Edwɛkpa ne kɛmɔ Maake hɛlɛle la 9:43 - BAEBOLO ANZƐƐ BULUKU NWUANZANWUANZA

⁴³ Yemɔti saa ɛ sa ko twehwe wɔ ahɔ ɛtane nu a, pɛ ye to! Ɔle kpalɛ kɛ ɛ sa ko na ɛkɛnyia ngoane tɛla kɛ ɛ sa nwiɔ na ɛkɛhɔ senle ne mɔɔ ɛnnu ɛlɛ la anu. [

Edwɛkpa ne kɛmɔ Maake hɛlɛle la 9:43 ပူးပေါင်းရင်းမြစ်များ

Dwobu Buluku ne 20:13

ɔngulo kɛ ɔgyakyi nu, ɔnoko ye ɔ tafinlima abo,

Ayezaya Buluku ne 1:31

Bɛdabɛ mɔɔ bɛ nwo yɛ se la, bɛbahwenle bɛ aze, na bɛ nyɛleɛ bayɛ senle mgbomgbɔ ayela bɛ nee bɛ gyima, na awie ɛnrɛhola ye nua.

Gyɛlɛmaya Buluku ne 4:4

Bɛmɛ Dwudama nee Gyɛlusalɛmma, bɛdu bɛ nwo bɛmaa medame Ɛdɛnkɛma, na bɛde bɛ ahonle nu, anrɛɛ bɛ ninyɛmunli ne mɔ mɔɔ bɛyɛ la ati, me ɛya ne bazɔ kɛ senle, na awie biala ɛnrɛhola ye nua.”

Edwɛkpa ne kɛmɔ Mateyu hɛlɛle la 17:27

Na amaa yɛanvo menli ɛhye mɔ la, kɔ tandane ne anu kɔdo koba, na fɛlɛ mɔɔ ɛkɛlumua ɛkɛhye ye la ɛkɛnwu kɛ ezukoa zia ɔ nloa anu mɔɔ sa me nee wɔ adwule ne tua a; fa kɔdua me nee wɔ yɛ ɛdeɛ ne.”

Edwɛkpa ne kɛmɔ Mateyu hɛlɛle la 25:41

“Akee mebaze bɛdabɛ mɔɔ bɛwɔ me sa bɛne zo la kɛ, ‘Bɛvi me nwo ɛke bɛhɔ, munzule menli! Bɛhɔ senle ne mɔɔ ɛnnu ɛlɛ, mɔɔ ɔvi ewiade abobɔlɛ bɛhua bɛmaa Abɔnsam nee ye soanvolɛma la anu!

Edwɛkpa ne kɛmɔ Mateyu hɛlɛle la 3:12

Ɔlɛ ye akegyebɛ ɔ sa nu; ɔbava yeahegye ma ne amuala; ɔbaboɔboa kpalɛ ne anloa yeahɔgua ye bonwolo ne azo na yeayela abonle ne wɔ senle mɔɔ ɛnnu ɛlɛ la anu.”

Edwɛkpa ne kɛmɔ Mateyu hɛlɛle la 5:22

Mame, mese: Awie biala mɔɔ kɛva ɔ diema anwo ɛya la bɛkɛbua ye ewule fɔlɛ. Mɔɔ kɛyɛ ɔ diema aholoba la bɛ nee ye kɛhɔ nyianu sua nu mgbanyima ayia ne anyunlu; na mɔɔ kɛze ɔ diema kɛ, ‘Ɛle koasea!’ la, ɛva ɔ nwo ɛdo ɛbolɔ senle nu.

Edwɛkpa ne kɛmɔ Maake hɛlɛle la 9:44

Ɛkɛ ne azonlɛ ɛnwu ɛlɛ, yɛɛ ye ndeanlɛ senle ne ɛnnu ɛlɛ.]

Edwɛkpa ne kɛmɔ Luku hɛlɛle la 14:13

Na saa ɛto ɛkponle a, fɛlɛvɛlɛ ehyianvolɛma, abuburama, bɛdabɛ mɔɔ bɛ sa anzɛɛ bɛ gyakɛ le azinli, yɛɛ anyenzinliravolɛma,

Edwɛkpa ne kɛmɔ Luku hɛlɛle la 14:21

“Sonvolɛ ne ziale hɔbɔle ɔ menle ne amaneɛ. Awuke menle ne vale ɛya kpole na ɔzele ye sonvolɛ ne kɛ, ‘Maa ɔyɛ ndɛ, kɔ sua ye azo kpalɛ ne mɔ azo nee awɔdenle ne mɔ anu kɔsesa ehyianvolɛma, abuburama, anyenzinliravolɛma, yɛɛ bɛdabɛ mɔɔ bɛ sa nee bɛ gyakɛ le azinli la ɛ nee bɛ ɛrɛla.’

Edwɛkpa ne kɛmɔ Luku hɛlɛle la 3:17

Ɔlɛ ye akegyebɛ ɔ sa nu, ɔbava yeahegye ye ma. Ɔbazoa kpalɛ ne yeahɔgua ye bonwolo ne azo, na yeayela abonle ne wɔ senle ne mɔɔ ɛnnu ɛlɛ la anu.”

Wulo 8:13

Ɔluakɛ saa bɛtɛnla bɛmaa bɛ sonlabaka ne a, bɛbawu; na saa bɛtɛnla bɛmaa Sunsum ne a, bɛbahu nyɛleɛ ɛtane ne mɔɔ wɔ bɛ nu la, na bɛanyia ngoane.

1 Kɔl 9:27

Mebɔ mɔdenle mesɔ me nwo na megyinla me ti koonwu medie abotokuma kpalɛ, amaa mame mɔɔ mebɔ edwɛkɛ ne nolo la meandɔ sinli wɔ sɔnea ne anu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:24

Bɛmɛ mɔɔ bɛle Kelaese Gyisɛse ɛdeɛ la, ɛbɔ bɛ su dɛba ne nee bɛ nwonane ne atiakunluwɔzo mgbane mgbane ne mɔ amuala meanubaka nu.

Kɔlɔ 3:5

Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:12

Zɔhane ɛlolɛ ne kilehile yɛ kɛ yɛvuandi ɛbɛla mgbane mgbane nee ewiade atiakunluwɔzo ne mɔ yɛgua, na yɛyɛ yɛ nye gyɛlɛmgbɛɛnye, yɛnlea boɛ na yɛbɔ Nyamenlezulolɛ ɛbɛla fɔɔnwo ne wɔ ewiade ye anu,

Kɛlata mɔɔ bɛhɛlɛle bɛhɔmanle Hibuluma la 12:1

Zɔhane ati, kɛmɔ yɛlɛ dasevolɛma pemgbenleamgbe ɛhye mɔ mɔɔ ɛbɔ yɛ nwo mgbɔlɔka ɛyia la, bɛmaa yɛye debie biala mɔɔ si yɛ aze, nee ɛtane mɔɔ ɛgya yɛ la ali, na yɛmia yɛ nwo kpalɛ yɛnlea ɛnriandilɛ ne mɔɔ gyi yɛ nyunlu la.

1 Pit 2:1

Zɔhane ati, bɛhwe bɛ nwo bɛvi ɛtane muala anwo; bɛmmabɔ adalɛ, bɛmmayɛ ngunzi, bɛmmatwe nungule, bɛmmayɛ aholoba.