Nolo 1:9 - BAEBOLO ANZƐƐ BULUKU NWUANZANWUANZA

⁹ Mɔɔ ɛzi la yɛɛ bazi a, yɛɛ mɔɔ bɛyɛ la yɛɛ bɛbayɛ a; debie fofolɛ biala ɛnle aleɛabo.

Nolo 1:9 ပူးပေါင်းရင်းမြစ်များ

Nolo 1:10

Asoo debie wɔ ɛkɛ ne mɔɔ bɛha kɛ, “Bɛnlea, ɛhye le fofolɛ” ɔ? Ɔwɔ ɛkɛ ne dɛbadɛba kolaa na bɛawo yɛ.

Nolo 2:12

Yemɔti membɔle ɔ bo kɛ medwenle nrɛlɛbɛ, ɛzɛlɛde, yɛɛ ngoaseade nwo meade bɛ bo, ɔluakɛ duzu a sonla mɔɔ bali belemgbunli agya la kɛhola kɛyɛ a? Kyesɛ mɔɔ belemgbunli ne ɛyɛ ye dɛba la ala.

Nolo 3:15

Mɔɔ wɔ ɛkɛ ne la wɔ ɛkɛ ne dɛbadɛba; mɔɔ bara la, ɛra ɛlɛ; yɛɛ Nyamenle kpondɛ mɔɔ ɛze ɛhɔ la abo zo.

Nolo 6:10

Debie biala mɔɔ ɛzi la ɛnee bɛha bɛdo ɛkɛ dɛba, yɛɛ yɛ muala yɛze kɛ sonla si de la, bɛ nee sonla mɔɔ anwo yɛ se tɛla bɛ la ɛnli butule.

Nolo 7:10

Mmabiza kɛ, “Duzu ati a mekɛ mɔɔ ɛze ɛhɔ la le kpalɛ tɛla adwuleso mekɛ ye ɛ?” Ɔluakɛ nrɛlɛbɛ biala ɛnle nu kɛ ɛkɛbiza ɛhye.

Ayezaya Buluku ne 43:19

Bɛnlea, melɛyɛ debie fofolɛ; kɛ ɔlɛba ɛ, asoo bɛnnwu ye? Mebakpakye adenle meado fienemgbole nu, na meaye azule meagua ɛsɛlɛ zo.

Gyɛlɛmaya Buluku ne 31:22

Yizilayɛma mɔɔ ɛnlɛ diedi a, bɛsie kenlenzu? Memaa debie ngakyile ɛzi ewiade ye: raalɛ bawowa nrenya.”

2 Pit 2:1

Mekɛ bie Nyamenle kpɔmanvolɛma alane bie vindele menli ne avinli. Zɔhane ala yɛɛ kilehilevolɛma alane bavinde bɛdabɛ noko bɛ avinli a. Bɛbava adalɛ ngilehilelɛ nee awozinli nu ngehanleɛ mɔɔ sɛkye adwenle la bɛara. Yemɔti bɛbakpo Menlenlɛ ne mɔɔ liele bɛ ngoane la na bɛahwe arɛlevilɛ nu munzule bɛamaa bɛ nwo.

Yekile 21:1

Akee menwunle anwuma fofolɛ nee azɛlɛ fofolɛ. Ɔluakɛ alumua anwuma ne nee alumua azɛlɛ ne ɛze ɛhɔ, na nyevile ne ɛnle ɛkɛ bieko.

Yekile 21:5

Na mɔɔ de belemgbunli ebia kpole ne azo la hanle kɛ, “Kɛkala, meyɛ ninyɛne kɔsɔɔti fofolɛ!” Eza ɔzele me kɛ, “Kɛlɛ ɛhye, ɔluakɛ edwɛkɛ ɛhye mɔ le nɔhalɛ yɛɛ bɛfa bɛ rɛle bɛto zolɛ a ɔyɛ boɛ.”