Ɔlua mɔɔ Abemɛlɛke yɛle la ati, Ɛdɛnkɛma manle Abemɛlɛke aye nee ye sonvolɛ mraalɛ mɔɔ wɔ sua nu ɛkɛ ne la amuala pɛle awolɛ. Na Ebileham zɛlɛle Nyamenle manle Abemɛlɛke. Na Nyamenle yɛle Abemɛlɛke nee ɔ ye ayile na eza ɔyɛle sonvolɛ mraalɛ mɔɔ wɔ sua nu ɛkɛ ne la ayile, ɔmanle bɛ awolɛ dukuele.
Akee Belemgbunli Gyɛlɔbowam hanle hilele Nyamenle kpɔmanvolɛ ne kɛ, “Mebodo wɔ, sɛlɛ Ɛdɛnkɛma wɔ Nyamenle ne maa ɔmaa me sa ye ɛzia ɛyɛ kɛ ye dɛba ne ala la.” Nyamenle kpɔmanvolɛ ne zɛlɛle, na Ɛdɛnkɛma manle belemgbunli ne asa ne ziale yɛle kpalɛ kɛ ye dɛba ne la.
Eza Nyamenle zele ye kɛ, “Fa ɛ sa wula wɔ tɛladeɛ ne anu.” Yemɔti ɔvale ɔ sa ɔwulale ye tɛladeɛ ne anu; na mɔɔ ɔyele ɔ sa la, ɛnee kokobɛ ne ɛhɔ na nwonane ne ɛyɛ kɛ ye dɛba ne ala la.
Siane ne ɛdalɛ ne bayɛ kpole kɛ sɛnzɛne ne ɛdalɛ la, yɛɛ sɛnzɛne ne ɛdalɛ bayɛ mɔnwo nsuu kɛ kenle nsuu ɛdalɛ wɔ mekɛ mɔɔ Ɛdɛnkɛma kɛze kɛ ɔyɛ ye menli ne ayile na yeakyekye bɛ nganlɛ ne mɔ mɔɔ yebɔ bɛ la azo la.