Edwɛkpa ne kɛmɔ Maake hɛlɛle la 9:3 - BAEBOLO ANZƐƐ BULUKU NWUANZANWUANZA

³ na ye tɛladeɛ ne ɛyɛ nwohyee mɔɔ awie biala mɔɔ wɔ aleɛabo la ɛnrɛhola ɛnrɛkpo ɛnrɛmaa ɔnrɛyɛ zɔhane a.

Edwɛkpa ne kɛmɔ Maake hɛlɛle la 9:3 ပူးပေါင်းရင်းမြစ်များ

Edwɛndolɛ Buluku ne 51:7

Fa nyinlanyinla nua me, na me nwo kɛde; bia me, na menwɔyɛ nwohyee menwɔdɛla ezukɔtweaba.

Edwɛndolɛ Buluku ne 68:14

Tumivolɛ ne bɔle arelemgbunli ne mɔ asande la, ezukɔtweaba dɔle Zalemɔn Boka.

Ayezaya Buluku ne 1:18

Ɛdɛnkɛma se, “Bɛrɛla bɛmaa yɛbɔ yɛ avinli, bɛ ɛtane ne mɔ ɛla zo kɛ ɛbenle bɔbɔ ɛdeɛ, noko bɛbayɛ fufule kɛ ezukɔtweaba. Bɛ ɛtane ne mɔ ɛbolo kɛ ebo bɔbɔ ɛdeɛ, noko bɛbayɛ nwohyee kɛ boane enrinli.

Daneɛle Buluku ne 7:9

“Meneanle la, menwunle kɛ bɛva arelemgbunli mbia bɛraziezie ɛkɛ. Sonla ne mɔɔ ɔvi tete ɛnee ɔwɔ ɛkɛ ne la radɛnlanle aze. Ye tɛladeɛ ne le nwohyee kɛ ezukɔtweaba, yɛɛ ɔ ti enrinli le kɛ boane enrinli. Ye ebia ne le kɛ senle mɔɔ ɛlɛsɔ gbolamgbolam la, yɛɛ ebia ne agyakɛ ehwili ne mɔ le senle.

Edwɛkpa ne kɛmɔ Mateyu hɛlɛle la 28:3

Ye ɛralɛ ne yɛle kɛ ɛsɛnlɛmanye mɔɔ ɛkpakye la, na ye tɛladeɛ ne dale nwohyee kɛ ezukɔtweaba.

Edwɛkpa ne kɛmɔ Maake hɛlɛle la 9:4

Ɛdoavolɛma nsa ne nwunle Mosisi nee Yilaegya kɛ bɛ nee Gyisɛse ɛlɛtendɛ.

Edwɛkpa ne kɛmɔ Luku hɛlɛle la 9:29

Mɔɔ ɔwɔ zo ɔlɛsɛlɛ la, ɔ nyunlu hakyile, na ye tɛladeɛ ne mɔɔ ɔwula la yɛle fufule nwohyee mɔɔ wowɔ ɛnyelɛ zo a.

Ɛzoanvolɛma Gyima ne 10:30

Kɔnileɛse zele ye kɛ, “Ɛnɛ le kenle nna, kɛyɛ bekezɛ ala, ɛnee melɛyɛ ewiazo dɔne nsa nzɛlɛlɛ wɔ me sua ye anu, na nrenya bie mɔɔ wula tɛladeɛ fufule la ragyinlanle me nyunlu ɛkɛ

Yekile 19:18

Bɛrɛla bɛrali arelemgbunli nwonane, safohyenlema, nee ɛlɔnema nwonane, mgbɔnwɔ nane nee menli mɔɔ dede zo la nwonane, menli ngakyile kɔsɔɔti, ahanra nee alehelɛ, mgbole nee ngyikyi muala nwonane!”

Yekile 7:14

Membuale ye kɛ, “Yɛmenle, ɛdawɔ yɛɛ ɛze a.” Na ɔzele me kɛ, “Menli ɛhye mɔ a le bɛdabɛ mɔɔ bɛho bɛdɔ zolɛ wɔ amaneɛnwunlɛ kpole ne anu la. Bɛkpole bɛ adɛladeɛ ne mɔ nwohyee wɔ Boaneralɛ ne mogya ne anu.

Yekile 7:9

Ɛhye anzi memanle me nye zo, na menwunle menli pemgbenleamgbe bie mɔɔ awie ɛngola bɛ tia la! Bɛvi mbusua, maanle, aneɛ nee menli ngakyile kɔsɔɔti anu. Bɛgyigyi belemgbunli ebia kpole ne nee Boaneralɛ ne anyunlu ɛkɛ ne, bɛwula adɛladeɛ fufule na bɛdedɛ mrɛlakɛ bɛ sa nu.