Nolo 2:3 - BAEBOLO ANZƐƐ BULUKU NWUANZANWUANZA

³ Memanle me nrɛlɛbɛ zinzale me na menvale me adwenle memkpondɛle adenle mɔɔ medua zolɛ meava nwanye mealielie me nye, na meazɔ ngoaseadeyɛlɛ nu kɔkpula kɛ menwɔnwu mɔɔ le kpalɛ maa menli, mɔɔ ɔwɔ kɛ bɛyɛ wɔ aleɛabo wɔ bɛ ngoane mekɛ ekyi ye anu la.

Nolo 2:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 47:9

Gyekɔbo buale kɛ, “Meli ɛvolɛ ɛya ko abulasa; me ngoane mekɛ ne le ekyi bie ala, ɔndwu egya mɔ ɛdeɛ ne mɔɔ bɛlile la, noko nuhua le ɛvɛlɛ ngome.”

Dwobu Buluku ne 14:14

Saa sonla wu a, ɔkɛdɛnla ngoane nu bieko ɔ? Wɔ me ɛzonlenlɛ mekɛ nu mebahendɛ, toonwo me ɛkpɔnelɛ mekɛ adwu.

Edwɛndolɛ Buluku ne 104:15

yeanyia nwanye yeamaa sonla nye alie, yeanyia nwole yeamaa ɔ nyunlu ada, na yeanyia aleɛ yeamaa sonla nwo ayɛ se.

Mrɛlɛbulɛ Buluku ne 20:1

Nwanye ɛnlonlɛ maa bɛsi sonla amgbu; nza ɛsesebɛ ɛnlonlɛ maa sonla gyibi; sonla mɔɔ kɛmaa nza kɛgya ye la ɛnze nrɛlɛbɛ.

Nolo 1:17

Membɔle mɔdenle kɛ menea ngakyile mɔɔ wɔ nrɛlɛbɛ, ɛzɛlɛde, yɛɛ ngoaseade nu la. Na menwunle kɛ ɛhye noko le kɛ ɛlɛkye anwoma la.

Nolo 10:19

Aleɛ maa sonla sele, nza maa sonla nye die, na ezukoa pɛ debie biala azo.

Nolo 12:13

Bɛmaa yɛdie edwɛkɛ ne adwulaleɛ: Bɛzulo Nyamenle, na bɛli ye mɛla ne mɔ azo, ɔboalekɛ sonla gyima mɔɔ la ɔ nwo zo la ala ɛne.

Nolo 2:24

Debie kpalɛ biala ɛnle ɛkɛ ɛmmaa sonla ɛndɛla kɛ ɔkɛli na ɔkɛnlo, na ɔkɛlielie ɔ nye wɔ ye ɛvɛlɛ nwo. Menwunle kɛ ɛhye noko vi Nyamenle ɛkɛ,

Nolo 5:18

Nea, debie mɔɔ menwu ye la a le kɛ: mekɛ ezinraa ɛhye mɔɔ Nyamenle ɛva ɛmaa sonla la, ɔle kpalɛ kɛ ɔkɛli, ɔkɛnlo na ɔkɛlielie ɔ nye wɔ ɔdaye ɔ sa anloa gyima mɔɔ yeyɛ la anwo, ɔluakɛ ɛhye a le sonla afoa nu ɛdeɛ a.

Nolo 6:12

Nwane a kɛhola kɛnwu debie mɔɔ le kpalɛ maa sonla wɔ ye ngoane mekɛ ezinraa ɛhye mɔɔ se waa kɛ ɛlawolɛ la anu a? Saa sonla wu a, kɛ ɔkɛyɛ na yeanwu mɔɔ bazi ɔ nzi wɔ aleɛabo la ɛ?

Nolo 7:18

Saa ɛsɔ debie ɛhye anu a, mmagyakyi ko ne anu, ɔluakɛ sonla mɔɔ sulo Nyamenle la bavi ɔ muala anu.

Nolo 7:25

Menyɛle me adwenle kɛ menea, meavedevede nu na meakpondɛ nrɛlɛbɛ yɛɛ ninyɛne kɔsɔɔti abo, na meanwu atisesebɛ mɔɔ le ngoaseadeyɛlɛ nee koaseayɛlɛ mɔɔ le ɛzɛlɛde la.

Nolo 8:15

Yemɔti menwu ye wienyi kɛ ɔwɔ kɛ sonla dielie ɔ nye, ɔboalekɛ ye fɛlɛkolilɛ mɔɔ ɔlɛ ye wɔ ye ɛbɛlabɔlɛ nu la a le kɛ ɔkɛli, ɔkɛnlo na ɔkɛlielie ɔ nye. Yeanyɛ boɛ bɔbɔ a, mekɛ mɔɔ Nyamenle ɛva ɛmaa ye wɔ ewiade, mɔɔ ɔlɛyɛ gyima la, ɔwɔ kɛ ɔdielie ɔ nye.

Edwɛkpa ne kɛmɔ Mateyu hɛlɛle la 6:24

“Awie biala ɛnrɛhola ɛnrɛzonle menlenlɛ nwiɔ, ɔluakɛ saa ɔyɛ ye zɔhane a ɔbahulo ko na yeakpɔ ko, anzɛɛ ɔbali ko eni na yeakpo ko. Zɔhane ala yɛɛ bɛnrɛhola Nyamenle nee ezukoa sonle a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18

Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

Maanlebuvolɛma Buluku ne 9:13

Na vanye baka zele bɛ kɛ, ‘Saa menwɔli bɛ belemgbunli a, ɛnee ɔwɔ kɛ megyakyi nwanye ne mɔɔ maa awozonle nee menli anye die la ma ne ɛzolɛ.’

1 Sam 25:36

Abegeli ziale hɔle sua nu na ɔhɔdole kɛ Neebale ɛdo ɛkponle kpole bie kɛ asɛɛ belemgbunli bie la, ɔ nye ɛlie na yebo kpole kpalɛ. Yemɔti yeanga ɛhwee yeangile ye hɔkpulale ye alehyenlɛ nu.