Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:22 - BAEBOLO ANZƐƐ BULUKU NWUANZANWUANZA

²² Bɛhɔle azɛlɛ ne nyiakɛ na bɛhɔle Hibulɔn, ɛleka mɔɔ ɛnee menli kakanyinlima bie mɔɔ bɛfɛlɛ bɛ Anakema la abo zo amra, Ahaeman, Hyihyae, yɛɛ Talimae de la. (Bɛkyekyele Hibulɔn ɔlile ɛvolɛ nsuu kolaa na bɛakyekye Zowan mɔɔ wɔ Yigyibiti la.)

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:22 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:18

Yemɔti Ebilam dudule ye ndanlɛ sua ne na ɔhɔdɛnlanle Mameli oku mbaka ne mɔ mɔɔ wɔ Hibulɔn la anwo. Na ɛkɛ ne, ɔzile azukponle ɔmanle Ɛdɛnkɛma.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 23:2

Ɔwule Hibulɔn (Keleate Aaba), wɔ Keena maanle nu, na Ebileham zunle ye.

2 Sam 2:1

Ɛhye anzi, Devidi bizale Ɛdɛnkɛma kɛ, “Mengɔ Dwuda azuamgbole ne mɔ bie azo ɔ?” Ɛdɛnkɛma zele ye kɛ, “Kɔ.” Devidi bizale kɛ, “Boni azo a mengɔ a?” Ɛdɛnkɛma buale ye kɛ, “Kɔ Hibulɔn.”

2 Sam 2:11

na ɔdɛnlanle Hibulɔn ɔziele Dwuda ɛvolɛ nsuu nee foa.

2 Sam 21:16

Filisitia menli kakanyinlima ne mɔ anu ko mɔɔ bɛfɛlɛ ye Yehyebaebinɔbo na ɔlɛ kɔbele atwɛ mɔɔ ye ɛnlomboɛ kɛyɛ kilo nsa nee foa ko, na ɔlɛ konle dadeɛ fofolɛ la yɛle kɛ ɔkahu Devidi.

Edwɛndolɛ Buluku ne 78:12

Ɔyɛle nwanwane ninyɛne ɔhilele bɛ nlenya mɔ wɔ Zowan fienemgbole nu, wɔ Yigyibiti azɛlɛ zo.

Edwɛndolɛ Buluku ne 78:43

na yeayɛ ye nwanwane sɛkɛlɛneɛ mɔɔ ɔyɛle wɔ Yigyibiti, anzɛɛ nwanwane ninyɛne mɔɔ ɔyɛle wɔ Zowan fienemgbole nu la.

Ayezaya Buluku ne 19:11

Zowan mgbanyima le ahoasea kpole kpalɛ, yɛɛ Yigyibiti belemgbunli ne folɛtuvoma tu folɛ ɛtane. Duzu ati a ɔwɔ kɛ bɛka bɛkile Yigyibiti belemgbunli ne kɛ, “Mele nrɛlɛbɛvolɛ ra, mele mɔmoane arelemgbunli ne mɔ bie ara nrenya” ɛ?

Ayezaya Buluku ne 19:13

Zowan mgbanyima ɛyɛ ahoasea, yɛɛ bɛbɛlɛbɛla Mɛmefese mgbanyima. Yigyibiti titilema mɔɔ lɛ maanle ne la ɛmaa Yigyibitima anye zo ɛda bɛ.

Ayezaya Buluku ne 30:4

Ɔluakɛ ye maanle mgbanyima ne mɔ wɔ Zowan yɛɛ ye ɛbɔfoɔma wɔ Heenɛze bɔbɔ ɛdeɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:17

Mɔɔ Mosisi soa bɛ la, ɔzele bɛ kɛ, “Bɛhɔ sɔlɔ afoa nu wɔ Keena azɛlɛ ne nyiakɛ, na bɛhɔ azua mɔɔ gua awoka ne mɔ azo la azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:28

Noko menli mɔɔ wɔ zolɛ la anwo yɛ se, yɛɛ bɛbɔ bɛ azuamgbole ne mɔ anwo bane kpalɛ. Mɔɔ yɛ ɛzulolɛ kpole kpalɛ la a le kɛ, yɛnwunle kakanyinlima bie mɔɔ le Anake abo zo amra la wɔ ɛkɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:33

Eza yɛnwunle menli ndendenle mbelane bie mɔɔ le Anake abo zo amra mɔɔ vi Nɛfelem anu la wɔ ɛkɛ. Yɛgyi bɛ nyunlu a yɛle kɛ ngɛkɛba bie, yɛɛ bɛdabɛ noko bɛnea yɛ a ɛnee yɛle ngɛkɛba bie wɔ bɛ nye zo.”

Mɛla 9:2

Menli mɔɔ wɔ maanle ne anu la le Anakema, kɛmɔ bɛdabɛ bɛze la, bɛle menli kakanyinli, yɛɛ menli ka bɛ nwo edwɛkɛ kɛ awie biala ɛngola bɛ.

Dwɔhyua Buluku ne 10:36

Ɛhye anzi, Dwɔhyua nee ye ɛlɔnema ne vile Ɛgelɔn na bɛhɔle Hibulɔn, wɔ awoka ne mɔ azo lɔ; bɛtetale ye bɛ nee sua ne azo amra honle

Dwɔhyua Buluku ne 21:13

Bɛvale azuamgbole ɛhye mɔ nee Hibulɔn (Hibulɔn le ɛvealeka),

Maanlebuvolɛma Buluku ne 1:10

Na Dwudama hɔtetale Keenama mɔɔ wɔ Hibulɔn mɔɔ ɛnee bɛfɛlɛ ye Keleate Aaba la, na bɛlile Hyihyae, Ahaeman, yɛɛ Talemae asa azo ne mɔ anwo zo konim.

1 Sam 30:31

yɛɛ Hibulɔn la. Ɔvale bie ɔhɔmanle menli mɔɔ wɔ ɛleka biala mɔɔ ɔ nee ye ɛlɔnema hɔkpɔsale la.