Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:53 - BAEBOLO ANZƐƐ BULUKU NWUANZANWUANZA

⁵³ Na Livaema ne bayɛ azokoɛleɛ abɔ ayia Ndanlɛ Sua ne na bɛazinza, amaa awie ambikye ye na yeaha me ɛya yeamaa meava me ɛya ne meagua Yizilayɛma anwo zo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:53 ပူးပေါင်းရင်းမြစ်များ

1 Edk 23:32

Bɛmɛ a Ɛdɛnkɛma Ndanlɛ Sua ne nee Ɛzonlenlɛ Sua ne wɔ bɛ sa nu a, na bɛboa bɛ mediema Aalɔn abo zo amra ne mɔ wɔ bɛ sɛlɛvolɛ gyima ne ɛyɛlɛ nu a.

2 Edk 13:10

“Na yɛmɛ, Ɛdɛnkɛma a le yɛ Nyamenle a, yɛɛ yɛtɛkpole ye. Yɛlɛ sɛlɛvolɛma mɔɔ kɔ Ɛdɛnkɛma anyunlu maa yɛ na bɛle Aalɔn abo zo amra a, yɛɛ yɛlɛ Livaema mɔɔ boa bɛ a.

2 Edk 13:11

Bɛbɔ ɛyelalɛ azu bɛmaa Ɛdɛnkɛma nwonlomɔ nee nɔsolɛ biala na bɛkpu ɛyɛlɛ evuanlɛ, bɛfa kpanwo nwuanzanwuanza ne bɛgua ezukoa nvutuke ɛkponle ne azo, bɛnea ezukoa nvutuke kɛnlaneɛ mbaka ne mɔ azo, amaa ahɛnlaneɛ mɔɔ gyigyi zo la ada nɔsolɛ biala. Ɔluakɛ yɛyɛ mɔɔ Ɛdɛnkɛma yɛ Nyamenle ne ɛze yɛ la, na bɛmɛ, bɛkpo ye.

Gyɛlɛmaya Buluku ne 23:15

“Yemɔti, medame Tumivolɛ Ɛdɛnkɛma, meka ɛhye wɔ Nyamenle kpɔmanvolɛma anwo: Bɛnlea, mebamaa bɛali aleɛ ɛnwonle, meamaa bɛ nzule pɔezen bɛanlo, ɔboalekɛ Gyɛlusalɛm Nyamenle kpɔmanvolɛma ɛmmaa menli ne ɛnzonle Nyamenle wɔ maanle ne anu.”

Gyɛlɛmaya Buluku ne 5:31

Nyamenle kpɔmanvolɛma bɔ adalɛ, yɛɛ sɛlɛvolɛma yɛ mɔɔ Nyamenle kpɔmanvolɛma kɛze bɛ la. Me menli ne die mɔɔ bɛka la to nu; bɛmkpo kɛ bɛnrɛyɛ ye zɔhane, na saa awieleɛ ne ba a duzu a bɛkɛyɛ a?”

Sɛlɛ 10:6

Na Mosisi zele Aalɔn nee ɔ mra mrenya Ɛlieza nee Yetamaa kɛ, “Bɛmmamaa bɛ ti enrinli kendɛhenda nwolɛ yɛɛ bɛmmasuosua bɛ adɛladeɛ nu bɛkile kɛ bɛlɛdi nyane, anrɛɛ bɛkɛwu, na bɛkɛmaa bɛkɛva menli mɔɔ ɛrayia ɛke la amuala anwo ɛya. Noko bɛ mediema Yizilayɛma amuala kola su bɛ wɔ senle ɛhye mɔɔ Ɛdɛnkɛma ɛva ɛyela bɛ la ati.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:50

Maa Livaema ne ɛnlea me Ndanlɛ Sua ne, nuhua ninyɛne kɔsɔɔti nee debie biala mɔɔ fane sua ne anwo la azo. Bɛmɛ yɛɛ bɛbazoa Ndanlɛ Sua ne nee nuhua ninyɛne ne mɔ a, bɛbazonle nuhua na bɛayɛ bɛ azokoɛleɛ nwolɛ bɛayia.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:54

Yemɔti Yizilayɛma yɛle debie biala, kɛmɔ Ɛdɛnkɛma zele Mosisi la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:46

na Mosisi hanle hilele Aalɔn kɛ, “Fa wɔ ɛyɛlɛkpunlɛ kyɛnze ne, fa senle wɔ azukponle ne azo gua nuhua, na fa ɛyɛlɛ gua senle ne anu. Akee ka ɛ nwo ndɛndɛ fa kɔ menli ne anwo lɔ na kɔyɛ mgbɔdalɛ nzɛlɛlɛ maa bɛ. Maa ɔyɛ ndɛ! Ɛdɛnkɛma ɛya ne ɛdwu aze, yɛɛ ewulenzane ɛbɔ ɔ bo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:9

Bɛdwenle kɛ ɔle debie ekyi kɛ Yizilayɛ Nyamenle ne ɛye bɛ wɔ ɛlɔne ne avinli ɛzie ahane, amaa bɛahola bɛabikye ye, bɛayɛ bɛ gyima wɔ Ɛdɛnkɛma Ndanlɛ Sua ne anu, na bɛayɛ gyima bɛamaa ɛlɔne ne na bɛazonle bɛ ɔ?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:7

Akee Mosisi vale mbaka ne mɔ hɔguale Ɛdɛnkɛma Ngyekyeleɛ Ɛlɛka ne anyunlu wɔ Ndanlɛ Sua ne anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 2:17

“Akee Livaema ne bazoa Ɛdɛnkɛma Ndanlɛ Sua ne ali ekpunli nwiɔ ne mɔɔ lumua nee ekpunli nwiɔ ne mɔɔ li amozi la avinli. Ekpunli biala bahɔ ye kɛmɔ bɛzile bɛdɛnlɛdɛnlanle bɛ wɔ azokoɛleɛ ne la, biala bali ɔ bo zo ne wɔ ye abusua ekpunli fɛlɛnra ne abo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:23

Ɔwɔ kɛ abusua ekpulike ɛhye tɛnla Ɛdɛnkɛma Ndanlɛ Sua ne anzi mɔɔ kɔne adɔleɛ la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:29

Ɔwɔ kɛ abusua ekpulike ɛhye tɛnla Ɛdɛnkɛma Ndanlɛ Sua ne nyiakɛ afoa nu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:35

Ɔwɔ kɛ abusua ekpulike ɛhye tɛnla Ɛdɛnkɛma Ndanlɛ Sua ne sɔlɔ afoa nu. Abeheeli ara nrenya Zuleɛle a le bɛ abusua kpanyinli a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:38

Ɔwɔ kɛ Mosisi nee Aalɔn nee ɔ mra ne mɔ tɛnla Ndanlɛ Sua ne anyunlu wɔ aduduleɛ afoa nu. Bɛmɛ yɛɛ bɛyɛ ɛzonlenlɛ gyima wɔ Ɛleka Nwuanzanwuanza ne bɛmaa Yizilayɛma a. Awie gyɛne biala mɔɔ kɛpele kɛ ɔyɛ bie la, bɛhu ye.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:30

Yizilayɛma mɔɔ ɛha la afoa nu ɛdeɛ ne, menli abulanlu biala, bɛye nuhua ko, zɔhane ala yɛɛ bɛyɛ nlankɛ, asoaso, mboane, yɛɛ mbɔnkye ne mɔ a. Bɛva bɛmaa Livaema mɔɔ nea Ɛdɛnkɛma Ndanlɛ Sua ne la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:47

Na kɛmɔ Ɛdɛnkɛma zele la, Mosisi vale menli abulanlu biala anu ko yɛɛ nyɛmoa abulanlu biala anu ko manle Livaema mɔɔ nea Ɛdɛnkɛma Ndanlɛ Sua ne la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 8:19

Meye Livaema mevi Yizilayɛma anu meva bɛ mehyɛ Aalɔn nee ɔ mra mrenya kɛ bɛyɛ gyima bɛmaa Yizilayɛma ne wɔ Ndanlɛ Sua ne anu, amaa saa ngyengyene nu bie menli ne bikye Ɛleka Nwuanzanwuanza ne a, bɛayɛ mgbɔdalɛ nzɛlɛlɛ bɛakpa ewulenzane mɔɔ anrɛɛ kɛra bɛ nwo zo la bɛagua.”

2 Tem 4:2

Bɔ edwɛkɛ ne nolo na si zolɛ mɔɔ ɛndwenle mɔɔ kɛzi ɔ nzi a, kpalɛ o, ɛtane o! Di menli ne adwenle maa bɛlie Edwɛkpa ne bɛdo nu, twi bɛ nyunlu, tu bɛ folɛ na fa abotane kilehile bɛ.

1 Sam 6:19

Ɛdɛnkɛma manle Bɛte Hyimɛhye menli abulasuu wule, ɔboalekɛ bɛnleanle Ɛdɛnkɛma Ngyekyeleɛ Ɛlɛka ne anu. Na menli ne vale ɛzunlɛ lile nyane, ɔboalekɛ Ɛdɛnkɛma ɛmaa menli ɛzɛkye bɛ avinli.