Nolo 7:4 - BAEBOLO ANZƐƐ BULUKU NWUANZANWUANZA

⁴ Nrɛlɛbɛvolɛ dwenle awuke mɔɔ nyanelilɛ wɔ nu la anwo. Koasea dwenle awuke mɔɔ fɛlɛkolilɛ wɔ nu la anwo.

Nolo 7:4 ပူးပေါင်းရင်းမြစ်များ

2 Sam 13:28

Na Abesalɛm zele ye sonvolɛma ne mɔ kɛ, “Bɛdie, saa bɛnwu kɛ Amenɔn ɛbo kpalɛ kpalɛ na mese bɛ kɛ, ‘Bɛyɛ bɛmaa Amenɔn’ a, bɛhu ye. Bɛmmasulo; medame a mese a. Bɛzi ahonle na bɛli mrenyasɛm.”

1 Arl 20:16

Yizilayɛ ɛlɔnema ne dule bɛ bo ewiazo ketekete ne kɛ bɛkɔ Bɛneheedade nee ye ɛlɔnema ne anwo zo. Mekɛ ne anu ɛnee Bɛneheedade nee ye arelemgbunli abulasa nee nwiɔ ne mɔɔ boka ɔ nwo la ɛnlo nza ɛbo zɛhae ala wɔ avanye ne.

Nolo 2:1

Menganle mengilele me nwo kɛ, “Medielie me nye meanlea kɛ fɛlɛkolilɛ si de la.” Na nea, ɛhye noko le debie mgbane.

Nolo 7:3

Nyanelilɛ le kpalɛ tɛla ɛzelekɛ, ɔluakɛ ɔmaa sonla nyunlu yɛ alɔbɔlɛ ɛdeɛ, noko ɔmaa wɔ ndelebɛbo yɛ kpole.

Nolo 7:5

Ɔle kpalɛ kɛ sonla kɛmaa nrɛlɛbɛvolɛma kɛhwi ɔ nyunlu tɛla kɛ ɔkɛdie ahoasea edwɛndolɛ.

Ayezaya Buluku ne 21:4

Me ti kpakye me, ɛzulolɛ ɛheda me nwo zo. Akee aledwolɛ ne mɔɔ me nwo lɔle ye la anu ɛyɛ ɛzulolɛ kpole bie ɛmaa me.

Gyɛlɛmaya Buluku ne 51:39

Mekɛ mɔɔ bɛ nye kɛbolo kpalɛ la, mebado bɛ ɛkponle na meamaa bɛanlo nza toonwo bɛ nye alie. Akee bɛbalafe na bɛnrɛdunwue ɛlɛ, bɛbaha nafelɛ nu. Medame Ɛdɛnkɛma a mese a.

Gyɛlɛmaya Buluku ne 51:57

Mebamaa ye mgbanyima nee ye nrɛlɛbɛvolɛma, ye amɛnladoma, ye safohyenlema, yɛɛ ye ɛlɔnema anlo abo. Bɛbalafe mɔɔ bɛnrɛdunwue ɛlɛ a, medame Belemgbunli mɔɔ me duma a le Tumivolɛ Ɛdɛnkɛma la a mese a.”

Daneɛle Buluku ne 5:30

Kenle ko ne nɔe ne ala bɛhunle Babelonia Belemgbunli Bɛlehyaza

Hozia Buluku ne 7:5

Mekɛ mɔɔ belemgbunli ne di ye ɛvoyia ne la, ɔ nee ye mgbanyima ne mɔ nlonle nza na bɛyɛle tindaanwu na ɔbokale bɛ bɛzile amgbu.

Nahum Buluku ne 1:10

Bɛyela kɛ mbowule mɔɔ ɛdo ɛsɛka nu, bɛyela kɛ abɛlɛ dosinli.

1 Sam 25:36

Abegeli ziale hɔle sua nu na ɔhɔdole kɛ Neebale ɛdo ɛkponle kpole bie kɛ asɛɛ belemgbunli bie la, ɔ nye ɛlie na yebo kpole kpalɛ. Yemɔti yeanga ɛhwee yeangile ye hɔkpulale ye alehyenlɛ nu.

1 Sam 30:16

Na ɔlile Devidi anyunlu ɔ nee ye hɔle. Menli ne mɔ ɛde ɛkponde ɛleka mɔɔ bɛwɔ la amuala, bɛlɛdi, bɛanlo na bɛlɛdi wulupe, bɛ nye ɛlie wɔ anwonyia mɔɔ bɛwua bɛvi Filisitia nee Dwuda la anwo.