Nolo 6:3 - BAEBOLO ANZƐƐ BULUKU NWUANZANWUANZA

³ Saa sonla wo mralɛ ɛya ko, ɔnyi ɔdi ɛvolɛ dɔɔnwo, ɔyɛ kpanyinli kpalɛ na yeanlie ɔ nye wɔ ɛbɛla nu ninyɛne kpalɛ nwo, na ɔwu na ye ɛzielɛ nu anyɛ kɛnlɛma a, ɛnee ralɛ mɔɔ kɛkpɔne la tɛla ye ɛkpɔyɛɛ.

Nolo 6:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 33:5

Mɔɔ Yisɔ manle ɔ nye zo na ɔnwunle mraalɛ ne mɔ nee ngakula ne mɔ la, ɔbizale Gyekɔbo kɛ, “Nwane mɔ a le ɛhye mɔ mɔɔ ɛ nee bɛ lua la?” Gyekɔbo buale kɛ, “Ngakula ɛhye mɔ a Nyamenle ɛlolɛ nu yeva yemaa wɔ sonvolɛ a.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:9

Gyekɔbo buale kɛ, “Meli ɛvolɛ ɛya ko abulasa; me ngoane mekɛ ne le ekyi bie ala, ɔndwu egya mɔ ɛdeɛ ne mɔɔ bɛlile la, noko nuhua le ɛvɛlɛ ngome.”

2 Arl 10:1

Ehabe abo zo amra mɔɔ wɔ Samɛlea la le abulasuu. Yemɔti Gyihu hɛlɛle ngɛlata hɔmanle menli mɔɔ nea Samɛlea suakpole ne la mgbanyima nee bɛdabɛ mɔɔ Ehabe abo zo amra ne bie mɔ nee bɛ de la kɛ

2 Arl 9:35

Bɛhɔle bɛkava ye bɛahɔzie ye la bɛannwu ɛhwee kɛ ɔ ti kanrɛlɛ ne, ɔ gyakɛ yɛɛ ɔ sa adaakɛ ne mɔ ala.

1 Edk 28:5

Ɔmanle me mralɛ mrenya dɔɔnwo, na ɔnleanle nu ɔyele Sɔlɔmɔn kɛ yemɔ a ɔzie Yizilayɛ, Ɛdɛnkɛma ɔdaye ye belemgbunli maanle ne a.

2 Edk 11:21

Ɛnee Rilihɔbowam kulo Meeyaka tɛla ye mraalɛ ne mɔ nee ye mgbɔnla ne mɔ amuala. Ɔgyale mraalɛ bulu nee mɔtwɛ yɛɛ ɔvale mgbɔnla abulasia. Ɔwole mralɛ mrenya abulanwiɔ nee mɔtwɛ yɛɛ mralɛ mraalɛ abulasia.

Ɛseta Buluku ne 5:11

Bɛrale la, Heeman sosɔle zolɛ hanle ɔ nwo mɔɔ yenyia ye kpole, ɔ mra dodo mɔɔ yewo bɛ, yɛɛ ɔ nyunlu mɔɔ belemgbunli ne ɛmaa yenyia wɔ gyima nu yeva yewula ɔdaye Heeman anyunlunyia la amuala ɔhilele bɛ. Eza ɔhanle kɛ belemgbunli ɛzi ɛmaa ye dibilɛ yedɛla amɛnladoma nee sonvolɛma amuala mɔɔ wɔ suakunlu ɛkɛ ne la ɔhilele bɛ.

Ɛseta Buluku ne 7:10

Na bɛvale Heeman bɛhɔzinzele ɛhuleka ne mɔɔ ɔmanle bɛzieziele kɛ ɔbava yeahu Mɔdekae la azo. Na akee belemgbunli ne akunlu dwole fɔɔnwo.

Dwobu Buluku ne 3:11

“Me kunlu a anrɛɛ menwule ɔmɔ akunlu, anzɛɛ bɛwole me ala la mengale nzule nu.

Dwobu Buluku ne 3:16

Anrɛɛ ɔmɔ ako kpɔnenle, na meanyɛ sonla, anzɛɛ kɛ adɔma mɔɔ wule ɔ nli akunlu.

Edwɛndolɛ Buluku ne 58:8

Maa bɛyɛ kɛ ɛnlonkoɛ mɔɔ kolo yɛ ndeteata, maa bɛyɛ kɛ ralɛ mɔɔ ka nzule nu la.

Mrɛlɛbulɛ Buluku ne 17:6

Mgbanyinli anyelielɛ a le bɛ nlɔnra, yɛɛ mralɛ mrenya anyunlunyia a le bɛ ze mɔ.

Nolo 4:3

Na bɛdabɛ mɔɔ bɛnyia ye boɛ kpalɛ bɛdɛla mɔwuamra nee anyewɔzoamra la a le bɛdabɛ mɔɔ bɛtɛwole bɛ na bɛanwu munzule ɛbɛla mɔɔ bɛlɛbɔ ye aleɛabo la.

Nolo 6:4

Ɔluakɛ yemɔ ɔba mgbane na ɔdua awozinli nu ɔkɔ, na awozinli ne keda ye duma zo.

Gyɛlɛmaya Buluku ne 22:19

Bɛbahwenle ye aze bɛahɔvuandi ye bɛado Gyɛlusalɛm kandiba kɛmɔ bɛfuandi asoaso funli bɛto ala la.”

Gyɛlɛmaya Buluku ne 36:30

Yemɔti, medame Ɛdɛnkɛma, mese: Ɛdawɔ Dwuda Belemgbunli Gyɛhɔyakem, ɛ bo zo sonla ɛnrɛdɛnla Devidi belemgbunli ebia ne azo ɛlɛ, yɛɛ bɛbavuandi wɔ funli ne bɛado ɛleka mɔɔ ewia bɔ ye alehyenlɛ nu na ɛbɔlɛ tɔ gua zolɛ aledwolɛ nu la.

Gyɛlɛmaya Buluku ne 8:2

Kɛ bɛkɛhuohua bɛ nloa bɛkɛzie bɛ la, bɛbado mbowule bɛazande azɛlɛ ne anwo. Bɛbagua ɛkɛ, amaa sɛnzɛne ne, siane ne, yɛɛ anwumaneamra kɔsɔɔti mɔɔ bɛhulole bɛ, bɛbɔle bɛ ti aze bɛmanle bɛ, bɛkpondɛle bɛ, bɛlile bɛ nzi na bɛzonlenle bɛ la anwu bɛ.

Edwɛkpa ne kɛmɔ Mateyu hɛlɛle la 26:24

Na mame Sonla Ra, mebawu, kɛmɔ Nyamenle Edwɛkɛ ne se la, na ahenle mɔɔ ɔdua ɔ nwo zo bɛaye Sonla Ra ne bɛamaa la, ye gyakɔ! Ɔle kpalɛ kɛ anrɛɛ bɛanwo ye!”