Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:50 - BAEBOLO ANZƐƐ BULUKU NWUANZANWUANZA

50 Maa Livaema ne ɛnlea me Ndanlɛ Sua ne, nuhua ninyɛne kɔsɔɔti nee debie biala mɔɔ fane sua ne anwo la azo. Bɛmɛ yɛɛ bɛbazoa Ndanlɛ Sua ne nee nuhua ninyɛne ne mɔ a, bɛbazonle nuhua na bɛayɛ bɛ azokoɛleɛ nwolɛ bɛayia.

အခန်းကိုကြည့်ပါ။ ကော်ပီ




Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:50
30 ပူးပေါင်းရင်းမြစ်များ  

Yemɔti belemgbunli ne manle bɛvɛlɛle Sɛlɛvolɛ Kpanyinli Gyɛhɔyada bɛrale, na ɔzele ye kɛ, “Duzu ati a ɛtɛmanle Livaema ɛtɛkɔdieliele adwule ne mɔɔ Ɛdɛnkɛma sonvolɛ, Mosisi, hyehyɛle dole ɛkɛ kɛ bɛlie wɔ menli ne mɔ ɛkɛ bɛva bɛyɛ Ɛdɛnkɛma Ndanlɛ Sua ne boɛ la bɛtɛfile Dwudama nee Gyɛlusalɛm amra ɛkɛ ne a?”


Wɔ sɛlɛvolɛ mgbanyinli Yilayahyebe, Dwɔyada, Dwɔnatan, yɛɛ Gyadua mekɛ zo, bɛhɛlɛle Livaema nee sɛlɛvolɛma mbusua mgbanyinli aluma bɛziele. Bɛyɛle ɛhye toonwo ɔhɔdwule Pɛhyea Maanle Maanle Belemgbunli Dalayɛse mekɛ zo.


Wɔ Zɛlɛbabɛle nee Nihɛmaya mekɛ zo, Yizilayɛma kɔsɔɔti vale ahyɛlɛ ninyɛne manle bɛvale bɛnleanle Ɛzonlenlɛ Sua ne anu edwɛndolɛma nee sinzavolɛma ne mɔ. Menli vale azubɔlɛ ninyɛne mɔɔ anwo te la manle Livaema, na Livaema ne noko vale sɛlɛvolɛma ne (Aalɔn abo zo amra ne) afoa nu ɛdeɛ manle bɛ.


Livaema: Menli ɛhye mɔ a nea moyɛlɛ edwɛndolɛ zo a: Gyɛhyua, Benuwae, Kademeɛle, Hyɛlibaya, Dwuda, yɛɛ Matanaya.


Na menzele Livaema ne kɛ bɛdu bɛ nwo bɛmaa na bɛrazinza nlenkɛ mgbole ne mɔ bɛmaa bɛzie Ɛnwomenlelielɛ Kenle ne nwuanzanwuanza. O me Nyamenle, kakye me wɔ ɛhye noko ati na die me, kɛmɔ wɔ ɛhulolɛ kpole ne mɔɔ ɛmbɔ aze ɛlɛ la de la.


Ɔlua zolɛ ɔmanle Tobaya adenle ɔmanle ɔdɛnlanle ekpumgbunli kpole ko anu. Zɔhane ekpumgbunli ne bɛfa aleɛ mɔɔ bɛfa bɛbɔ azu, ɛyɛlɛ, Ɛzonlenlɛ Sua ne anu ninyɛne, abɛlɛ ngyɛnu bulu ɛkpɔ ko ne, nwanye yɛɛ ɔlivi nwole mɔɔ bɛfa bɛmaa sɛlɛvolɛma la a bɛgua nu a.


Ɛkɛ ne a mbusua ekpunli ekpunli ne mɔ, Ɛdɛnkɛma mbusua ekpunli ne mɔ kɔ, kɛ bɛkayɛ Ɛdɛnkɛma mo, kɛmɔ bɛhyehyɛ bɛmaa Yizilayɛma la.


Mɔɔ Nyamenle wiele tendɛ kile Mosisi wɔ Saenae Boka ne azo la, ɔvale awolɛ ndɛbandɛba nwiɔ ne mɔɔ Nyamenle mumua ne ɛva ɔ sa ɛrɛlɛsɛka ɛhɛlɛ mɛla ne mɔ zolɛ la ɔmanle Mosisi.


Ninyɛne mɔɔ bɛvale bɛyɛle Ɛdɛnkɛma Ndanlɛ Sua ne anu, ɛleka mɔɔ awolɛ ndɛbandɛba nwiɔ ne mɔɔ bɛhɛlɛ Nyamenle Mɛla Bulu ne wɔ zo la wɔ la, bɛmɛ ɛne. Mosisi a hanle kɛ bɛhɛlɛ bɛ dodo a, yɛɛ Livaema mɔɔ sɛlɛvolɛ Aalɔn ara Yetamaa a nea bɛ nwo zo la a hɛlɛle a.


Na Livaema ne bayɛ azokoɛleɛ abɔ ayia Ndanlɛ Sua ne na bɛazinza, amaa awie ambikye ye na yeaha me ɛya yeamaa meava me ɛya ne meagua Yizilayɛma anwo zo.”


Akee Kohate abusua ekpulike ne mɔɔ soa ninyɛne nwuanzanwuanza ne mɔ la toa bɛ. Saa bɛdwu azokoɛleɛ fofolɛ a, ɔwɔ kɛ bɛkyehyɛ Ɛdɛnkɛma Ndanlɛ Sua ne bɛwie kolaa na Livaema mɔɔ zo ninyɛne nwuanzanwuanza ne mɔ la adwu ɛkɛ.


Akee Mosisi vale mbaka ne mɔ hɔguale Ɛdɛnkɛma Ngyekyeleɛ Ɛlɛka ne anyunlu wɔ Ndanlɛ Sua ne anu.


Ɔwɔ kɛ ɛdawɔ nee ɛ mra mrenya angomekye a yɛ gyima wɔ Ɛleka Nwuanzanwuanza ne nee azukponle ne anwo a, amaa meanva Yizilayɛma anwo ɛya bieko.


“Akee Livaema ne bazoa Ɛdɛnkɛma Ndanlɛ Sua ne ali ekpunli nwiɔ ne mɔɔ lumua nee ekpunli nwiɔ ne mɔɔ li amozi la avinli. Ekpunli biala bahɔ ye kɛmɔ bɛzile bɛdɛnlɛdɛnlanle bɛ wɔ azokoɛleɛ ne la, biala bali ɔ bo zo ne wɔ ye abusua ekpunli fɛlɛnra ne abo.


Akee Mosisi manle ɔ sa zo na ɔvale ye kpɔma ne ɔfinle bodane ne fane nwiɔ, na nzule vi nuhua rale dɔɔnwo manle menli ne nee bɛ nyɛmoa ne mɔ nlonle bie.


Saa mekɛ dwu na bɛlɛfi azokoɛleɛ bie, na Aalɔn nee ɔ mra mrenya ne mɔ boɔboa ninyɛne nwuanzanwuanza ne mɔ anloa, kyekye wie a, ɔwɔ kɛ Kohate abusua ekpulike ne anu amra a soa ɛhye mɔ amuala a. Noko ɔnle kɛ bɛfa bɛ sa bɛka ninyɛne nwuanzanwuanza ne mɔ bie, anrɛɛ bɛkɛwu. “Kohate abusua ekpulike ne gyima mɔɔ la bɛ kɔme zo, wɔ mekɛ biala mɔɔ bɛvi azokoɛleɛ ko bɛlɛtu la, yemɔ ɛne.


na bɛhɛlɛ mrenya mɔɔ ɛli ɛvolɛ abulasa mɔɔ kɔdwu abulanlu, mɔɔ kola gyima yɛ la aluma bɛmaa bɛyɛ Ɛdɛnkɛma Ndanlɛ Sua ne anu gyima.


Meye Livaema mevi Yizilayɛma anu meva bɛ mehyɛ Aalɔn nee ɔ mra mrenya kɛ bɛyɛ gyima bɛmaa Yizilayɛma ne wɔ Ndanlɛ Sua ne anu, amaa saa ngyengyene nu bie menli ne bikye Ɛleka Nwuanzanwuanza ne a, bɛayɛ mgbɔdalɛ nzɛlɛlɛ bɛakpa ewulenzane mɔɔ anrɛɛ kɛra bɛ nwo zo la bɛagua.”


Yemɔti Mosisi, Aalɔn, nee Yizilayɛma kɔsɔɔti dule Livaema ne manle Nyamenle, kɛmɔ Ɛdɛnkɛma zele Mosisi la.


Nzinlii, Livaema ne nee Aalɔn nee ɔ mra mrenya ne mɔ hɔle Ɛdɛnkɛma Ndanlɛ Sua ne anu hɔyɛle bɛ gyima ne, kɛmɔ Ɛdɛnkɛma zele Mosisi la.


Ɛhye anzi memanle me nye zo na menwunle kɛ bɛbuke Ɛzonlenlɛ Sua ne mɔɔ wɔ anwuma lɔ la, na Nyamenle daselɛlilɛ Ndanlɛ Sua ne wɔ nu.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ