Nolo 9:2 - BAEBOLO ANZƐƐ BULUKU NWUANZANWUANZA

² ɔboalekɛ bɛ muala bɛ awieleɛ le ko: tenlenema nee amumuyɛma, kpalɛma nee ɛtanevolɛma, bɛdabɛ mɔɔ bɛ nwo te nee bɛdabɛ mɔɔ bɛ nwo ɛnde, yɛɛ bɛdabɛ mɔɔ bɛbɔ azu nee bɛdabɛ mɔɔ bɛmbɔ azu la, bɛ muala bɛbawu. Sonla mɔɔ le kpalɛ la ɛndɛla ɛtanevolɛ; sonla mɔɔ ka ndane la ɛndɛla sonla mɔɔ ɛnga ndane la.

Nolo 9:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:3

Mekulo kɛ ɛfa Ɛdɛnkɛma, Nyamenle ne mɔɔ bɔle anwuma nee aze la ɛka ndane kɛ, ɛnrɛgya Keenama mɔɔ mede bɛ avinli la amra mraalɛ ne mɔ bie ɛnrɛmaa me ra nrenya ne,

Dwobu Buluku ne 9:22

Ɔ muala wie ko; yemɔti mese, ɔsɛkye kpalɛma, ɔsɛkye amumuyɛma.

Edwɛndolɛ Buluku ne 73:3

Ɔluakɛ me nye bolole adubɛnwoma, mekɛ mɔɔ menwunle kɛ amumuyɛma ɛkpazi la.

Nolo 2:26

Ɔluakɛ Nyamenle maa sonla ne mɔɔ sɔ ɔ nye la nrɛlɛbɛ, adwenle, yɛɛ anyelielɛ, na ɛtanevolɛ ne ɛdeɛ, ɔmaa ɔsesa ɔkuohua bɛ nloa ɔmaa mɔɔ sɔ Nyamenle anye la. Ɛhye noko le mgbane; ɔle kɛ ɛlɛkye anwoma la.

Nolo 3:19

Ɔluakɛ menli nee nane kɔsɔɔti awieleɛ le ko; sonla wu, kɛmɔ nane wu la. Bɛ muala bɛdie bɛ ɛnwomenle, sonla anwo ɛnlɛ nvasoɛ ɛndɛla nane, ɔluakɛ ɔ muala le mgbane.

Nolo 6:6

Saa sonla di ɛvolɛ apenle nwiɔ bɔbɔ na yeanli ɔ ti ɛlɛ a, bɛ muala bɛkɔ ɛleka ko.

Nolo 7:18

Saa ɛsɔ debie ɛhye anu a, mmagyakyi ko ne anu, ɔluakɛ sonla mɔɔ sulo Nyamenle la bavi ɔ muala anu.

Nolo 7:2

Ɔle kpalɛ kɛ ɛkɛhɔ awuke mɔɔ bɛlɛdi nyane nu la anu tɛla kɛ ɛkɛhɔ awuke mɔɔ bɛlɛto ɛkponle wɔ nu la anu, ɔluakɛ menli kɔsɔɔti awieleɛ ɛne, na anyewɔzoamra bava azie bɛ ti anu.

Nolo 9:11

Eza menwunle kɛ aleɛabo, tɛ menli mɔɔ anwo yɛ ndɛ la a dahuu di konim wɔ ɛnriandilɛ nu a, yɛɛ tɛ anwosesebɛma angome a dahuu di konim wɔ konle nu a. Tɛ nrɛlɛbɛvolɛma angome a dahuu asa kɔ bɛ nloa a, tɛ sonla mɔɔ lɛ adwenle la angome a nyia ɔ nwo a, yɛɛ tɛ bɛdabɛ mɔɔ bɛze debie yɛ kpalɛ la angome a nyia gyinlabelɛ kpole a. Tɛ mekɛ ne amuala a bɛdi ye moavolɛ a.

Nolo 9:3

Awieleɛ ko ne ala a wɔ ɛkɛ maa bɛ muala a, na ɛhye noko le munzule mɔɔ ka debie biala mɔɔ wɔ aleɛabo la. Sumunli kenle ala mɔɔ sonla de ngoane nu la, ɛtane nee ɛzɛlɛsɛm ɛyi bɛ adwenle tɛkɛɛ. Bɛyɛ ɛhye mɔ na bɛwu.

Gyɛlɛmaya Buluku ne 43:6

Menli ne mɔ ɛne: Mrenya, mraalɛ, ngakula, arelemgbunli amra mraalɛ, menli mɔɔ ɛlɔnema Kpanyinli Nɛbuzaladan vale bɛ gyakyile Ahaekam ara nrenya Gɛdalaya, Hyeefan anlɔnra ne kɛ ɔzie bɛ la, medame Gyɛlɛmaya, yɛɛ Nilaya ara nrenya Bɛlɛke.

Malakae Buluku ne 3:15

Noko nea, ɛnɛ, yɛfa sonla mɔɔ le mgbanyizonle la kɛ Nyamenle ɛyila ye. Menli mɔɔ di ɛtane la kpazi, yɛɛ bɛdabɛ mɔɔ bɛfa bɛ ɛtane bɛsɔ Nyamenle bɛnea la anwo dwɔɔ.’ ”

Malakae Buluku ne 3:18

Na akee bɛbanwu ngakyile mɔɔ wɔ sonla mɔɔ di pɛlepɛle nee mɔɔ yɛ amumuyɛ la avinli la, nee ngakyile mɔɔ wɔ sonla mɔɔ sonle Nyamenle nee mɔɔ ɛnzonle Nyamenle la avinli la.”

Malakae Buluku ne 3:5

Tumivolɛ Ɛdɛnkɛma se, “Mebahwe meabikye bɛ na meabua bɛ ndɛne. Mebadea ngonyiama, awuvolɛvalɛma nee bɛdabɛ mɔɔ bɛka ndane mgbane mgbane la ndɛndɛ zo. Mebadea bɛdabɛ mɔɔ bɛsisi gyimayɛvoma wɔ bɛ kakɛdualɛ nu, bɛdabɛ mɔɔ bɛsisi ahunlanvolɛ nee nrisa, bɛdabɛ mɔɔ bɛmbu nyɛvolɛ yɛɛ bɛdabɛ mɔɔ bɛnzulo me la.”

1 Sam 14:26

Eza bɛnwunle kɛ kpɔkɛ ne anu ɛleka biala mɔɔ bɛkɛva la ɛnee wolɛ ɛlɛpepe aze, noko awie biala anva bie anga ɔ nloa, ɔluakɛ bɛsulo amonle ne mɔɔ Sɔɔlo guale bɛ la.