Nolo 7:2 - BAEBOLO ANZƐƐ BULUKU NWUANZANWUANZA

² Ɔle kpalɛ kɛ ɛkɛhɔ awuke mɔɔ bɛlɛdi nyane nu la anu tɛla kɛ ɛkɛhɔ awuke mɔɔ bɛlɛto ɛkponle wɔ nu la anu, ɔluakɛ menli kɔsɔɔti awieleɛ ɛne, na anyewɔzoamra bava azie bɛ ti anu.

Nolo 7:2 ပူးပေါင်းရင်းမြစ်များ

Edwɛndolɛ Buluku ne 90:12

Yemɔti kilehile yɛ maa yɛnwu yɛ mekɛ, amaa yɛazukoa nrɛlɛbɛ.

Nolo 2:14

Nrɛlɛbɛvolɛ anye gyi ɔ ti anwo, na koasea dua awozinli nu. Noko akee menwunle kɛ bɛ muala bɛ awieleɛ le ko.

Nolo 2:16

Ɔluakɛ nrɛlɛbɛvolɛ o, koasea o, bɛnrɛhakye biala dahuu. Mekɛ bara amaa bɛ rɛle avi bɛ bɔkɔɔ. Nrɛlɛbɛvolɛ wu yɛɛ koasea wu.

Nolo 3:19

Ɔluakɛ menli nee nane kɔsɔɔti awieleɛ le ko; sonla wu, kɛmɔ nane wu la. Bɛ muala bɛdie bɛ ɛnwomenle, sonla anwo ɛnlɛ nvasoɛ ɛndɛla nane, ɔluakɛ ɔ muala le mgbane.

Nolo 3:20

Bɛ muala bɛkɔ ɛleka ko, bɛ muala bɛvi ndɛtɛlɛ nu, yɛɛ bɛ muala bɛsia bɛkɔ ndɛtɛlɛ nu bieko.

Nolo 6:6

Saa sonla di ɛvolɛ apenle nwiɔ bɔbɔ na yeanli ɔ ti ɛlɛ a, bɛ muala bɛkɔ ɛleka ko.

Nolo 9:2

ɔboalekɛ bɛ muala bɛ awieleɛ le ko: tenlenema nee amumuyɛma, kpalɛma nee ɛtanevolɛma, bɛdabɛ mɔɔ bɛ nwo te nee bɛdabɛ mɔɔ bɛ nwo ɛnde, yɛɛ bɛdabɛ mɔɔ bɛbɔ azu nee bɛdabɛ mɔɔ bɛmbɔ azu la, bɛ muala bɛbawu. Sonla mɔɔ le kpalɛ la ɛndɛla ɛtanevolɛ; sonla mɔɔ ka ndane la ɛndɛla sonla mɔɔ ɛnga ndane la.

Nolo 9:3

Awieleɛ ko ne ala a wɔ ɛkɛ maa bɛ muala a, na ɛhye noko le munzule mɔɔ ka debie biala mɔɔ wɔ aleɛabo la. Sumunli kenle ala mɔɔ sonla de ngoane nu la, ɛtane nee ɛzɛlɛsɛm ɛyi bɛ adwenle tɛkɛɛ. Bɛyɛ ɛhye mɔ na bɛwu.

Nolo 9:5

Ɔluakɛ anyewɔzoamra ze kɛ bɛbawu, na mɔwuamra ɛnze ɛhwee, yɛɛ bɛnlɛ ahatualɛ bieko; awie ɛngakye bɛ bieko.

Ayezaya Buluku ne 47:7

Ɛzele me kɛ, ‘Medi belemgbunli meahyɛ.’ Yemɔti wɔandwenle mɔɔ ɛlɛyɛ la anwo anzɛɛ kɛ bɛ awieleɛ bazi awie la.

Gyɛlɛmaya Buluku ne 16:8

“Mmawolo awuke mɔɔ bɛlɛdi, bɛanlo, bɛalie bɛ nye la anu, ɛkɔtɛnla aze ɛ nee bɛ di, no.

Hagae Buluku ne 1:5

Zɔhane ati medame Tumivolɛ Ɛdɛnkɛma, mese: Bɛnlea kɛ bɛwie ye a.

Malakae Buluku ne 2:2

Saa bɛnrɛdie me edwɛkɛ, bɛnrɛva bɛnrɛzie bɛ ahonle nu kɛ bɛwula me duma ne anyunlunyia a, mebamaa munzule ara bɛ nwo zo na meamaa bɛ nyilalɛ ahakyi munzule. Nɔhalɛ, memaa bɛ nyilalɛ ɛhakyi munzule dɛbadɛba, ɔboalekɛ bɛambu me edwɛkɛ ne bie.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:10

Nwane a kɛhola Gyekɔbo abo zo amra tia; Anzɛɛ saa ɔkyɛ bɛ nu nna bɔbɔ a ɔkɛhola bɛ tia a? Maa menwu tenlenenli ewule, Maa me awieleɛ ɛyɛ kɛ ye ɛdeɛ ne la!”

Edwɛkpa ne kɛmɔ Mateyu hɛlɛle la 5:4

“Nyilalɛ ɛha bɛdabɛ mɔɔ nyane ɛha bɛ la; Nyamenle bakyekye bɛ rɛle!

Mɛla 32:29

Saa bɛze nrɛlɛbɛ a anrɛɛ bɛkɛde ɛhye abo, anrɛɛ bɛbanwu mɔɔ nzinlii bazi bɛ nwo zo la.

Mɛla 32:46

ɔzele bɛ kɛ, “Bɛva mɛla mɔɔ meva memaa bɛ ɛnɛ la amuala bɛzie bɛ ahonle nu na bɛli zolɛ, amaa bɛaha bɛahile bɛ mra, na bɛdabɛ noko bɛali zolɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:19

Menli ɛhye mɔ, bɛ awieleɛ a le kɛ Nyamenle bazɛkye bɛ, ɔluakɛ bɛ nyamenle a le bɛ ko. Mɔɔ ɔwɔ kɛ bɛse nwolɛ nyiane la bɛfa bɛtu bɛ nwo, yɛɛ bɛ adwenle muala gyi ewiade ninyɛne zo.

Kɛlata mɔɔ bɛhɛlɛle bɛhɔmanle Hibuluma la 9:27

Bɛhyehyɛ bɛmaa sonla biala kɛ ɔwu kokye, na ewule ne anzi Nyamenle abua ye ndɛne.