Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:12 - BAEBOLO ANZƐƐ BULUKU NWUANZANWUANZA

¹² Na mame a menrenzɛle menli ɛhye mɔ a? Na mame a menwole bɛ na wɔaze me kɛ menvia bɛ kɛ baviavolɛ fia adɔma la, menva bɛ mengɔ azɛlɛ ne mɔɔ ɛvale ɛbɔle bɛ ze mɔ ɛwɔkɛ la azo a?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:15

ɔluakɛ mebava azɛlɛ ne mɔɔ ɛ nye dua ye la amuala meamaa wɔ nee ɛ bo zo amra, meamaa yeayɛ bɛ ɛdeɛ bɔkɔɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:7

Ɛdɛnkɛma, Nyamenle ne mɔɔ wɔ anwuma, mɔɔ yele me vile egya sua nu nee azɛlɛ ne mɔɔ me kotoa nyɛma la zolɛ la azo, na ɔdendɛle ɔhilele me, ɔbɔle me ɛwɔkɛ kɛ, ‘Ɛ bo zo amra yɛɛ mebava azɛlɛ ɛhye meamaa bɛ’ la, bamaa ye soanvolɛ alumua ɛ nyunlu, na wɔagya raalɛ wɔ ɛkɛ ne wɔarɛlɛ me ra ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:3

Duolua azɛlɛ ɛhye azo ala na me nee wɔ balua. Mebayila wɔ, ɔluakɛ ɛdawɔ nee ɛ bo zo amra yɛɛ mebava azɛlɛ ɛhye meamaa bɛ a, na mebali me ɛwɔkɛ ne mɔɔ membɔle ɛ ze Ebileham la azo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:24

Na Dwosefi zele ɔ mediema ne mɔ kɛ, “Ɔka ekyii mewu; Nyamenle banlea bɛ na yeaye bɛ yeavi azɛlɛ ɛhye azo yeahɔ azɛlɛ ne mɔɔ ɔhanle ndane ɔhilele bɛ ze mɔ Ebileham, Ayezeke nee Gyekɔbo kɛ ɔbava yeamaa bɛ la azo.”

2 Arl 10:1

Ehabe abo zo amra mɔɔ wɔ Samɛlea la le abulasuu. Yemɔti Gyihu hɛlɛle ngɛlata hɔmanle menli mɔɔ nea Samɛlea suakpole ne la mgbanyima nee bɛdabɛ mɔɔ Ehabe abo zo amra ne bie mɔ nee bɛ de la kɛ

2 Arl 10:5

Yemɔti kpanyinli ne mɔɔ nea belemgbunli awuke ne azo, mgbanyima ne mɔ yɛɛ menli mɔɔ nea Ehabe abo zo amra ne la bɔle nu zoanle manle bɛhɔzele Gyihu kɛ, “Yɛwɔ ɛ bo, yemɔti yɛbayɛ debie biala mɔɔ ɛkɛze yɛ la. Yɛnrɛzie awie biala belemgbunli, yɛ mɔɔ ɛdawɔ ɛnea a ɔle kpalɛ la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:11

“Na saa Ɛdɛnkɛma fa bɛ dwu Keena azɛlɛ ne mɔɔ ɔvale ɔbɔle bɛ nee bɛ ze mɔ ɛwɔkɛ la azo, na ɔfa ɔmaa bɛ a,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:5

Na saa Ɛdɛnkɛma fa bɛ dwu Keena mɔɔ le Hɛtema, Amɔlema, Haevaema, yɛɛ Gyibɛsema azɛlɛ ne mɔɔ ɔvale ɔbɔle bɛ ze mɔ ɛwɔkɛ, na ɔle azɛlɛ kɛnlɛma mɔɔ kye aleɛ la azo a, bɛli ɛvoyia ɛhye wɔ siane ɛhye anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:1

Ɛdɛnkɛma zele Mosisi kɛ, “Fa menli ne mɔɔ ɛ nee bɛ vi Yigyibiti azɛlɛ zo ɛra la fi ɛke kɔ azɛlɛ ne mɔɔ menganle ndane menvale membɔle Ebileham, Ayezeke, nee Gyekɔbo ɛwɔkɛ kɛ, mebava meamaa bɛ bo zo amra la azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:8

Mebava bɛ meahɔ azɛlɛ ne mɔɔ menganle ndane kɛ mebava meamaa Ebileham, Ayezeke, nee Gyekɔbo la azo. Mebava meamaa bɛ meamaa yeayɛ bɛ ɛdeɛ bɔkɔɔ. Medame a mele Ɛdɛnkɛma a.’ ”

Ayezaya Buluku ne 40:11

Ɔbanlea ye menli ne boɛ kɛ mboaneneavolɛ yɛne nyɛmoa, ɔbaboɔboa mboane mralɛ ne anloa yeadedɛ bɛ ɔ sa zo. Ɔbavia bɛ ɔ kɛnra azo, na yeali mɔɔ lɛ mralɛ la anyunlu bɛtɛɛ.

Ayezaya Buluku ne 49:15

Yemɔti Ɛdɛnkɛma se, “Asoo ɛrɛladane arɛle bavi ɔ ra mɔɔ no nyɛfonlɛ, asoo ɔnrɛnwu ɔ ra nrenya mɔɔ yewo ye la anwunvɔne? Ɔyɛ a bɛ rɛle kɛvi bɔbɔ ɛdeɛ, noko mame, me rɛle ɛnrɛvi bɛ.

Ayezaya Buluku ne 49:23

Arelemgbunli bayɛ bɛ dɔmagyama, na arelemgbunli mraalɛ ayɛ bɛ baviavolɛma. Bɛbazi bɛ ti aze, bɛabu ndwɛlɛ wɔ bɛ nyunlu, na bɛatafe bɛ gyakɛ anwo munlutu. Na akee bɛbanwu kɛ medame a mele Ɛdɛnkɛma a; bɛdabɛ mɔɔ bɛkendɛ me moalɛ la anyunlu ɛnrɛgua aze.”

Yizikeɛle Buluku ne 34:23

Mebamaa bɛ mboaneneavolɛ ko, me akɛlɛ Devidi, na yeayɛne bɛ. Ɔbayɛne bɛ na yeayɛ bɛ neavolɛ.

Dw 10:11

“Mame a mele mboaneneavolɛ kpalɛ ne a. Mboaneneavolɛ kpalɛ ne fa ye ngoane to aze maa ye mboane ne.

1 Kɔl 4:15

Saa Kelaese ati bɛlɛ adanedivolɛma apenle bulu bɔbɔ a, bɛnwu ye kɛ bɛ ze kokye. Ɔlua Edwɛkpa ne mɔɔ menvale membɛlɛle bɛ la ati, merayɛ bɛ ze wɔ Kelaese ati.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:19

O me mra ngakula, medi bɛ nwo nyane, na mete ye wɔ me nwonane nu kɛ raalɛ mɔɔ ɛvo awolɛ zo la, na ɔbahɔ zo zɔhane kɔkpula mekɛ mɔɔ bɛkɛnyia Kelaese su ne wɔ bɛ nu la.

1 Tɛs 2:7

noko kɛmɔ yɛle Kelaese ɛzoanvolɛma la, anrɛɛ yɛkola yɛka kɛ bɛyɛ ye zɔhane. Noko yɛbɛlɛle yɛ nwo aze, wɔ mekɛ mɔɔ ɛnee yɛ nee bɛ de la, na yɛdɛfɛdɛfɛle bɛ kɛ ɛrɛladane mɔɔ ɛlɛdi ɔ mra adane la.