Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:10 - BAEBOLO ANZƐƐ BULUKU NWUANZANWUANZA

¹⁰ Wɔ fɛlɛkolilɛ nu noko, Siane Fofolɛ Ɛvoyia ne mɔ nee ɛvoyia ngakyile ne mɔ ɛlilɛ nu, bɛwu aweɛne ndendenle ne mɔ anu bɛgua ɛyelalɛ azubɔdeɛ ne mɔ azo, nee bɛ anzonudwolɛ azubɔdeɛ ne mɔ azo, na mebaboa bɛ. Medame a mele Ɛdɛnkɛma bɛ Nyamenle ne a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:10 ပူးပေါင်းရင်းမြစ်များ

2 Arl 4:23

Ɔ hu bizale ye kɛ, “Duzu ati a ɛkɔ Nyamenle sonla ne ɛkɛ ne ɛnɛ ɛ? Ɛnɛ ɛnle ɛnwomenlelielɛ kenle yɛɛ siane ɛtɛfile.” Raalɛ ne buale kɛ, “Tɛ debie ɔ.”

1 Edk 15:28

Akee Yizilayɛma kɔsɔɔti vale anyelielɛ, aweɛnebɔlɛ, mɛne, sɔnwosɔnwo nee getaa bɔle agole lile Ɛdɛnkɛma Ngyekyeleɛ Ɛlɛka ne anzi toonwo bɛradwule Gyɛlusalɛm.

1 Edk 16:42

Himan nee Gyɛdutɛn a aweɛne ndendenle ne nee sɔnwosɔnwo ne mɔ nee ninyɛne mɔɔ ɛha mɔɔ bɛbɔ wɔ mekɛ mɔɔ bɛlɛto ayɛlɛyelɛ edwɛne la wɔ bɛ sa nu a. Gyɛdutɛn abusua nu amra yɛɛ nlankɛ ɛzinzalɛ gyima ne wɔ bɛ sa nu a.

2 Edk 29:26

Livaema ne vale bɛ agolebɔlɛ ninyɛne mɔɔ Devidi yɛle la, na sɛlɛvolɛma ne vale bɛ aweɛne ndendenle ne mɔ na bɛhɔgyinlanle bɛ bo zo ne mɔ.

2 Edk 29:28

Menli ne amuala yɛle nzɛlɛlɛ ne bie. Edwɛndolɛma ne dole edwɛne, yɛɛ menli mɔɔ bɔ aweɛne ndendenle ne la bɔle. Ɛhye mɔ hɔle zolɛ toonwo ɛyelalɛ azubɔlɛ ne wiele.

2 Edk 7:6

Sɛlɛvolɛma ne gyinlanle ɛleka mɔɔ ɔwɔ kɛ bɛgyinla la, Livaema ne noko gyinlanle bɛ bo zo ne na bɛvale edwɛnedolɛ nwo ninyɛne mɔɔ Belemgbunli Devidi vale manle bɛ la bɛdole edwɛne bɛyeyɛle Ɛdɛnkɛma kɛ, “Ye ɛhulolɛ kpundii ne wɔ ɛkɛ ne dahuu.” Sɛlɛvolɛma ne bɔle aweɛne ndendenle nu na menli ne amuala dwazole gyinlanle.

Ɛzela Buluku ne 3:10

Mɔɔ menli ne wula sua ne aze la, sɛlɛvolɛma ne wulale bɛ adɛladeɛ na bɛvale bɛ aweɛne ndendenle ne mɔ, yɛɛ Livaema mɔɔ le Esafe abo zo amra la vale sɔnwosɔnwo na bɛyele Ɛdɛnkɛma ayɛlɛ, kɛmɔ Yizilayɛ Belemgbunli Devidi hyehyɛle la.

Edwɛndolɛ Buluku ne 150:3

Bɛva aweɛne tendenle bɛye ye ayɛlɛ; bɛva fulutu nee getaa bɛye ye ayɛlɛ!

Edwɛndolɛ Buluku ne 81:3

Siane ne fi fofolɛ a bɛwu aweɛne tendenle ne anu, siane ne yɛ mumua a bɛwu nu bɛli ɛvoyia ne.

Edwɛndolɛ Buluku ne 81:4

Ɔluakɛ ɔle mɛla ɔmaa Yizilayɛma, ɔle Gyekɔbo Nyamenle ne mɛla.

Edwɛndolɛ Buluku ne 89:15

O Ɛdɛnkɛma, nyilalɛ ɛha bɛdabɛ mɔɔ bɛfa edwɛndolɛ bɛtea nu bɛfɛlɛ wɔ, nee bɛdabɛ mɔɔ bɛdua wɔ ahunlunyele wienyi ne anu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:29

“Saa Aalɔn kɔ Ɛleka Nwuanzanwuanza ne a, ɔbawula ndɛnebualɛ akɛnrazo aguzo ne mɔɔ bɛhɛlɛ Yizilayɛ mbusua ekpunli bulu nee nwiɔ ne aluma zolɛ la, amaa medame Ɛdɛnkɛma, meahakye me menli ne dahuu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:16

Die mgbɔdalɛ ezukoa ɛhye wɔ Yizilayɛma lɔ na fa bu Ɛdɛnkɛma Ndanlɛ Sua ne anwo amaamuo, amaa Ɛdɛnkɛma ahakye bɛ dahuu wɔ bɛ mgbɔdalɛ nzɛlɛlɛ ne ati.”

Ayezaya Buluku ne 27:13

Mekɛ ne anu bɛbabɔ aweɛne tendenle kpole ne anu, na bɛdabɛ mɔɔ bɛminlinle bɛhɔle Aselea azɛlɛ zo, nee bɛdabɛ mɔɔ bɛvoanle bɛ bɛmanle bɛhɔle Yigyibiti azɛlɛ zo la bara na bɛarazonle Ɛdɛnkɛma wɔ Boka Nwuanzanwuanza ne azo wɔ Gyɛlusalɛm.

Sɛlɛ 23:24

“Ka kile Yizilayɛma kɛ, ‘Siane nsuu ne kenle ne mɔɔ lumua la, ɔwɔ kɛ bɛdie bɛ ɛnwomenle. Ɔle ngakyelɛ ɛnwomenlelielɛ kenle mɔɔ ɔwɔ kɛ bɛbɔ aweɛne ndendenle bɛfa bɛmaa menli ne bayia nu yɛ nzɛlɛlɛ a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 10:9

Saa bɛ nee bɛ kpɔvolɛma mɔɔ ɛlɛsisi bɛ wɔ bɛ azɛlɛ ne azo la kaho a, bɛwu aweɛne ndendenle ne mɔ anu nzinrenzinra bɛhile kɛ konle ɛzi. Na medame, Ɛdɛnkɛma bɛ Nyamenle ne, mebaboa bɛ na mealie bɛ meavi bɛ kpɔvolɛma asa anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 28:11

“Siane biala mɔlebɛbo, bɛbɔ ɛyelalɛ azu bɛmaa Ɛdɛnkɛma. Bɛva nlankɛ ndonrandonra nwiɔ, boane nyinli ko, mboane nyinli ndonrandonra mɔɔ ɛli ɛvolɛ ngoko mɔɔ bɛ nwo ɛnlɛ dɛne la nsuu bɛyɛ ɛyelalɛ azubɔdeɛ bɛmaa Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 29:1

“Siane nsuu ne, ye kenle ne mɔɔ lumua la azo, ɔwɔ kɛ bɛyia nu bɛyɛ nzɛlɛlɛ, yɛɛ ɔnle kɛ bɛyɛ gyima ɛsesebɛ biala. Kenle zɔhane, ɔwɔ kɛ bɛwu aweɛne ndendenle ne mɔ anu.

Edwɛkpa ne kɛmɔ Mateyu hɛlɛle la 11:28

“Bɛdabɛ mɔɔ bɛzo ɛnlomboɛ na bɛvɛ la, bɛ muala bɛrɛla me nwo ɛke, na menwɔmaa bɛ ɛnwomenlelielɛ.

Ɛzoanvolɛma Gyima ne 10:4

Ɔnwunle Nyamenle soanvolɛ ne la, ɛzulolɛ hanle ye na ɔhanle kɛ, “Yɛmenle, duzu edwɛkɛ ɔ?” Nyamenle soanvolɛ ne buale ye kɛ, “Nyamenle ɛde wɔ nzɛlɛlɛ na yenwu wɔ ahunlunyele gyima ne amuala.

1 Tɛs 4:16

Yɛbade kɛ bɛha tumi edwɛkɛ ne wɔ anwuma lɔ, yɛbade Nyamenle soanvolɛ kpanyinli ne ane, bɛbabɔ Nyamenle aweɛne tendenle ne anu, na Awulae ɔdaye mumua ne ɔvi anwuma lɔ ɔbadwu aze. Bɛdabɛ mɔɔ bɛdie Kelaese bɛdi na bɛwu la balumua adwazo avi ewule nu;

1 Tɛs 4:18

Yemɔti, bɛva ɛhye mɔ bɛkyekye bɛ rɛle ng bɛkyekye bɛ rɛle ng

Dwɔhyua Buluku ne 4:7

bɛze bɛ kɛ mekɛ mɔɔ Ɛdɛnkɛma Ngyekyeleɛ Ɛlɛka ne pɛ Azule Dwɔdan ne la, azule ne tikale na ɔgyakyile ɛzenlɛ. Awolɛ ɛhye mɔ bayɛ ngakyelɛ sɛkɛlɛneɛ amaa Yizilayɛma kɔsɔɔti wɔ mɔɔ zile la anwo.”

Dwɔhyua Buluku ne 6:4

Ɛbamaa sɛlɛvolɛma nsuu ava mboane mɛne nsuu ayɛ aweɛne na bɛali Ngyekyeleɛ Ɛlɛka ne anyunlu. Kenle ne mɔɔ tɔ zolɛ nsuu la, ɛ nee wɔ ɛlɔnema ne bɛdia kilikili bɛbɔ sua bɔdenle ne mgbɔlɔka fane nsuu. Mekɛ ɛhye amuala ɛnee sɛlɛvolɛma ne ɛlɛwu bɛ aweɛne ne mɔ anu.

Yekile 22:17

Na Sunsum ne nee Atɔfolɛ ne se, “Bɛla!” Awie mɔɔ kɛde la ɔdaye ɔha kɛ, “Bɛla!” Bɛdabɛ mɔɔ nzuhɔne ɛlɛku bɛ la, bɛrɛla bɛralie nzule mɔɔ maa ngoane la bɛnlo. Ɔle ahyɛlɛdeɛ, bɛndɔ. Bɛdabɛ mɔɔ bɛkulo la, bɛranlo bie.

1 Sam 20:5

Devidi zele Dwɔnatan kɛ, “Ɛhyema le Siane Fofolɛ Ɛvoyia na ɔnle kɛ ɔkpa me ti. Ɔwɔ kɛ mekɔ belemgbunli sua nu me nee ye kɔkpula yɛ sa. Na saa ɔyɛ wɔ ɛhulolɛ a, ɛnee maa me adenle maa menriandi mengɔnvea fienemgbole ne anu lɔ toonwo kenle nsa ne azo nɔsolɛ nu.