Edwɛkpa ne kɛmɔ Maake hɛlɛle la 9:31 - BAEBOLO ANZƐƐ BULUKU NWUANZANWUANZA

³¹ ɔboalekɛ ɛnee ɔlɛkilehile ye ɛdoavolɛma ne kɛ, “Bɛbaye Medame Sonla Ra bɛawula menli sa nu bɛamaa bɛahu me, na ye kenle nsa ne anzi mebadwazo meara ngoane nu.”

Edwɛkpa ne kɛmɔ Maake hɛlɛle la 9:31 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 16:21

Ɔvi mekɛ ne anu Gyisɛse bɔle ɔ bo kɛ ɔka ye wienyi yeahile ye ɛdoavolɛma ne kɛ, “Ɔwɔ kɛ mekɔ Gyɛlusalɛm mekɔnwu amaneɛ dɔɔnwo wɔ mgbanyima ne, sɛlɛvolɛ mgbanyinli ne, yɛɛ mɛla kilehilevolɛma ne mɔ asa anu. Bɛbahu me, na ye kenle nsa ne azo Nyamenle badwazo me ara ngoane nu bieko.”

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Edwɛkpa ne kɛmɔ Mateyu hɛlɛle la 26:2

“Kɛmɔ bɛdabɛ bɛze la, yeha kenle nwiɔ ɛnee Akpabɛnwo Ɛvoyia ne ɛdwu zo, na bɛbaye medame Sonla Ra bɛamaa bɛabɔ me meanubaka nu.”

Edwɛkpa ne kɛmɔ Mateyu hɛlɛle la 27:63

na bɛzele ye kɛ, “Yɛmenle, yɛkakye kɛ mekɛ mɔɔ adalɛ ne de aze la, ɔhanle kɛ, ‘Ye kenle nsa ne azo bɛbadwazo me bɛara ngoane nu.’

Edwɛkpa ne kɛmɔ Maake hɛlɛle la 10:34

Menli ɛhye mɔ noko bagolo me nwo, atoto me nwo nyɛlɛ, abila me mbaka na bɛahu me. Na ye kenle nsa ne anzi, mebadwazo meara ngoane nu.”

Edwɛkpa ne kɛmɔ Maake hɛlɛle la 8:31

Akee Gyisɛse bɔle ɔ bo kɛ ɔkilehile ye ɛdoavolɛma ne kɛ, “Ɔwɔ kɛ Medame Sonla Ra, menwu amaneɛ somaa na mgbanyima ne nee sɛlɛvolɛ mgbanyinli nee mɛla kilehilevolɛma ne mɔ kpo me. Bɛbahu me na kenle nsa ne anzi mebadwazo meara ngoane nu bieko.”

Edwɛkpa ne kɛmɔ Maake hɛlɛle la 9:12

Ɔbuale bɛ kɛ, “Ɔwɔ kɛ amgba Yilaegya dumua ba batoto ninyɛne muala boɛ. Na duzu ati a Nyamenle Edwɛkɛ ne ka kɛ Sonla Ra ne banwu amaneɛ somaa, na menli akpo ye ɛ?

Edwɛkpa ne kɛmɔ Luku hɛlɛle la 24:26

Asoo bɛnnwu ye kɛ ɔwɔ kɛ Mɛzaya ne nwu amaneɛ ɛhye mɔ amuala na yeahɔ ye anyunlunyia ne anu?”

Edwɛkpa ne kɛmɔ Luku hɛlɛle la 9:44

“Bɛmaa ɛhye ɛhɔ bɛ nzo nu! Bɛbaye medame Sonla Ra bɛawula menli sa nu.”

Dw 10:18

Awie ɛngola ɛnye me ngoane. Medame me ngome a mekola megyakyi nu a. Melɛ adenle mekola mefa memaa, yɛɛ melɛ adenle mefa me debie bieko. Mɔɔ Egya ɛhyehyɛ ɛmaa me kɛ ɔwɔ kɛ meyɛ la ɛne.”

Dw 2:19

Gyisɛse buale kɛ, “Bɛbubu Ɛzonlenlɛ Sua ɛhye bɛgua na mebava kenle nsa meazi ye bieko.”

Dw 3:14

Kɛmɔ Mosisi manle kɔbele ɛwɔlɛ ne zo wɔ baka zo wɔ ɛsɛlɛ ne anu la, zɔhane ala yɛɛ bɛbamaa Sonla Ra ne zo a,

2 Tem 2:12

Saa yɛgyinla kpundii a, yɛ nee ye bali belemgbunli. Saa yɛkpo ye a, ɔdaye ɔkɛkpo yɛ.