Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:33 - BAEBOLO ANZƐƐ BULUKU NWUANZANWUANZA

³³ Mɔɔ menli ne vile boka nwuanzanwuanza Saenae la, bɛdiale kenle nsa adenle. Ɛdɛnkɛma Ngyekyeleɛ Ɛlɛka ne lumuale bɛ nyunlu kenle nsa kɛ ɔkakpondɛ ɛleka mɔɔ bɛbadɛnla la yeamaa bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:33 ပူးပေါင်းရင်းမြစ်များ

Edwɛndolɛ Buluku ne 95:11

Yemɔti menvale ɛya na menganle ndane kɛ, bɛ gyakɛ ba ɛnrɛtia me ɛnwomenlelielɛ ne anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:3

Na Mosisi vole boka ne kɛ ɔkayia Nyamenle. Ɛdɛnkɛma vɛlɛle ye boka ne azo zele ye kɛ, “Ɛhye yɛɛ ɛbaha wɔahile Gyekɔbo abo zo amra ne a: Ka kile Yizilayɛma ne kɛ,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:1

Ɛnee Mosisi nea Sɛlɛvolɛ Gyɛtulo, ɔ ye ɔ ze ne mɔɔ vi Medean la nyɛmoa. Kenle ko ɔhanle nyɛmoa ne mɔ ɔhɔle fienemgbole ne aduduleɛ na ɔrale Nyamenle Boka Saenae abo.

Ayezaya Buluku ne 11:10

Mekɛ ne anu Belemgbunli Devidi abo zo sonla ne bagyinla kɛ sɛkɛlɛneɛ la yeamaa maanle maanle. Maanle maanle bakpondɛ ye, na ɛleka mɔɔ ɔde la bayɛ anyelielɛ.

Ayezaya Buluku ne 28:12

mɔɔ ɔzele bɛ kɛ, “Ɛnwomenlelielɛ a le ɛhye, bɛmaa mɔɔ ɛvɛ la ɛlie ye ɛnwomenle, ɛhye a le ɛnwomenlelielɛ a,” noko bɛandie la.

Ayezaya Buluku ne 66:1

Ɛdɛnkɛma se, “Anwuma le me belemgbunli ebia, yɛɛ azɛlɛ ye le me gyakɛ abo ebia. Duzu sua a bɛkɛzi bɛkɛmaa me a, yɛɛ nienwu a medie me ɛnwomenle a?

Gyɛlɛmaya Buluku ne 3:16

Na saa mekɛ ne anu bɛ nwo so na bɛyɛ mɔnwo wɔ azɛlɛ ne azo a bɛanva Ɛdɛnkɛma Ngyekyeleɛ Ɛlɛka ne bɛanga edwɛkɛ bieko. Bɛnrɛdwenle nwolɛ anzɛɛ bɛnrɛhakye ye, yɛɛ bɛnrɛnwu ɛlɛka ne bɔbɔ na bɛaze kɛ bɛbobɔ ye bieko.

Gyɛlɛmaya Buluku ne 31:2

Menwunle menli mɔɔ andɔ konle nu la anwunvɔne wɔ fienemgbole ne anu, yɛɛ mɔɔ Yizilayɛma kpondɛ ɛnwomenlelielɛ la,

Gyɛlɛmaya Buluku ne 6:16

Ɛdɛnkɛma zele ye menli ne kɛ, “Bɛgyinlegyinla ndenle ne mɔ azo na bɛnlea. Bɛbizebiza mɔmoane ndenle ne mɔ, ɛleka mɔɔ adenle kpalɛ kpalɛ ne la la. Bɛlua nuhua na bɛkɛnyia anzonudwolɛ.” Na bɛbuale kɛ, “Kyɛkyɛ, yɛnrɛlua nuhua fee.”

Yizikeɛle Buluku ne 20:6

Kenle ko zɔhane menganle ndane kɛ meye bɛ meavi Yigyibiti azɛlɛ zo na meava bɛ meahɔ azɛlɛ kpalɛ mɔɔ kye aleɛ, na ɔle azɛlɛ kpalɛ ɔtɛla azɛlɛ kɔsɔɔti, mɔɔ mekpondɛ mezie ɛkɛ memaa bɛ la azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:12

na Yizilayɛma vi Saenae Fienemgbole nu dule bɛ bo zɔle bɛ adendulɛ ne azo, bɛkpɔsale toonwo ɔhɔdwule kɛ amungu ne hɔdole sɛkɛ wɔ fienemgbole ne mɔɔ wɔ Pɛlan la anu.

Mɛla 1:33

Yemɔ yɛɛ ɔlile bɛ ti wɔ adenle nu kɛ ɔkpondɛ ɛleka yeamaa bɛayɛ bɛ azokoɛleɛ a, ɔyɛle sendɔlɔra ɔlile bɛ nyunlu nɔɔzo ɔhilele bɛ adenle mɔɔ bɛva zolɛ la yɛɛ alehyenlɛ nu ɔyɛle amungu ɔhedale bɛ nwo zo.

Mɛla 31:26

“Bɛlie mɛla buluku ɛhye bɛdo Ɛdɛnkɛma bɛ Nyamenle ne Ngyekyeleɛ Ɛlɛka ne anu foa ko, amaa yeala ɛkɛ ne yeali daselɛ yeatia bɛ.

Mɛla 9:9

Mekɛ mɔɔ mengɔle boka ne azo kɛ mekalie awolɛ ndɛbandɛba ne mɔɔ Ɛdɛnkɛma Ngyekyeleɛ ne mɔɔ ɔ nee bɛ yɛle la wɔ zo la, menlile kenle kɔkɔlɛ abulanla wɔ ɛkɛ ne; meanli aleɛ yɛɛ meanno nzule.

Kɛlata mɔɔ bɛhɛlɛle bɛhɔmanle Hibuluma la 13:20

Anzonudwolɛ Nyamenle ne mɔɔ dwazole yɛ Awulae Gyisɛse, mɔɔ le Mboaneneavolɛ Kpole ne, mɔɔ luale ye ewule azubɔlɛ zo zɔle ngyekyeleɛ ne mɔɔ bɛntulu ye ɛlɛ la anloa la vile ewule nu la,

Dwɔhyua Buluku ne 4:7

bɛze bɛ kɛ mekɛ mɔɔ Ɛdɛnkɛma Ngyekyeleɛ Ɛlɛka ne pɛ Azule Dwɔdan ne la, azule ne tikale na ɔgyakyile ɛzenlɛ. Awolɛ ɛhye mɔ bayɛ ngakyelɛ sɛkɛlɛneɛ amaa Yizilayɛma kɔsɔɔti wɔ mɔɔ zile la anwo.”

Maanlebuvolɛma Buluku ne 20:27

Mekɛ ne anu ɛnee Nyamenle Ngyekyeleɛ Ɛlɛka ne wɔ ɛkɛ, na Aalɔn ara nrenya Ɛlieza ara Fenɛhaze a le sɛlɛvolɛ a. Na Yizilayɛma bizale Ɛdɛnkɛma bieko kɛ, “Eza yɛva konle yɛhɔdoa yɛ mediema Bɛngyamanema bieko ɔ, anzɛɛ yɛgyakyi?” Ɛdɛnkɛma buale kɛ, “Bɛhɔ bieko, ɔluakɛ ɛhyema mebaye Gebɛyama meamaa bɛ,”

1 Sam 4:3

Yizilayɛ ɛlɔnema mɔɔ hale la ziale rale bɛ azokoɛleɛ ne la, bɛ mgbanyima ne bizale kɛ, “Duzu ati a ɛnɛ Ɛdɛnkɛma ɛmaa Filisitiama ɛli yɛ nwo zo konim a? Bɛmaa yɛhɔ Hyaelo yɛhɔva Ɛdɛnkɛma Ngyekyeleɛ Ɛlɛka ne yɛrɛla ɛke, amaa yearadɛnla yɛ avinli na yealie yɛ yeavi yɛ kpɔvolɛma tumi ne abo.”