Nolo 5:4 - BAEBOLO ANZƐƐ BULUKU NWUANZANWUANZA

⁴ Saa ɛbɔ Nyamenle ɛwɔkɛ a mmakyɛ na wɔaye, ɔluakɛ ɔ nye ɛnlie ahoasea nwo. Ye wɔ ɛwɔkɛ ne mɔɔ ɛkɛbɔ la.

Nolo 5:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:20

Akee Gyekɔbo bɔle ɛwɔkɛ kɛ, “Saa Nyamenle nee me dua, ɔnea me nwo zo wɔ ɛleka mɔɔ melɛkɔ la, na ɔmaa menyia aleɛ medi, menyia ɛdanlɛ mekeda,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:1

Nyamenle zele Gyekɔbo kɛ, “Dwazo kɔ Bɛtɛle na kɔdɛnla ɛkɛ. Si azukponle maa Nyamenle ne mɔɔ yele ɔ nwo hilele wɔ ɛkɛ ne, wɔ mekɛ mɔɔ ɛnee ɛlɛnriandi ɛ diema Yisɔ la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:3

Akee bɛdwazo bɛmaa yɛhɔ Bɛtɛle, amaa meazi azukponle meamaa Nyamenle ne mɔɔ diele me nzɛlɛlɛ wɔ mekɛ mɔɔ ɛnee mewɔ anwongyelelɛ nu la. Yemɔ yɛɛ ɔ nee me ɛlua ɛleka biala mɔɔ mehɔ la a.”

Edwɛndolɛ Buluku ne 116:14

Mebaye me ɛwɔkɛ biala mɔɔ mebɔ Ɛdɛnkɛma la, wɔ ye menli ne kɔsɔɔti anyunlu.

Edwɛndolɛ Buluku ne 119:106

Meha ndane na memoa zolɛ kɛ menwɔli wɔ pɛlepɛle mɛla ne mɔ azo.

Edwɛndolɛ Buluku ne 22:25

Mebaye wɔ ayɛlɛ wɔ menli dɔɔnwo ne ayia kpole ne anu, mebaye me ɛwɔkɛ ne mɔ wɔ menli ne mɔɔ sonle wɔ la anyunlu.

Edwɛndolɛ Buluku ne 50:14

Bɛbɔ moyɛlɛ azu bɛmaa Nyamenle; bɛye bɛ ɛwɔkɛ mɔɔ bɛbɔle Anwuma Anwumanli ne la.

Edwɛndolɛ Buluku ne 76:11

Maa wɔ ɛwɔkɛbɔlɛ ne ɛdwu Ɛdɛnkɛma wɔ Nyamenle ne ɛkɛ, na ye bɛ muala; maa bɛdabɛ mɔɔ bɛbikye ye la ɛva bɛ ahyɛlɛdeɛ ɛrɛlɛ ye, yemɔ yɛɛ ɔwɔ kɛ bɛsulo ye a.

Mrɛlɛbulɛ Buluku ne 20:25

Ɔle munzule kɛ sonla kɛha ye ndɛndɛ kɛ, “Nwolɛ te,” na saa ɔbɔ ye ɛwɔkɛ ne ɔwie a akee nzinlii yeadɛnla yeadwenle nwolɛ.

Ayezaya Buluku ne 19:21

Ɛdɛnkɛma bamaa Yigyibitima anwu ye, na Yigyibitima banwu Ɛdɛnkɛma wɔ mekɛ ne anu na bɛava azubɔlɛ nee ɛyelalɛ azubɔdeɛ bɛazonle ye; bɛbabɔ Ɛdɛnkɛma ɛwɔkɛ na bɛaye.

Dwona Buluku ne 2:9

Na mame, mebado edwɛne meaye wɔ ayɛlɛ, mebabɔ azu meamaa wɔ na meali me ɛwɔkɛ mɔɔ mebɔ la azo. Wɔmɔ Ɛdɛnkɛma ala a ɛdie ngoane a.”

Malakae Buluku ne 1:10

Ɛdɛnkɛma se, “Anrɛɛ bɛ nuhua ko ahɔtoto Ɛzonlenlɛ Sua ne nlenkɛ ne mɔ anu amaa bɛanzɔ senle wɔ me azukponle ne azo mgbane mgbane. Me kunlu ɛndwo bɛ nwo yɛɛ menrɛlie bɛ sa nu azubɔdeɛ biala.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 30:2

Ɔse: Saa nrenya fa debie bɔ Ɛdɛnkɛma ɛwɔkɛ, anzɛɛ ka ndane fa ɔ nwo bɔ ɛwɔkɛ maa Ɛdɛnkɛma a, ɔnle kɛ ɔtu ɔdaye ɔ nloa edwɛkɛ mɔɔ yeha la ɔto, ɔwɔ kɛ ɔdi edwɛkɛ biala mɔɔ vi ɔ nloa anu kɛvinde la azo.

Edwɛkpa ne kɛmɔ Mateyu hɛlɛle la 5:33

“Bɛde ye bieko kɛ bɛhanle bɛhilele mɔmoane amra kɛ, ‘Mmaka ndandɛla, na di ndane mɔɔ wɔha wɔ Awulae anyunlu la azo.’

Kɛlata mɔɔ bɛhɛlɛle bɛhɔmanle Hibuluma la 10:6

Ɛ nye ɛnlie nane mumua ɛyelalɛ anzɛɛ ɛtanefakyɛ azubɔlɛ nwo.

Maanlebuvolɛma Buluku ne 11:35

Gyɛfeta nwunle ɔ ra raalɛ ne la, ɔsuosuanle ye tɛladeɛ mɔɔ ɔwula la anu na ɔhanle kɛ, “Me ra raalɛ! Duzu ati a wɔde me ɛbolɛ kpole zɛhae ɛ? Mebɔ Ɛdɛnkɛma ɛwɔkɛ mɔɔ hyia a, yɛɛ metwe mesia a ɔnyɛ boɛ.”