Edwɛkpa ne kɛmɔ Maake hɛlɛle la 9:25 - BAEBOLO ANZƐƐ BULUKU NWUANZANWUANZA

²⁵ Gyisɛse nwunle kɛ menli dɔɔnwo ɛlɛba arahyele bɛ nwo zo la, ɔdeanle sunsum ɛtane ne nu na ɔzele ye kɛ, “Sunsum mumule, ɛvi kakula nrenya ye anwo tu, mmabawolo ye bieko!”

Edwɛkpa ne kɛmɔ Maake hɛlɛle la 9:25 ပူးပေါင်းရင်းမြစ်များ

Zɛkalaya Buluku ne 3:2

Na Ɛdɛnkɛma soanvolɛ ne zele Seetan kɛ, “O Seetan! Ɛdɛnkɛma ɛdua wɔ kakɛ! Ɛdɛnkɛma mɔɔ ɛnlea nu ɛye Gyɛlusalɛm ɛyɛ ye ɛdeɛ la ɛdua wɔ kakɛ! Asoo tɛ ɛyɛzinli a wɔdu wɔvi senle nu la?”

Edwɛkpa ne kɛmɔ Mateyu hɛlɛle la 12:22

Menli bie vale nrenya bie mɔɔ sunsum ɛtane wɔ ɔ nwo na eza ɔle anyenzinliravolɛ nee mumule la rɛlɛle Gyisɛse. Gyisɛse yɛle ye ayile na nrenya ne dendɛle na ɔnwunle debie.

Edwɛkpa ne kɛmɔ Mateyu hɛlɛle la 17:18

Gyisɛse deanle sunsum ɛtane ne mɔɔ wɔ kakula ne anwo la nu, na ɔvi ɔ nwo ɔdule, na kakula ne dele kpɔkɛ ɛkɛ ne ala.

Edwɛkpa ne kɛmɔ Maake hɛlɛle la 9:15

Menli ne mɔ nwunle Gyisɛse la ɔzinle bɛ nwo na bɛnriandile bɛhɔzomanle ye bie.

Edwɛkpa ne kɛmɔ Maake hɛlɛle la 9:24

Na ndɛndɛ ne ala kakula ne ɔ ze hanle kɛ, “Melɛ diedi, na ɔle ekyi. Boa me maa me diedi ɛnyi.”

Edwɛkpa ne kɛmɔ Maake hɛlɛle la 9:26

Na sunsum ɛtane ne deɛdeanle nuhua maanle kakula ne dɔle mgbutike bieko, na ɔvi ɔ nwo ɔdule. Kakula ne yɛle kɛ sonla mɔɔ ɛwu la, na awie biala hanle kɛ, “Yewu!”

Edwɛkpa ne kɛmɔ Luku hɛlɛle la 11:14

Mekɛ ne anu ɛnee Gyisɛse ɛlɛtu sunsum ɛtane bie mɔɔ le mumule la avi nrenya bie anwo. Ɔdule sunsum ɛtane ne la nrenya ne bɔle ɔ bo kɛ ɔtendɛ, na ɛhye zinle menli ɛwolaa ne anwo kpole,

Edwɛkpa ne kɛmɔ Luku hɛlɛle la 4:35

Gyisɛse deanle sunsum ɛtane ne nu zele kɛ, “Yɛ koonwu na ɛvi ɔ nwo tu!” Sunsum ɛtane ne manle nrenya ne pɛle finle menli ne anyunlu ɛkɛ na ɔvile ɔ nwo ɔdule, noko nrenya ne anwo ambu ɛbonle.

Edwɛkpa ne kɛmɔ Luku hɛlɛle la 4:41

Sunsum ɛtane ne mɔ noko vi menli dɔɔnwo anwo nriandile, na bɛdeɛdeanle nu kɛ, “Wɔmɔ a ɛle Nyamenle Ara ne a!” Gyisɛse duale sunsum ɛtane ne mɔ, yeamaa bɛandendɛ bieko, ɔluakɛ bɛze kɛ yemɔ a ɔle Mɛzaya ne a.

Edwɛkpa ne kɛmɔ Luku hɛlɛle la 8:29

Ɔhanle ɛhye, ɔluakɛ ɛnee Gyisɛse ɛze sunsum ɛtane ne kɛ ɔvi ɔ nwo ɔdu. Mekɛ dɔɔnwo sunsum ɛtane zɛhae ɛvo nrenya ne ɛmaa bɛhye ye bɛdo sua nu, bɛgua ɔ sa nee ɔ gyakɛ nwɔnzɔnwɔnzɔ, noko sunsum ɛtane ne ɛmaa yebubu nwɔnzɔnwɔnzɔ ne na yeva ye yedɔ ɛbɔ nu wɔ fienemgbole ne anu.

Edwɛkpa ne kɛmɔ Luku hɛlɛle la 9:42

Mɔɔ kakula ne ɛlɛba la, sunsum ɛtane ne manle ɔpɛle ɔfinle na ye mgbutike ne rale. Gyisɛse deanle sunsum ɛtane ne nu, ɔdule ye, ɔyɛle kakula ne ayile, na ɔvale ye ɔmanle ɔ ze.

Ɛzoanvolɛma Gyima ne 16:18

Ɔyɛle ɛhye alehyenlɛ dɔɔnwo ɔmanle akee ɔyɛle Pɔɔlo abodelɛ, na ɔhakyile ɔ nye ɔzele sunsum ɛtane ne mɔɔ wɔ bɛlɛra ne anwo la kɛ, “Ɔlua Gyisɛse Kelaese duma nu, mese wɔ kɛ, ɛvi ɔ nwo tu!” Na sunsum ɛtane ne vi bɛlɛra ne anwo dule ɛkɛ ne ala.

Dwuudu Kɛlata ne 1:9

Nyamenle soanvolɛ kpanyinli Maekeɛle bɔbɔ anyɛ ɛhye. Mekɛ mɔɔ kpolera dɔle ye nee Abɔnsam avinli wɔ Mosisi funli nwo la, Maekeɛle anga ɛtane angile Abɔnsam. Mɔɔ ɔzele ye la a le kɛ, “Awulae badua wɔ kakɛ.”