Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:6 - BAEBOLO ANZƐƐ BULUKU NWUANZANWUANZA

⁶ Na Ɛdɛnkɛma zele bɛ kɛ, “Bɛdie mɔɔ meka la! Saa Nyamenle kpɔmanvolɛ ba bɛ avinli a, medame Ɛdɛnkɛma a meye me nwo mekile ye wɔ ɛnyelɛzodeɛnwunlɛ nu, na metendɛ mekile ye wɔ ɛlalɛ nu a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:1

Ɛhye mɔ anzi, Ebilam dele Ɛdɛnkɛma edwɛkɛ ne wɔ ɛnyelɛzodeɛnwunlɛ nu kɛ, “Ebilam, mmasulo, na mebabɔ ɛ nwo bane. Wɔ ahatualɛ bayɛ kpole kpalɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 20:7

Yemɔti fa nrenya ne aye ne kɔmaa ye. Ɔle Nyamenle kpɔmanvolɛ, ɔbazɛlɛ yeamaa wɔ, na wɔanyia ngoane. Na saa wɔanva raalɛ ne wɔangɔ a, ɛnee nwu ye kɛ ɛdawɔ nee wɔ menli ne kɔsɔɔti bawu.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:12

Nɔe ne ɔka ɛlalɛ la, ɛnee kpolike gyi azɛlɛ ye azo na ɔ ti kpula Nyamenle ne ako abo lɔ, na Nyamenle soanvolɛma ɛlɛdi fodwu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:16

Na Gyekɔbo vi nafelɛ nu dunwuele na ɔhanle kɛ, “Amgba, Ɛdɛnkɛma wɔ ɛke, yɛɛ menze a.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:5

Kenle ko Dwosefi hanle ɛlalɛ, na mɔɔ ɔhanle ɔhilele ɔ mediema ne mɔ la, akee bɛhyile ye bɔkɔɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:9

Dwosefi eza hanle ɛlalɛ bieko, na ɔhanle ɔhilele ɔ mediema ne mɔ. Ɔse, “Bɛdie, meha ɛlalɛ bieko. Menwunle kɛ sɛnzɛne ne, yɛɛ siane ne, yɛɛ nwɔlɔra bulu nee ko ɛlɛbɔ bɛ ti aze amaa me.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 46:2

Na nɔe ne Nyamenle dendɛle hilele ye wɔ ɛnyelɛzodeɛnwunlɛ nu, na ɔzele ye kɛ, “Gyekɔbo, Gyekɔbo!” Gyekɔbo liele zolɛ kɛ, “Mewɔ ɛke.”

2 Sam 7:4

Na kenle ko ne nɔe ne, Ɛdɛnkɛma zele Neetan kɛ,

1 Arl 3:15

Sɔlɔmɔn dunwuele la ɔnwunle kɛ Nyamenle ɛdendɛ ɛhile ye wɔ ɛlalɛ nu. Nzinlii ɔhɔle Gyɛlusalɛm, ɛleka mɔɔ Ɛdɛnkɛma Ngyekyeleɛ Ɛlɛka ne wɔ la na ɔyelale nane ɔbɔle azu na eza ɔbɔle anzonudwolɛ azu ɔmanle Ɛdɛnkɛma. Eza ɔdole ye menli ne amuala ɛkponle.

1 Arl 3:5

Kenle ko ne nɔe ne Ɛdɛnkɛma yele ɔ nwo hilele ye wɔ ɛlalɛ nu na ɔzele ye kɛ, “Duzu a ɛkpondɛ kɛ meyɛ memaa wɔ a?”

Dwobu Buluku ne 33:15

Wɔ ɛlalɛ nu, nɔɔzo ɛnyelɛzodeɛnwunlɛ nu, mɔɔ nafelɛ kɛdɔ menli nwo zo, na bɛdeda bɛ mgba ne mɔ azo la,

Dwobu Buluku ne 4:13

Ɔrale kɛ ɛlalɛ ɛzulolɛ bie, mɔɔ menli ka wɔ bɛ nafelɛ nu la.

Edwɛndolɛ Buluku ne 105:15

ɔhanle kɛ, “Awie biala mmafa ɔ sa ka me menli ne mɔɔ mekpa nu meye bɛ la; awie biala mmagyegye me kpɔmanvolɛma ne.”

Edwɛndolɛ Buluku ne 89:19

Mɔmoane, ɛdendɛle ɛnyelɛzodeɛnwunlɛ nu ɛhilele wɔ nɔhalɛ sonvolɛ ne na ɛhanle kɛ, “Mezoa sonla mɔɔ le katakyie la belemgbunli kyɛlɛ, memaa sonla mɔɔ bɛkpa nu bɛye ye menli ne avinli la ɛyɛ kpole.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:1

Na Ɛdɛnkɛma zele Mosisi kɛ, “Nea, meyɛ wɔ kɛ ɛle Nyamenle wɔ belemgbunli ne anye zo, na ɛ diema Aalɔn ayɛ wɔ kpɔmanvolɛ.

Gyɛlɛmaya Buluku ne 23:25

Mede adalɛ mɔɔ Nyamenle kpɔmanvolɛma fa me duma bɔ, ka bɛ nrɛlaleɛ ne la. Bɛse, ‘Meha ɛlalɛ, meha ɛlalɛ’

Gyɛlɛmaya Buluku ne 23:28

Nyamenle kpɔmanvolɛma mɔɔ ka ɛlalɛ la ɛha bɛ ɛlalɛ ne, na Nyamenle kpɔmanvolɛ mɔɔ ka me nrɛlaleɛ ne la ɛha me nrɛlaleɛ ne nɔhalɛ nu.” Ɛdɛnkɛma ɛlɛbiza kɛ, “Ɛhonle fa ye nienwu a nee awule sɛ a?”

Yizikeɛle Buluku ne 1:1

Wɔ ɛvolɛ abulasa ne anu, siane nna ne, ye kenle nnu ne azo, ɛnee medame, sɛlɛvolɛ Yizikeɛle, mɔɔ me ze a le Buzi la mewɔ Dwuuma mɔɔ bɛhye bɛ, bɛ nee bɛ ɛhɔ nlɔnu la avinli wɔ Azule Kibaa ne anloa. Na menwunle kɛ anwuma ɛbuke, na Nyamenle yele ɔ nwo hilele me.

Daneɛle Buluku ne 10:8

Yemɔti ɔhale me ngomekye ala mɔɔ menwunle ɛnyelɛzodeɛnwunlɛ ne la. Me nwo mɔra dule; ɛkɛ ne ala me nyunlu yɛle ɛzulolɛ bie mɔɔ awie mɔɔ ze me la nwunle me a anrɛɛ ɔnrɛnwu me sonla holɛ, na me nwo bɛlɛle me.

Daneɛle Buluku ne 2:19

Kenle ko ne nɔe ne Nyamenle luale ɛnyelɛzodeɛnwunlɛ zo yele ɛlalɛ ne hilele Daneɛle na ɔhilele ye ɔ bo. Na Daneɛle yele Nyamenle ayɛlɛ zele kɛ,

Daneɛle Buluku ne 7:1

Daneɛle hanle ɛlalɛ na ɔnwunle ɛnyelɛzodeɛnwunlɛ wɔ ɛvolɛ ko ne ala mɔɔ Babelɔn Belemgbunli Bɛlehyaza lile ebia ne la anu. Ɔhɛlɛle ɛlalɛ ne mɔɔ ɔnwunle ye la na ɔhanle ɔ muala.

Daneɛle Buluku ne 8:2

Wɔ ɛnyelɛzodeɛnwunlɛ ne anu, menwunle kɛ ɛnee mewɔ Yilam maanzinli nu suakpole Susa azo, na megyi Azule Yulae anloa.

Hozia Buluku ne 12:11

Saa ninyɛndane bie tɛbɔ Geleade a, zolɛ ɛnrɛra nvasoɛ biala. Saa bɛfa nlankɛ nyinli bɛbɔ azu wɔ Gelegale a, azukponle ne mɔ mɔɔ wɔ ɛkɛ la bayɛ awolɛ edukue wɔ ɛya nu kofie ne mɔ avinli.”

Dwowɛle Buluku ne 3:1

Ɛdɛnkɛma se, “Mekɛ zɔhane mɔɔ mebava Dwuda nee Gyɛlusalɛm anwonyia ne meamaa bɛ la,

Zɛkalaya Buluku ne 1:8

“Nɔe ne, menwunle kɛ nrenya bie de ɛkpɔnwɔ kɔkɔlɛ zo. Menwunle kɛ ɔgyi ‘mɛtele’ mbaka bie anu wɔ bɔnza bie anu, na ɔ nzi ɛkɛ ne, mgbɔnwɔ kɔkɔlɛ, ndetandeta, yɛɛ fufule gyigyi ɛkɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:4

Yemɔ a ɔte Nyamenle edwɛkɛ, Na ɔnwu Tumivolɛ ne ɛnyelɛzodeɛnwunlɛ ne la, Yedɔ aze, noko ɔ nye ɛtɛkedale.

Edwɛkpa ne kɛmɔ Mateyu hɛlɛle la 1:20

Na mekɛ mɔɔ ɛnee Dwosefi ɛlɛdwenledwenle ɛhye anwo la, Awulae soanvolɛ yele ɔ nwo hilele ye wɔ ɛlalɛ nu na ɔzele ye kɛ, “Dwosefi, Devidi alɔnra, mmasulo kɛ ɛkɛva Mɛle ɛkɛyɛ ɛ ye, ɔluakɛ ɔlua Sunsum Nwuanzanwuanza ne anwo zo a yenrenzɛ a.

Edwɛkpa ne kɛmɔ Mateyu hɛlɛle la 2:19

Mɔɔ Belemgbunli Hɛlɔdo wule la, Awulae soanvolɛ hanle Dwosefi ɛlalɛ wɔ Yigyibiti na

Edwɛkpa ne kɛmɔ Mateyu hɛlɛle la 23:31

Ɛhye kile kɛ bɛdie bɛto nu bɔkɔɔ kɛ bɛ nlenya mɔ a hunle Nyamenle kpɔmanvolɛma ne mɔ a.

Edwɛkpa ne kɛmɔ Mateyu hɛlɛle la 23:34

Ɛhye ala ati yɛɛ melɛsoa Nyamenle kpɔmanvolɛma, nrɛlɛbɛvolɛma, yɛɛ kilehilevolɛma wɔ bɛ nwo a; noko bɛbahu bie mɔ, bɛbabɔ bie mɔ meanubaka nu, bɛbabo bie mɔ wɔ bɛ nyianu azua ne mɔ anu, na bɛayɛ bie mɔ kpɔdekpɔde wɔ bɛ azua ne mɔ azo.

Edwɛkpa ne kɛmɔ Mateyu hɛlɛle la 23:37

“Gyɛlusalɛm, O Gyɛlusalɛm! Mɔɔ ɛku Nyamenle kpɔmanvolɛma, ɛsi menli mɔɔ Nyamenle ɛzoa bɛ wɔ ɛ nwo la awolɛ a! Fane dɔɔnwo yɛɛ mehulo kɛ anrɛɛ menwɔva me sa menwɔbɛla wɔ menli ne amuala kɛ akɔlɛ ɛdane butu ɔ mra anwo zo la, noko wɔammaa me adenle.

Edwɛkpa ne kɛmɔ Mateyu hɛlɛle la 27:19

Eza mɔɔ ɛnee Paelɛte de ye ndɛnebualɛ ebia ne anu la, ɔ ye dole ye nrɛlaleɛ kɛ, “Mmayɛ nrenya ne ɛhwee na ɔnze nwolɛ bie. Ɔlua yemɔ ɔ ti, menwu ɛzulolɛ kpole ɛnɛ nɔe wɔ ɛlalɛ nu.”

Edwɛkpa ne kɛmɔ Luku hɛlɛle la 1:11

Arɛlevilɛ nu ala Nyamenle soanvolɛ bie yele ɔ nwo hilele ye, ɔragyinlanle azukponle ne fema zo, ɛleka mɔɔ bɛkpu ɛyɛlɛ ne la.

Edwɛkpa ne kɛmɔ Luku hɛlɛle la 1:22

Nzinlii mɔɔ ɔvindele la, yeangola yeandendɛ yeangile bɛ, ɔvale ɔ sa a ɔyɛle sɛkɛlɛneɛ ɔhilele bɛ a, na bɛnyianle adwenle kɛ yenwu ɛnyelɛzodeɛnwunlɛ bie wɔ Ɛzonlenlɛ Sua ne anu.

Edwɛkpa ne kɛmɔ Luku hɛlɛle la 20:6

Saa yɛka noko kɛ, ‘Ɔvi sonla’ a, menli ɛwolaa ye mɔɔ wɔ ɛke la amuala kɛzi yɛ awolɛ, ɔboalekɛ bɛdie bɛto nu kɛ Dwɔn le Nyamenle kpɔmanvolɛ.”

Ɛzoanvolɛma Gyima ne 10:11

kɛ anwuma ɛbuke, na bɛlɛdwula debie bie mɔɔ le kɛ ɛdanlɛ mɔɔ bɛsosɔ ɔ nloa nna ne amuala anu la aze.

Ɛzoanvolɛma Gyima ne 10:17

Mɔɔ Pita ɛlɛdwenle mɔɔ yenwu ye la anwo la, ɛnee menli mɔɔ Kɔnileɛse zoanle bɛ la noko ɛbizebiza dedee bɛnwu Saemɔn sua nu na bɛra, bɛwɔ anuhɔlɛ ɛkɛ ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:11

Ye ahyɛlɛdeɛ a le kɛ ɔmaa bie mɔ yɛ ɛzoanvolɛma, bie mɔ yɛ Nyamenle kpɔmanvolɛma, bie mɔ yɛ Edwɛkpa ne nolobɔlɛma, yɛɛ bie mɔ noko yɛ sɛlɛvolɛma nee kilehilevolɛma.

Mɛla 18:15

Ɛdɛnkɛma bɛ Nyamenle ne bamaa ye kpɔmanvolɛ mɔɔ le kɛ medame la avinde bɛ avinli. Ɔbaye ye yeavi bɛdabɛ bɛ mediema ne mɔ avinli, na yemɔ yɛɛ ɔwɔ kɛ bɛtie ye a.

Mɛla 18:18

Yemɔti mebamaa Nyamenle kpɔmanvolɛ avinde bɛdabɛ bɛ avinli. Mebava me edwɛkɛ meadua ɔ nloa na yeaha mɔɔ menwɔze ye la yeahile bɛ.

Kɛlata mɔɔ bɛhɛlɛle bɛhɔmanle Hibuluma la 1:1

Mɔmoane ne, Nyamenle vale ndenle dɔɔnwo azo luale ye kpɔmanvolɛma anwo zo dendɛle hilele yɛ nlenya mɔ wɔ mekɛ dɔɔnwo ne ala,

Yekile 11:10

Menli mɔɔ wɔ azɛlɛ ye azo la bali fɛlɛko kɛ menli nwiɔ zɔhane ɛwu a. Bɛbali fɛlɛko, bɛ nye balie, na bɛava ahyɛlɛ ninyɛne bɛamaa bɛ nwo ngoko, ɔboalekɛ Nyamenle kpɔmanvolɛma nwiɔ zɔhane yɛle ngyegyelɛ kpalɛ manle aleɛabo amra amuala.

Yekile 11:3

Mebamaa me dasevolɛma nwiɔ aheda ɛrele arabɔ Nyamenle edwɛkɛ ne nolo kenle apenle ko ɛya nwiɔ abulasia (1260).”

1 Sam 28:6

na ɔbizale Ɛdɛnkɛma nwolɛ bie. Na Ɛdɛnkɛma ambua ye fee; yeanga ye ɛlalɛ bɔbɔ yɛɛ yeangile sɛkɛlɛneɛ biala na yeayɛ Nyamenle kpɔmanvolɛma nrɛlaleɛ.

1 Sam 3:15

Samoɛle lale; ɔdwazole nwonlomɔ ne la ɔdukuedukuele Ɛdɛnkɛma Ɛzonlenlɛ Sua ne nlenkɛ ne mɔ. Ɛnee Samoɛle sulo kɛ ɔkɛha mɔɔ ɔnwunle ye la ɔkɛhile Yilae.

1 Sam 3:21

Ɛdɛnkɛma hɔle zolɛ yele ɔ nwo hilele wɔ Hyaelo; ɛkɛ ne a ɔyele ɔ nwo ɔhilele Samoɛle na ɔdendɛle ɔhilele ye a. Na mɔɔ Samoɛle hanle la, Yizilayɛma kɔsɔɔti diele.