala mɔɔ kyi ye la ɔnrɛva ɔnrɛhyɛ ye, ɔbadea ye kpalɛ.

Mɛla 7:9

Bɛnwu ye kɛ Ɛdɛnkɛma bɛ Nyamenle ne le Nyamenle, nɔhalɛ Nyamenle ne mɔɔ sie ye ngyekyeleɛ, na ɔkulo bɛdabɛ mɔɔ bɛkulo ye na bɛdi ye mɛla zo la, kɔdwu awolɛndoazo apenle nwo zo,