Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:1 - BAEBOLO ANZƐƐ BULUKU NWUANZANWUANZA

¹ Nɔe ne kɔsɔɔti menli ne vale arɛlebɔlɛ nee nyane zunle.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:1 ပူးပေါင်းရင်းမြစ်များ

Edwɛndolɛ Buluku ne 106:25

Bɛdendɛle bɛ nzo abo wɔ bɛ ndanlɛ azua ne mɔ anu, bɛanyɛ tieyɛ bɛammaa Ɛdɛnkɛma.

Edwɛndolɛ Buluku ne 78:32

Noko ɛhye mɔ amuala anzi, bɛhɔle zo bɛyɛle ɛtane; ye nwanwane nyɛleɛ ne mɔ anzi, bɛanlie bɛanli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:17

Mɔɔ Yigyibiti belemgbunli ne manle menli ne adenle kɛ bɛhɔ la, Nyamenle ammaa bɛampe Filisitiama azɛlɛ zo wɔ mekɛ mɔɔ ɛkɛ ne a le adenle sikalɛ la, ɔluakɛ Nyamenle hanle kɛ, “Saa menli ne mɔ dua ɛkɛ na bɛkɔtɔ konle nu a bɛkɛvu bɛ nwo na bɛkɛzia bɛkɛhɔ Yigyibiti bieko.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:4

Mɔɔ menli ne dele amaneɛ ɛtane ɛhye la, bɛlile nyane, bɛanva bɛ anwoneɛ ne mɔ bɛanziezie bɛ nwo bieko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:33

Eza yɛnwunle menli ndendenle mbelane bie mɔɔ le Anake abo zo amra mɔɔ vi Nɛfelem anu la wɔ ɛkɛ. Yɛgyi bɛ nyunlu a yɛle kɛ ngɛkɛba bie, yɛɛ bɛdabɛ noko bɛnea yɛ a ɛnee yɛle ngɛkɛba bie wɔ bɛ nye zo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:2

Yizilayɛma ne kɔsɔɔti dendɛle tiale Mosisi nee Aalɔn hanle kɛ, “Ɔle kpalɛ kɛ anrɛɛ yɛwule Yigyibiti azɛlɛ zo! Anzɛɛ ɔle kpalɛ kɛ anrɛɛ yɛwule fienemgbole ɛhye anu!

Mɛla 1:26

“Noko bɛkpole Ɛdɛnkɛma bɛ Nyamenle ne anloa edwɛkɛ; bɛangɔnva azɛlɛ ne.

Mɛla 1:45

Na bɛvale ɛzunlɛ bɛziale bɛrale Ɛdɛnkɛma ɛkɛ, noko Ɛdɛnkɛma andie bɛ yɛɛ yeannea bɛ nyunlu bɔbɔ.

Mɛla 9:23

Eza mɔɔ bɛwɔ Keedɛhye Baanɛya la, Ɛdɛnkɛma zele bɛ kɛ, ‘Bɛhɔ na bɛhɔva azɛlɛ ne mɔɔ meva memaa bɛ la.’ Noko bɛdule Ɛdɛnkɛma bɛ Nyamenle ne anloa bɛdole; bɛanlie ye bɛanli yɛɛ bɛandie ɔ ne.

Dwɔhyua Buluku ne 14:8

Menli mɔɔ nee me hɔle la manle yɛ menli ne mɔ ahonle dule. Noko nɔhalɛ nu, menyɛle tieyɛ memanle Ɛdɛnkɛma me Nyamenle ne.

1 Sam 30:4

bɛdukuele nuhua bɛzunle toonwo bɛ ɛnwomenle wiele bɔkɔɔ.