Nolo 3:4 - BAEBOLO ANZƐƐ BULUKU NWUANZANWUANZA

⁴ mekɛ mɔɔ bɛsu, yɛɛ mekɛ mɔɔ bɛsele; mekɛ mɔɔ bɛdi nyane, yɛɛ mekɛ mɔɔ bɛsi agole;

Nolo 3:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:6

Na Sɛla hanle kɛ, “Nyamenle ɛmaa ɛzelekɛ ɛdɔ me nwo. Awie biala mɔɔ kɛde me nganeɛ la nee me bazele.”

2 Sam 6:16

Mɔɔ Ɛdɛnkɛma Ngyekyeleɛ Ɛlɛka ne dwule Devidi Suakpole zo la, Sɔɔlo ara raalɛ Maekale wulale ɔ ti nvɛnzɛlɛ ne anu nleanle. Ɔnwunle kɛ Belemgbunli Devidi ɛlɛdi wulupe si agole wɔ Ɛdɛnkɛma anyunlu; ye adwenle zɛkyele Devidi anwo na ye ahonle yele ye bɔkɔɔ.

Edwɛndolɛ Buluku ne 30:11

Wɔmaa me nyane ɛhakyi ɛzelekɛ, wɔkpa me ɛrele wɔgua na wɔmaa me nye ɛlie,

Edwɛndolɛ Buluku ne 30:5

Ɔluakɛ ye ɛyavalɛ ɛngyɛ, yɛɛ ye nyeleyɛlɛ ɛnlɛ awieleɛ. Ɛzunlɛ bahɔ zo aledwolɛ ne, na alehyenlɛ ne fa anyelielɛ ba.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:20

Na Nyamenle kpɔmanvolɛ raalɛ Meleam, Aalɔn adiema raalɛ ne vale akɛya, na mraalɛ ne mɔ kɔsɔɔti doale ye, wozole akɛya, zile agole.

Nolo 3:5

mekɛ mɔɔ bɛfuandi awolɛ bɛgua, yɛɛ mekɛ mɔɔ bɛkuohua awolɛ nloa; mekɛ mɔɔ bɛyɛ atuu, yɛɛ mekɛ mɔɔ bɛnyɛ atuu;

Nolo 7:14

Wɔ ɛkpazilɛ mekɛ nu, di fɛlɛko, yɛɛ saa ehyia to wɔ a, dwenle na kakye kɛ Nyamenle a maa gyinlabelɛ nwiɔ ne ba a, amaa sonla annwu debie biala mɔɔ bazi ɔ nzi la.

Ayezaya Buluku ne 40:1

Yɛ Nyamenle ne se, “Bɛkyekye me menli ne arɛle, bɛkyekye bɛ rɛle.

Ayezaya Buluku ne 40:2

Bɛdendɛ bɛtɛɛ bɛhile Gyɛlusalɛmma, na bɛdea nu bɛze bɛ kɛ bɛ ɛbɛla nu konle ne ɛwie; bɛva bɛ ɛtane bɛhyɛ bɛ. Na mɔɔ bɛ ɛtane ne mɔ ati bɛminlinle ye la Ɛdɛnkɛma bamaa bɛanyia ye mɔnwo.”

Edwɛkpa ne kɛmɔ Mateyu hɛlɛle la 11:17

‘Yɛbɔle anyelielɛ edwɛne yɛmanle bɛ, noko bɛanzi. Yɛdole ɛzɛne edwɛne la, bɛanzu.’

Edwɛkpa ne kɛmɔ Mateyu hɛlɛle la 9:15

Gyisɛse buale bɛ kɛ, “Bɛdwenle kɛ saa atɔfolɛ nrenya ne wɔ ɛkɛ a, ɔ gɔnwo mɔ mɔɔ ɛra atɔfolɛlielɛ ne abo la kɛli nyane ɔ? Kyɛkyɛ! Noko saa mekɛ dwu na bɛbaye atɔfolɛ nrenya ne wɔ bɛ avinli bɛkɔ a, ɛnee bɔ zo mɔɔ yedwu mɔɔ bɛkye ɛhɔne a.

Edwɛkpa ne kɛmɔ Luku hɛlɛle la 1:58

Ye kpalɛzo amra nee ɔ nwo amra dele kɛ Awulae ɛhile ye ɛlolɛ kpole na bɛ nee ye lile nwolɛ fɛlɛko.

Wulo 12:15

Bɛ nee mɔɔ di fɛlɛko la ɛli fɛlɛko na bɛ nee mɔ su la ɛzu.

2 Kɔl 7:10

Ɔluakɛ nyanelilɛ mɔɔ Nyamenle ze nuhua la maa sonla nu ɔ nwo na ɔnyia ngoane, ɔmmaa ɔnvu ɔ nwo; ewiade ye anu nyanelilɛ maa ewule.

Gyemise Kɛlata ne 4:9

Bɛli nyane na bɛzu; bɛmaa bɛ ɛzelekɛ ɛyɛ ɛzunlɛ na bɛ fɛlɛkolilɛ ɛyɛ alɔbɔlɛ.