Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:11 - BAEBOLO ANZƐƐ BULUKU NWUANZANWUANZA

¹¹ Mosisi hanle hilele Ɛdɛnkɛma kɛ, “Duzu ati a ɛ nee me ɛli ye zɛhae a? Duzu ati a wɔannwu me anwunvɔne na wɔva menli ɛhye mɔ kɔsɔɔti anwo adesoa wɔzoa me a?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:11 ပူးပေါင်းရင်းမြစ်များ

Dwobu Buluku ne 10:2

Mebaze Nyamenle kɛ, mmabua me ewule fɔlɛ, maa menwu deɛ mɔɔ yemɔti ɛ nee me ɛlɛsi la.

Edwɛndolɛ Buluku ne 130:3

O Ɛdɛnkɛma, saa ɛse ɛdi ɛtane nzi a, Awulae, anrɛɛ nwane a kɛhola kɛgyinla a?

Edwɛndolɛ Buluku ne 143:2

Mmabua wɔ akɛlɛ ndɛne; ɔluakɛ ɛ nyunlu, awie biala ɛnli benle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:4

Na Mosisi zunle zɛlɛle Ɛdɛnkɛma kɛ, “Menli ɛhye mɔ, kɛ menyɛ bɛ ɛ? Asɛɛ bɛzi me awolɛ bɛwie.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:22

Na Mosisi hakyile ɔ nwo zele Ɛdɛnkɛma kɛ, “O Ɛdɛnkɛma, duzu ati a wɔmaa munzule ɛdo menli ɛhye mɔ a? Duzu ati a ɛzoanle me bɔbɔ a?

Gyɛlɛmaya Buluku ne 15:10

Abule ɛbu me, ɔmɔ, kɛ ɛwole me ralɛ nrenya ɛdole azɛlɛ ye mɔɔ zolɛ le konle nee kpolerazulɛ ngome la azo a. Metɛbɔle awie bosea yɛɛ awie ɛtɛbizale me bie, noko awie biala bɔ me sasa.

Gyɛlɛmaya Buluku ne 15:18

Duzu ati a me anwofofolɛ ne ɛngyakyi ɛ? Duzu ati a me hanlɛ ye ɛyɛ kukulabi, mɔɔ meyɛ ye ayile a ɔngɔ a? Mmabɛlɛbɛla me kɛ azule mɔɔ ɛngyɛ na asesa la.”

Malakae Buluku ne 3:14

Bɛha kɛ, ‘Nyamenle ɛzonlenlɛ le debie mgbane. Duzu nvasoɛ yɛɛ yɛnyia ye wɔ ye ɛhulolɛdeɛ zo ɛlilɛ nwo, nee yɛ nwo alɔbɔlɛ alɔbɔlɛ mɔɔ yɛyɛ wɔ Tumivolɛ Ɛdɛnkɛma anyunlu, kɛ asɛɛ nyane bie ɛdo yɛ la anwo a?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:10

Mɔɔ menli ne gyinlegyinlanle ekpunli ekpunli wɔ bɛ ndanlɛ azua ne nlenkɛ ne mɔ anloa na bɛlɛsu la, Mosisi dele, na ye ahonle futule, ɔboalekɛ Ɛdɛnkɛma vale bɛ nwo ɛya kpole.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:15

Saa zɛhae ala a ɛkɛyɛ me a, ɛnee maa menzɔ ɛ nye na pɛ me zo ndɛndɛ, amaa meannwu me nyunlu.”

2 Kɔl 11:28

Yeanga ɛhye mɔ angome, asɔne asɔne ne mɔ anwo adwenleadwenle le adesoa kpole mɔɔ mezo ye dahuu a.

Mɛla 1:12

Kɛ menwɔyɛ na me ngomekye meahola bɛ nwo zo nea na meaziezie bɛ edwɛkɛ ne mɔ ɛ?