Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:23 - BAEBOLO ANZƐƐ BULUKU NWUANZANWUANZA

²³ Na Ɛdɛnkɛma zele Mosisi kɛ, “Ɛnee ɛnea a Ɛdɛnkɛma asa ɛyɛ sinli ɔ? Ɛdɛnkɛma tumi ne anloa ɛha aze ɔ? Saa edwɛkɛ mɔɔ melɛka la kɛyɛ nɔhalɛ anzɛɛ ɔnrɛyɛ nɔhalɛ a, ɛbanwu ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:23 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:14

Debie biala ɛnyɛ se ɛmmaa Ɛdɛnkɛma. Mekɛ ne dwu a mebazia meara, ɛvolɛ bieko kabezɛhae, na Sɛla bawo ralɛ nrenya.”

2 Arl 4:43

Ye sonvolɛ ne bizale kɛ, “Asoo ɛhye kɛza menli ɛya ko ye di.” Yilaehya zile zolɛ bieko kɛ, “Fa maa menli ne maa bɛli na Ɛdɛnkɛma se: Bɛbali, bɛ ko ayi, bie aha.”

2 Arl 7:2

Na belemgbunli sonvolɛ ne mɔɔ nee ye lua la zele Yilaehya kɛ, “Ɛhye, yemɔ tafela. Saa Ɛdɛnkɛma mumua ne tukuedukue anwuma nvɛnzɛlɛ bɔbɔ a, ɔnrɛzi zɔhane ɛlɛ.” Yilaehya buale kɛ, “Ɛ nye banwu ye na ɛnrɛli bie.”

Edwɛndolɛ Buluku ne 78:41

Bɛzɔle ye bɛnleanle fane dɔɔnwo, na bɛhanle Yizilayɛ Nwuanzanwuanza Ko ne ɛya.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:1

Na Ɛdɛnkɛma zele Mosisi kɛ, “Akee ɛbanwu debie mɔɔ mebava meahile belemgbunli ne la, ɔluakɛ ɔlua tumi kpole zo ɔbamaa bɛahɔ, ɛhɛe, ɔlua tumi kpole zo akee bɔbɔ ɔbavoa bɛ kɛ bɛvi ye maanle ne anu bɛhɔ.”

Ayezaya Buluku ne 50:2

“Kɛmɔti ɛ, membale la ɛnee awie ɛnle ɛkɛ ɔ? Menvɛlɛle la, ɛnee awie ɛnle ɛkɛ mɔɔ die zo ɔ? Asoo me sa ɛyɛ ezinraa mɔɔ yemɔti mengola memkpɔne bɛ a? Anzɛɛ menlɛ tumi mɔɔ mefa medie bɛ ngoane ɔ? Bɛnlea, metendɛ a nyevile sesa; memaa azule ne mɔ kakyi ɛsɛlɛ, fɛlɛ mɔɔ wɔ nu la ɛnnyia nzule, nzuhɔne maa bɛwu na bɛbɔ.

Ayezaya Buluku ne 59:1

Bɛnlea, Ɛdɛnkɛma asa ɛtɛyɛle ezinraa mɔɔ ɔngola ɔnlie ngoane a, yɛɛ ɔ nzo ɛtɛtile, mɔɔ yemɔti ɔnde bɛ ɛzunlɛ a;

Gyɛlɛmaya Buluku ne 14:9

Duzu ati a wɔyɛ kɛ sonla mɔɔ ye adwenle ɛha ɛbɔ nu, anzɛɛ wɔyɛ kɛ katakyie mɔɔ ɛngola ngoane die ɛ? Noko O Ɛdɛnkɛma, ɛ nee yɛ de, yɛɛ bɛfa wɔ duma a bɛfɛlɛ yɛ a; mmagyakyi yɛ.’ ”

Gyɛlɛmaya Buluku ne 32:17

wɔmɔ yɛɛ wɔva wɔ tumi kpole ne nee wɔ anwosesebɛ wɔbɔ anwuma nee aze a!

Gyɛlɛmaya Buluku ne 32:27

“Nea, mame a mele Ɛdɛnkɛma, menli kɔsɔɔti bɛ Nyamenle ne a; debie biala ɛmbo me nwo zo.

Yizikeɛle Buluku ne 12:25

Medame Awulae Nyamenle, mebadendɛ, na edwɛkɛ biala mɔɔ mebaha la bayɛ zɔhane. Aze ɛzilɛ biala ɛnle ɛkɛ. Bɛmɛ atuadelɛma, mebaha me nloa edwɛkɛ, na ɔbayɛ zɔhane, yɛɛ ɔbazi bɛ mekɛ zo. Medame Awulae Nyamenle a mese a.”

Yizikeɛle Buluku ne 24:14

Medame Ɛdɛnkɛma a mese a, mebayɛ mɔɔ meha la. Menrɛzia me nzi, menrɛze anwunvɔne yɛɛ menrɛvu me nwo. Mebadea bɛ, kɛmɔ bɛ nyɛleɛ nee bɛ ndenle ne mɔ si de la. Medame, Awulae Nyamenle a mese a.”

Daneɛle Buluku ne 6:20

Ɔbikyele tunli ne la ɔvale abodelɛ ɔdeanle nuhua kɛ, “Tease Nyamenle ne sonvolɛ Daneɛle! Asoo wɔ Nyamenle ne mɔɔ ɛsonle ye dahuu la ɛhola ɛlie wɔ ɛvi awenade ne mɔ asa anu?”

Maeka Buluku ne 2:7

O Yizilayɛma, asoo edwɛkɛ mɔɔ bɛka la ɛne? Asoo Ɛdɛnkɛma ɛnlɛ abotane? Asoo ɔdaye a yeyɛ ɛhye mɔ a? Asoo ye edwɛkɛ ne ɛnle kpalɛ ɛmmaa mɔɔ di boɛ la?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:22

Asoo bɛkɛnyia bɛ nwo nlankɛ nee mboane mɔɔ kɛza bɛ la, anzɛɛ saa bɛboɔboa nyevile nu fɛlɛ kɔsɔɔti anloa a ɔkɛza bɛ ɔ?”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:19

Nyamenle ɛnle kɛ sonla na yeabɔ adalɛ, Ɔnle kɛ dasanli mɔɔ yɛ na yeavu ɔ nwo. Ye ɛwɔkɛ biala, ɔdi zo; Ɔka, na ɔyɛ zɔ.

Edwɛkpa ne kɛmɔ Mateyu hɛlɛle la 19:26

Gyisɛse nleanle bɛ koonwu na ɔbuale bɛ kɛ, “Ɛhye yɛ se maa sonla, noko Nyamenle ɛdeɛ, debie biala ɛnyɛ se ɛmmaa ye.”

Edwɛkpa ne kɛmɔ Mateyu hɛlɛle la 24:35

Anwuma nee aze bapɛ nu aze, na me nloa edwɛkɛ ɛnrɛpɛ nu ɛlɛ.

Edwɛkpa ne kɛmɔ Luku hɛlɛle la 1:37

Ɔluakɛ debie biala ɛnle ɛkɛ mɔɔ Nyamenle ɛnrɛhola ɛnrɛyɛ a.”