Nolo 7:9 - BAEBOLO ANZƐƐ BULUKU NWUANZANWUANZA

⁹ Mmafa ɛya ndɛndɛ, ɔluakɛ koasea a fa ɛya sie ye nu a.

Nolo 7:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:8

Ɛhye anzi Keen zele ɔ diema Ebɛle kɛ, “Maa yɛhɔ ɛbɔ nu.” Bɛhɔle la, Keen holole ɔ diema Ebɛle anwo zo na ɔhunle ye.

2 Sam 13:22

Abesalɛm ɛdeɛ, yeambuke ɔ nloa yeanga ɛhwee yeangile Amenɔn; ɔluakɛ ɛnee akee ɔkyi ye, ɔboalekɛ yeva anwosesebɛ yehye ɔ diema raalɛ ne mialera nu yeva ye.

2 Sam 13:28

Na Abesalɛm zele ye sonvolɛma ne mɔ kɛ, “Bɛdie, saa bɛnwu kɛ Amenɔn ɛbo kpalɛ kpalɛ na mese bɛ kɛ, ‘Bɛyɛ bɛmaa Amenɔn’ a, bɛhu ye. Bɛmmasulo; medame a mese a. Bɛzi ahonle na bɛli mrenyasɛm.”

2 Sam 13:32

Na Devidi adiema Hyemɛya ara Dwɔnadabe hanle kɛ, “Nana, bɛtɛkunle ɛ mra ne mɔ kɔsɔɔti. Amenɔn angomekye a ɛwu a. Ɔluakɛ sumunli kɛ Amenɔn hyele Abesalɛm adiema raalɛ Teemaa mialera nu vale ye la yɛɛ ɔbɔle ye ɛhunlɛ nwo adwenle ɔdole ɛkɛ a.

2 Sam 19:43

Na Yizilayɛma buale Dwudama kɛ, “Kanza ɔvi bɛ nu bɔbɔ a yɛ nwo zonle tɛla bɛ fane bulu. Duzu ati a bɛambu yɛ bie a? Tɛ yɛmɛ a yɛlumuale yɛhanle kɛ yɛkava ye yɛara ɔ?” Noko akee Dwudama mgbolehanlɛ ne bole Yizilayɛma anwo zo.

Mrɛlɛbulɛ Buluku ne 14:17

Sonla mɔɔ ye ahonle bikye ye la yɛ ye debie koasea nu, na sonla mɔɔ anye gyi ɔ ti anwo la lɛ abotane.

Mrɛlɛbulɛ Buluku ne 14:29

Sonla mɔɔ ɔkyɛ na yeava ɛya la ndelebɛbo le kpole, na mɔɔ ɛngyɛ na ye ahonle afutu la maa ye koaseayɛlɛ yɛ kpole.

Mrɛlɛbulɛ Buluku ne 16:32

Sonla mɔɔ ɛnva ɛya mgbane mgbane la le kpalɛ tɛla katakyie, yɛɛ mɔɔ kola ɔ nwo zo komo la le kpalɛ tɛla sonla mɔɔ ko fa suakpole la.

Mrɛlɛbulɛ Buluku ne 25:8

Mmapele ndɛndɛ ɛfa mɔɔ wɔnwu ye la ɛkɔ kɔɔto, ɔluakɛ saa akee ɛ gɔnwo ne gua ɛ nyunlu aze a, duzu a ɛkɛyɛ a?

Nolo 7:10

Mmabiza kɛ, “Duzu ati a mekɛ mɔɔ ɛze ɛhɔ la le kpalɛ tɛla adwuleso mekɛ ye ɛ?” Ɔluakɛ nrɛlɛbɛ biala ɛnle nu kɛ ɛkɛbiza ɛhye.

Dwona Buluku ne 4:3

Zɔhane ati, O Ɛdɛnkɛma, mesɛlɛ wɔ, maa menwu, ɔluakɛ ɔle kpalɛ kɛ menwɔwu tɛla kɛ menwɔdɛnla aze a.”

Dwona Buluku ne 4:8

Sɛnzɛne ne kpogyale ɔ nwo zo la, Nyamenle manle aduduleɛ anwoma wuluwulu bie bɔle. Na ewia katekate bie vile bɔle Dwona ati mgbandanlama ne azo manle ɔ nwo yɛle ye bɛtɛɛ. Ɛnee akee Dwona akunlu a anrɛɛ yewu. Na ɔhanle kɛ, “Saa menwule bɔbɔ a anrɛɛ ɔle kpalɛ.”

Dwona Buluku ne 4:9

Nyamenle bizale Dwona kɛ, “Asoo ɛya kpalɛ a baka ye mɔɔ ɛwu la ati wɔva la?” Dwona buale kɛ, “Saa menwule bɔbɔ a anrɛɛ mewu.”

Edwɛkpa ne kɛmɔ Maake hɛlɛle la 6:19

Ɛhye ati Dwɔn anwo yɛle Hɛlɔdease ɛya kpole na ɔbɔle kpɔkɛ kɛ ɔnyia ye a ɔkɛhu ye, noko Hɛlɔdo ammaa ye adenle.

Edwɛkpa ne kɛmɔ Maake hɛlɛle la 6:24

Bɛlɛra ne vindele hɔbizale ɔ nli kɛ, “Duzu a membiza a?” Ɔ nli buale kɛ, “Biza die Dwɔn Sɔnevolɛ ne ati.”

Gyemise Kɛlata ne 1:19

Mediema kulovolɛma, bɛhakye ɛhye. Ɔwɔ kɛ awie biala tie ɔ nzo anwo, ɔmmatendɛ dɔɔnwo yɛɛ ɔmmafa ɛya.