Edwɛkpa ne kɛmɔ Maake hɛlɛle la 9:9 - BAEBOLO ANZƐƐ BULUKU NWUANZANWUANZA

⁹ Na bɛvi boka ne azo bɛlɛdwu la, Gyisɛse bɔle ye ɛdoavolɛma ne anloa kɛ, “Bɛmmaka mɔɔ bɛnwu ye la bɛkile awie biala, kɔkpula mekɛ mɔɔ Sonla Ra ne vi ewule nu kɛdwazo la.”

Edwɛkpa ne kɛmɔ Maake hɛlɛle la 9:9 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 12:19

Ɔnrɛzu kpolera, yɛɛ ɔnrɛdeɛdea nu; awie ɛnrɛde ɔ ne wɔ gua zo.

Edwɛkpa ne kɛmɔ Mateyu hɛlɛle la 12:40

Kɛmɔ Dwona lile ewiazo nee nɔɔzo kenle nsa wɔ nyevizonle ne akunlu la, zɔhane ala yɛɛ medame, Sonla Ra, mebali ewiazo nee nɔɔzo kenle nsa wɔ azɛlɛ ti anu a.

Edwɛkpa ne kɛmɔ Mateyu hɛlɛle la 16:21

Ɔvi mekɛ ne anu Gyisɛse bɔle ɔ bo kɛ ɔka ye wienyi yeahile ye ɛdoavolɛma ne kɛ, “Ɔwɔ kɛ mekɔ Gyɛlusalɛm mekɔnwu amaneɛ dɔɔnwo wɔ mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ asa anu. Bɛbahu me, na ye kenle nsa ne azo Nyamenle badwazo me ara ngoane nu bieko.”

Edwɛkpa ne kɛmɔ Mateyu hɛlɛle la 27:63

na bɛzele ye kɛ, “Yɛmenle, yɛkakye kɛ mekɛ mɔɔ adalɛ ne de aze la, ɔhanle kɛ, ‘Ye kenle nsa ne azo bɛbadwazo me bɛara ngoane nu.’

Edwɛkpa ne kɛmɔ Mateyu hɛlɛle la 8:4

Na Gyisɛse bɔle ɔ nloa kɛ, “Nea, mmabɔ zo ɛkile awie biala. Kɔ na kɔva ɛ nwo kile sɛlɛvolɛ ne maa ɔnleɛnlea ɛ nwo, na bɔ azu ne mɔɔ Mosisi hyehyɛle dole ɛkɛ ne la maa awie biala ɛnwu kɛ ɛ nwo ɛza.”

Edwɛkpa ne kɛmɔ Maake hɛlɛle la 5:43

Na Gyisɛse bɔle bɛ nloa kɛ bɛmmaka bɛkile awie biala, na ɔzele bɛ kɛ, “Bɛmaa ye debie ɔli.”

Edwɛkpa ne kɛmɔ Maake hɛlɛle la 7:36

Na Gyisɛse bɔle menli ne mɔ anloa kɛ bɛmmabɔ mɔɔ ɛzi la azo bɛkile awie biala, noko bɛamkponle na bɛhanle ye dɔɔnwo kpalɛ.

Edwɛkpa ne kɛmɔ Maake hɛlɛle la 9:10

Bɛlile ye edwɛkɛ ne azo, na bɛdabɛ ngome bɛdwenledwenlenle mɔɔ zile la anwo kɛ, “Ɛnee ewudwazo ɛhye a le duzu?”

Edwɛkpa ne kɛmɔ Maake hɛlɛle la 9:8

Ɛkɛ ne ala bɛtotole bɛ nye, noko bɛannwu awie biala kɛ Gyisɛse angome mɔɔ bɛ nee ye gyi ɛkɛ ne la ala.

Edwɛkpa ne kɛmɔ Luku hɛlɛle la 24:46

na ɔzele bɛ kɛ, “Mɔɔ bɛhɛlɛ bɛdo ɛkɛ ne la ɛne: Ɔwɔ kɛ Mɛzaya ne nwu amaneɛ na ye kenle nsa ne anzi bɛdwazo ye bɛfi mɔwuamra anu.

Edwɛkpa ne kɛmɔ Luku hɛlɛle la 9:36

Ɛnelɛ ne dendɛle wiele la, ɔhale Gyisɛse angome. Ɛdoavolɛma ne hanle bɛ nloa dole nu, na bɛanga mɔɔ bɛnwunle ye la anwo bie bɛangile awie biala wɔ mekɛ ne anu.