Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:27 - BAEBOLO ANZƐƐ BULUKU NWUANZANWUANZA

²⁷ Na bɛhanle bɛhilele Mosisi kɛ, “Yɛhɔle azɛlɛ ne mɔɔ ɛzoanle yɛ zo la azo. Azɛlɛ ne kye aleɛ yɛɛ ninyɛne kpalɛ wɔ zolɛ; ma mɔɔ wɔ zolɛ la bie mɔ ɛ; azɛlɛ ne kye aleɛ bɔkɔɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:27 ပူးပေါင်းရင်းမြစ်များ

Nihɛmaya Buluku ne 9:25

Wɔ menli ne mɔ honle vale ninyɛne ɛhye mɔ: azuamgbole mɔɔ bɛhye nwolɛ, azɛlɛ mɔɔ kye aleɛ, azua mɔɔ anwonyia ɛyiyi bɛ, bula mɔɔ bɛbɔ, ɔlivi mbaka, mbaka mɔɔ so ma, yɛɛ vanye tola. Bɛlile debie biala mɔɔ bɛkulo la na bɛyɛle mbelane, bɛlile ninyɛne kpalɛ mɔɔ ɛmanle bɛ la kɔsɔɔti anwo fɛlɛko.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:5

Na saa Ɛdɛnkɛma fa bɛ dwu Keena mɔɔ le Hɛtema, Amɔlema, Haevaema, yɛɛ Gyibɛsema azɛlɛ ne mɔɔ ɔvale ɔbɔle bɛ ze mɔ ɛwɔkɛ, na ɔle azɛlɛ kɛnlɛma mɔɔ kye aleɛ la azo a, bɛli ɛvoyia ɛhye wɔ siane ɛhye anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:17

na mebɔ ɛwɔkɛ kɛ mebaye bɛ meavi bɛ amaneɛnwunlɛ nu wɔ Yigyibiti na me nee bɛ ahɔ Keenama, Hɛtema, Amɔlema, Pɛlɛzema, Haevaema, nee Gyibɛsema azɛlɛ zo. Ɛkɛ ne azɛlɛ ne le kpalɛ na ɔkye aleɛ.’

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:8

Meze bɛ amaneɛnwunlɛ ne, na mera kɛ mebalie bɛ meavi Yigyibitima asa anu, meaye bɛ meavi azɛlɛ ɛhye azo me nee bɛ ahɔ azɛlɛ kpalɛ mɔɔ tɛlɛ, azɛlɛ kpalɛ mɔɔ kye aleɛ mɔɔ Keenama, Hɛtema, Amɔlema, Pɛlɛzema, Haevaema, yɛɛ Gyibɛsema a de zolɛ la azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:3

Bɛhɔ azɛlɛ ne mɔɔ kye aleɛ la azo; na mame, me nee bɛ ɛnrɛhɔ, anrɛɛ menwɔbɔ bɛ bo zo wɔ adenle nu, ɔluakɛ bɛle menli mɔɔ anzo yɛ se a.”

Gyɛlɛmaya Buluku ne 11:5

Na mebali ɛwɔkɛ ne mɔɔ membɔle bɛ ze mɔ kɛ mebava azɛlɛ ne mɔɔ kye aleɛ, mɔɔ kɛkala bɛde zolɛ la meamaa bɛ la azo.” Membuale kɛ, “Ɛdɛnkɛma, maa ɔyɛ zɔhane.”

Gyɛlɛmaya Buluku ne 32:22

Akee ɛvale azɛlɛ ɛhye mɔɔ kye aleɛ la ɛmanle bɛ, kɛmɔ ɛvale ɛbɔle bɛ ze mɔ ɛwɔkɛ kɛ ɛkɛva ɛkɛmaa bɛ la.

Yizikeɛle Buluku ne 20:15

Yemɔti menganle ndane mengilele bɛ wɔ fienemgbole ne anu kɛ me nee bɛ ɛnrɛra azɛlɛ kpalɛ ne mɔɔ kye aleɛ, na ɔle azɛlɛ kpalɛ ɔtɛla azɛlɛ kɔsɔɔti, mɔɔ meva memaa bɛ la azo.

Yizikeɛle Buluku ne 20:6

Kenle ko zɔhane menganle ndane kɛ meye bɛ meavi Yigyibiti azɛlɛ zo na meava bɛ meahɔ azɛlɛ kpalɛ mɔɔ kye aleɛ, na ɔle azɛlɛ kpalɛ ɔtɛla azɛlɛ kɔsɔɔti, mɔɔ mekpondɛ mezie ɛkɛ memaa bɛ la azo.

Sɛlɛ 20:24

Na bɛmɛ, meha mehile bɛ kɛ, ‘Bɛbava azɛlɛ ne, yɛɛ mebava meamaa bɛayɛ bɛ ɛdeɛ bɔkɔɔ. Ɔle azɛlɛ mɔɔ kye aleɛ a.’ Medame a mele Ɛdɛnkɛma bɛ Nyamenle ne mɔɔ mekpa nu meye bɛ mevi menli kɔsɔɔti anu a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:7

na bɛhanle bɛhilele Yizilayɛma ne kɛ, “Azɛlɛ ne mɔɔ yɛhɔkpɔlale la le azɛlɛ kɛnlɛma kpalɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:8

Saa Ɛdɛnkɛma ɔdaye ɔkulo yɛ ɛdeɛ a, ɔ nee yɛ bahɔ azɛlɛ ne azo. Ɔle azɛlɛ mɔɔ kye aleɛ na ninyɛne kpalɛ wɔ zo a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:13

Ɛ kunlu ɛtɛdwole ɔ, kɛ wɔva yɛ wɔvi Yigyibiti azɛlɛ ne mɔɔ kye aleɛ la azo, wɔragua yɛ fienemgbole nwenle ye azo kɛ ɛku yɛ? Eza ɛkulo kɛ ɛfo ɛtɛnla yɛ kɔme zo ɔ?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:14

Ɛtɛfale yɛ ɛtɛbale azɛlɛ biala mɔɔ kye aleɛ la azo, yɛɛ ɛtɛmanle yɛ egyinli nee vanye egyinli biala kɛ yɛ ti anwo yɛ ɛdeɛ ɔ. Ndaneani yɛɛ ɛlɛyɛ yɛ a. Yɛnrɛra ɛnɛ, yɛnrɛra ɛhyema!”

Mɛla 11:9

na bɛanyi bɛahyɛ wɔ azɛlɛ kpalɛ ne mɔɔ kye aleɛ mɔɔ Ɛdɛnkɛma bɛ Nyamenle ne vale bɔle bɛ ze mɔ ɛwɔkɛ kɛ ɔfa yeamaa bɛ nee bɛ bo zo amra la azo.

Mɛla 26:9

na ɔyele yɛ ɔvile Yigyibiti ɔrale azɛlɛ ɛhye azo.

Mɛla 27:3

Bɛhɛlɛ mɛla ɛhye mɔ kɔsɔɔti bɛgua zolɛ wɔ mekɛ mɔɔ bɛkɛpɛ bɛkɛhɔ azɛlɛ ne mɔɔ kye aleɛ, mɔɔ Ɛdɛnkɛma bɛ Nyamenle ne bava amaa bɛ la azo la, kɛmɔ bɛ ze mɔ Ɛdɛnkɛma Nyamenle ne ɛva ɛbɔ bɛ ɛwɔkɛ la.

Mɛla 31:20

Ɔluakɛ saa mefa bɛ medwu azɛlɛ ne mɔɔ kye aleɛ mɔɔ menvale membɔle bɛ ze mɔ ɛwɔkɛ la azo, na bɛdi bɛ ko yi, bɛyɛ mbelane a, bɛbahakyi bɛabɔ bɛ ti aze bɛamaa awozonle na bɛazonle bɛ. Bɛbakpo me na bɛatulu me ngyekyeleɛ ne.

Mɛla 6:3

Zɔhane ati, Yizilayɛma, bɛnlea boɛ na bɛli mɛla ne mɔ azo, amaa yeayɛ boɛ yeamaa bɛ wɔ azɛlɛ ne mɔɔ kye aleɛ la azo, na bɛ nwo azo dɔɔnwo, kɛmɔ Ɛdɛnkɛma, bɛ ze mɔ Nyamenle ne vale bɔle bɛ ɛwɔkɛ la.