Edwɛkpa ne kɛmɔ Maake hɛlɛle la 9:27 - BAEBOLO ANZƐƐ BULUKU NWUANZANWUANZA

²⁷ Na Gyisɛse zɔle ɔ sa manle ye zo na ɔdwazole ɔgyinlanle.

Edwɛkpa ne kɛmɔ Maake hɛlɛle la 9:27 ပူးပေါင်းရင်းမြစ်များ

Ayezaya Buluku ne 41:13

Ɔluakɛ medame, Ɛdɛnkɛma bɛ Nyamenle, melɛ bɛ sa fema ne anu. Medame yɛɛ melɛka meahile bɛ a: Bɛmmasulo na mebaboa bɛ.”

Edwɛkpa ne kɛmɔ Mateyu hɛlɛle la 9:25

Mɔɔ bɛyele menli ne mɔ bɛvindele la, Gyisɛse wolole sua ne anu na ɔzɔle bɛlɛra ne asa, na bɛlɛra ne dwazole.

Edwɛkpa ne kɛmɔ Maake hɛlɛle la 1:31

na ɔhɔle ɔ nwo ɛkɛ. Ɔzɔle raalɛ ne asa ɔboale ye ɔmanle ɔkpogyale ɔ nwo zo ɔdɛnlanle aze. Na ɛkɛ ne ala ye ɛyɛlɛyɛlɛ ne dule, na ɔdwazole ɔkpondɛle debie ɔmanle bɛ.

Edwɛkpa ne kɛmɔ Maake hɛlɛle la 1:41

Gyisɛse nwunle ye anwunvɔne na ɔvale ɔ sa ɔhanle ye ɔzele kɛ, “Mekulo, ɛ nwo ɛza!”

Edwɛkpa ne kɛmɔ Maake hɛlɛle la 5:41

Ɔzɔle kakula raalɛ ne asa na ɔzele ye kɛ, “Talita, Kumi!” Ɔ bo a le “Kakula raalɛ, mese, dwazo!”

Edwɛkpa ne kɛmɔ Maake hɛlɛle la 8:23

Gyisɛse zɔle nrenya ne asa na ɔvale ye ɔhɔle namule ne kandiba. Ɔseanle nyɛlɛ ɔguale ɔ sa nu na ɔvale ɔhanle nrenya ne anye, ɔvale ɔ sa ɔguale ɔ nwo zo na akee ɔbizale ye kɛ, “Ɛnwu debie ɔ?”

Edwɛkpa ne kɛmɔ Maake hɛlɛle la 9:26

Na sunsum ɛtane ne deɛdeanle nuhua maanle kakula ne dɔle mgbutike bieko, na ɔvi ɔ nwo ɔdule. Kakula ne yɛle kɛ sonla mɔɔ ɛwu la, na awie biala hanle kɛ, “Yewu!”

Edwɛkpa ne kɛmɔ Maake hɛlɛle la 9:28

Gyisɛse hɔle sua nu la ye ɛdoavolɛma ne bizale ye kɛ, “Duzu ati a yɛangola sunsum ɛtane ne tu ɛ?”

Ɛzoanvolɛma Gyima ne 23:19

Na sogyama kpanyinli ne zɔle kpavolɛ ne asa, ɔvale ye ɔhɔle ahane, na ɔbizale ye kɛ, “Duzu edwɛkɛ a ɛ nee ye rale a?”

Ɛzoanvolɛma Gyima ne 3:7

Ɔzɔle ɔ sa fema ne ɔdwazole ye, na ɛkɛ ne ala ɔ gyakɛ nee ye adwongu ne mɔ anu mianle,

Ɛzoanvolɛma Gyima ne 9:41

Pita zɔle ye manle ɔdwazole ɔgyinlanle. Akee ɔvɛlɛle diedima ne nee ahunlanvolɛ mraalɛ ne mɔ na ɔvale ye ɔmanle bɛ.