Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:29 - BAEBOLO ANZƐƐ BULUKU NWUANZANWUANZA

²⁹ Na Mosisi bizale ye kɛ, “Ɛtwe me ti nungule ɔ? Me kunlu a anrɛɛ Ɛdɛnkɛma ɛva ye Sunsum ne ɛwula ye menli ne nu yemaa bɛ kɔsɔɔti bɛyɛ Nyamenle kpɔmanvolɛma!”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:29 ပူးပေါင်းရင်းမြစ်များ

Dwowɛle Buluku ne 2:27

Na Yizilayɛma banwu kɛ mede bɛ avinli, na medame, Ɛdɛnkɛma a mele bɛ Nyamenle a, awie bieko ɛnle ɛkɛ. Na menli ne anyunlu ɛnrɛgua aze bieko.

Dwowɛle Buluku ne 3:1

Ɛdɛnkɛma se, “Mekɛ zɔhane mɔɔ mebava Dwuda nee Gyɛlusalɛm anwonyia ne meamaa bɛ la,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:30

Akee Mosisi nee Yizilayɛ mgbanyima ne mɔ ziale hɔle azokoɛleɛ lɔ.

Edwɛkpa ne kɛmɔ Luku hɛlɛle la 10:2

Ɔzele bɛ kɛ, “Bɛyɔba ne ɛra dɔɔnwo, na gyimayɛvoma mɔɔ bu la le ekyi. Zɔhane ati bɛzɛlɛ kɛ egyinli menle ne kɛnyia gyimayɛvoma dɔɔnwo kɛmaa bɛkɛhɔbu bɛyɔba ne.

Ɛzoanvolɛma Gyima ne 26:29

Pɔɔlo buale ye kɛ, “Saa mekɛ ekyi nu o, saa mekɛ tendenle nu o, me nzɛlɛlɛ a le kɛ anrɛɛ Nyamenle amaa ɛdawɔ nee bɛdabɛ mɔɔ bɛlɛtie me ɛnɛ la amuala ayɛ ye sonvolɛma kɛ medame la, mɔɔ nwɔnzɔnwɔnzɔ ye ɛmboka nwolɛ a.”

1 Kɔl 13:4

Ɛhulolɛ lɛ abotane, ɔ ti akunlu le kɛnlɛma; ɛhulolɛ ɛnle anyebolo, ɔmbu ɔ nwo, yɛɛ ɔmmemaa ɔ nwo zo;

1 Kɔl 14:5

Mekulo kɛ anrɛɛ bɛ muala bɛkɛha aneɛ ngakyile ne mɔ bie, noko me kunlu a anrɛɛ eza bɛ muala bɛkola bɛbɔ Nyamenle edwɛkɛ ne nolo kpalɛ. Ɔluakɛ sonla mɔɔ bɔ Nyamenle edwɛkɛ ne nolo la anwo hyia kpalɛ tɛla sonla mɔɔ ka aneɛ ngakyile la, kyesɛ awie wɔ ɛkɛ ne mɔɔ kola kile mɔɔ ɔka la abo a, amaa yeayɛ moalɛ yeamaa asɔnema amuala.

1 Kɔl 3:21

Ɛhye ati ɔnle kɛ awie biala fa ye adwenle sɔ sonla. Ɔluakɛ debie biala le bɛ ɛdeɛ;

1 Kɔl 3:3

ɔluakɛ bɛtɛgua zolɛ bɛtɛbɔ bɛ ɛbɛla kɛ ewiade ɛhye anu amra la. Asoo mɔɔ nungule ɛhwenlɛ nee butulelilɛ ɛnzea bɛ adenle la, ɛnee ɛhye ɛngile kɛ bɛ nee ewiade ɛhye anu amra bɔ bɛ ɛbɛla ko?

Pɔɔlo Kɛlata mɔɔ ɔhɛlɛle ɔhɔmanle Felepaema la 2:3

Bɛmmayɛ debie biala angomedi nu anzɛɛ adubɛnwo nu; dahuu bɛva anwoazehanlɛ bɛbu bɛ gɔnwo mɔ bɛdɛla bɛ nwo bɔbɔ.

Gyemise Kɛlata ne 4:5

Bɛmmadwenle kɛ mɔɔ Nyamenle Edwɛkɛ ne ka la le mgbane. Ɔse, “Nyamenle twe ye Sunsum ne mɔɔ yeva yewula yɛ nu la anwo nungule.”

Gyemise Kɛlata ne 5:9

Mediema, bɛmmatendɛ bɛ gɔnwo mɔ bɛ nzo abo, amaa bɛambua bɛdabɛ noko bɛ ndɛne. Ndɛnebuavolɛ ne ɛbikye, ɔgyi bɛ nlenkɛ ne mɔ anloa.

1 Pit 2:1

Zɔhane ati, bɛhwe bɛ nwo bɛvi ɛtane muala anwo; bɛmmabɔ adalɛ, bɛmmayɛ ngunzi, bɛmmatwe nungule, bɛmmayɛ aholoba.

1 Sam 10:6

Na arɛlevilɛ nu ala, Ɛdɛnkɛma Sunsum ne badwu ɛ nwo zo kpole bie na ɛ nee bɛ aha Nyamenle nrɛlaleɛ ne na wɔayɛ sonla ngakyile.