Edwɛkpa ne kɛmɔ Maake hɛlɛle la 9:47 - BAEBOLO ANZƐƐ BULUKU NWUANZANWUANZA

⁴⁷ Saa ɛ nye noko a twehwe wɔ ahɔ ɛtane nu a, tu ye to! Ɔle kpalɛ kɛ ɛ nye ko na ɛkɛnyia Nyamenle belemgbunlililɛ ne tɛla kɛ ɛ nye nwiɔ na bɛkɛvuandi wɔ bɛkɛdo senle ne mɔɔ ɛnnu ɛlɛ la anu a.

Edwɛkpa ne kɛmɔ Maake hɛlɛle la 9:47 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:6

Yemɔti mɔɔ raalɛ ne nwunle kɛ baka ne ma ne le kɛnlɛma, na bɛdi a ɔle kpalɛ, na ɔwɔ kɛ sonla di bie na ɔnwu nrɛlɛbɛ la, ɔdele bie ɔlile, na ɔdele bie ɔhɔmanle ɔ hu lile.

Dwobu Buluku ne 31:1

“Me nee me nye ɛyɛ ngyekyeleɛ; kɛ menrɛnlea bɛlɛra mɔɔ ɛnze nrenya la menrɛhulo ye.

Edwɛndolɛ Buluku ne 119:37

Ye me nye fi ninyɛne mgbane mgbane nwo, na maa me ngoane wɔ wɔ ndenle ne mɔ anu.

Edwɛkpa ne kɛmɔ Mateyu hɛlɛle la 18:9

Saa ɛ nye ko a gyegye wɔ yeamaa wɔaminli wɔ diedi a, tu ye to! Ɔle kpalɛ kɛ ɛ nye ko na ɛkɛnyia ngoane mɔɔ ɛnlɛ awieleɛ tɛla kɛ ɛ nye nwiɔ na bɛkɛhɔdo wɔ senle ne mɔɔ ɛnnu ɛlɛ la anu a.

Edwɛkpa ne kɛmɔ Mateyu hɛlɛle la 5:22

Mame, mese: Awie biala mɔɔ kɛva ɔ diema anwo ɛya la bɛkɛbua ye ewule fɔlɛ. Mɔɔ kɛyɛ ɔ diema aholoba la bɛ nee ye kɛhɔ nyianu sua nu mgbanyima ayia ne anyunlu; na mɔɔ kɛze ɔ diema kɛ, ‘Ɛle koasea!’ la, ɛva ɔ nwo ɛdo ɛbolɔ senle nu.

Edwɛkpa ne kɛmɔ Maake hɛlɛle la 9:43

Yemɔti saa ɛ sa ko twehwe wɔ ahɔ ɛtane nu a, pɛ ye to! Ɔle kpalɛ kɛ ɛ sa ko na ɛkɛnyia ngoane tɛla kɛ ɛ sa nwiɔ na ɛkɛhɔ senle ne mɔɔ ɛnnu ɛlɛ la anu. [

Edwɛkpa ne kɛmɔ Maake hɛlɛle la 9:46

Ɛkɛ ne azonlɛ ɛnwu ɛlɛ, yɛɛ ye ndeanlɛ senle ne ɛnnu ɛlɛ.]

Edwɛkpa ne kɛmɔ Luku hɛlɛle la 14:26

“Awie biala mɔɔ ba me nwo arayɛ me ɛdoavolɛ, na yeangulo me edwɛkɛ yeandɛla ɔ ze nee ɔ nli, ɔ ye nee ɔ mra, ɔ mediema mrenya nee mraalɛ nee ɔdaye mumua ne ɔ nwo la ɛnrɛhola ɛnrɛyɛ me ɛdoavolɛ.

Dw 3:3

Gyisɛse buale ye kɛ, “Meka nɔhalɛ meahile wɔ: awie biala ɛnrɛnwu Nyamenle Belemgbunlililɛ ne kyesɛ bɛwo ye fofolɛ.”

Dw 3:5

Gyisɛse buale kɛ, “Meka nɔhalɛ ne meahile wɔ: kyesɛ bɛfa nzule nee Sunsum Nwuanzanwuanza ne bɛsɔne sonla anrɛɛ ɔnrɛnwu Nyamenle Belemgbunlililɛ ne ɛlɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:15

Na kɛkala, bɛ atiakunlukɛnlɛma ne wɔ nienwu? Ɛnee medi daselɛ kɛ saa bɛyɛ na ɔkɛyɛ boɛ bɔbɔ a, anrɛɛ bɛdudule bɛ nye bɛmanle me.