Edwɛkpa ne kɛmɔ Maake hɛlɛle la 9:18 - BAEBOLO ANZƐƐ BULUKU NWUANZANWUANZA

¹⁸ Kenle biala mɔɔ sunsum ɛtane ne kɛdwu aze la, ɔmaa kakula ne pɛ fi, ɔ nloa wu awubue, ɔtwi ɔ gye na ɔsa ketee. Menzele wɔ ɛdoavolɛma ne mɔ kɛ bɛdu sunsum ɛtane ne wɔ ɔ nwo, na bɛangola.”

Edwɛkpa ne kɛmɔ Maake hɛlɛle la 9:18 ပူးပေါင်းရင်းမြစ်များ

Dwobu Buluku ne 16:9

“Yehyi me, yeva ɛya yetete me nu; yenrese ɔ gye yehile me; me kpɔvolɛ koloholo ɔ nye kile me.

Edwɛndolɛ Buluku ne 112:10

Amumuyɛnli nwu ye na ɔfa ɛya; ɔdedɛ ɔ nwo bonrane nu na ɔminliminli, amumuyɛnli adwenle yɛ mgbane.

Edwɛkpa ne kɛmɔ Mateyu hɛlɛle la 15:22

Raalɛ bie mɔɔ boka maanyɛlɛ fane ne mɔɔ bɛfɛlɛ ye Keena la anwo, na ɔvi maanzinli ne anu la rale Gyisɛse anwo ɛkɛ rahanle hilele ye kɛ, “Yɛmenle, Devidi ara! Nwu me anwunvɔne! Sunsum ɛtane bie ɛlɛgyegye me ra raalɛ, na kɛkala ɔyɛ se kpalɛ kpalɛ.”

Edwɛkpa ne kɛmɔ Mateyu hɛlɛle la 17:16

Menvale ye membɛlɛle wɔ ɛdoavolɛma ye, na bɛangola ye ayile yɛ.”

Edwɛkpa ne kɛmɔ Mateyu hɛlɛle la 8:12

Na bɛbavuandi bɛdabɛ mɔɔ bɛfɛlɛ bɛ nwo kɛ bɛle Anwuma Belemgbunlililɛ ne anwo nlɔnra la bɛagua awozinli ne anu; na ɛkɛ ne, bɛbazu bɛadedɛ bɛ nwo bonrane nu.”

Edwɛkpa ne kɛmɔ Maake hɛlɛle la 11:23

Bɛhakye ɛhye: saa bɛdie Nyamenle bɛdi, na bɛanzu kpolera wɔ bɛ ahonle nu, na bɛdie bɛdi bɔkɔɔ kɛ mɔɔ bɛkɛha la kɛyɛ ɛkɛ a, bɛbahola bɛaze boka ɛhye kɛ, ‘Tudu kɔdɔ nyevile nu,’ na ɔkɛyɛ zɔhane.

Edwɛkpa ne kɛmɔ Maake hɛlɛle la 9:17

Nrenya ko mɔɔ wɔ menli ne anu la zele kɛ, “Kilehilevolɛ, menvale me ra nrenya membale, ɔluakɛ sunsum ɛtane mɔɔ ɔmmaa ɔngola tendɛ la wɔ ɔ nwo.

Edwɛkpa ne kɛmɔ Maake hɛlɛle la 9:19

Gyisɛse zele bɛ kɛ, “Bɛmɛ mɔɔ bɛnlɛ diedi a! Me nee bɛ ɛdɛnla ɔhɔkpula kenlenzu? Menyia bɛ nwo abotane ɔhɔkpula kenlenzu? Bɛva kakula ne bɛrɛlɛ me!”

Edwɛkpa ne kɛmɔ Maake hɛlɛle la 9:20

Na bɛvale ye bɛrale. Sunsum ɛtane ne nwunle Gyisɛse ala la yɛɛ ɔmanle kakula ne dɔle mgbutike a. Ɔhundohundole ɔ nwo aze na ɔ nloa wule awubue.

Edwɛkpa ne kɛmɔ Maake hɛlɛle la 9:26

Na sunsum ɛtane ne deɛdeanle nuhua maanle kakula ne dɔle mgbutike bieko, na ɔvi ɔ nwo ɔdule. Kakula ne yɛle kɛ sonla mɔɔ ɛwu la, na awie biala hanle kɛ, “Yewu!”

Ɛzoanvolɛma Gyima ne 7:54

Mekɛ mɔɔ ayiama ne ɛlɛtie Sitivin la ɛnee ɛya ɛwie bɛ wolowolo na bɛ nwo ndinli ɛlɛtwehwe bɛ kikilikikili zɛhae.

Dwuudu Kɛlata ne 1:13

Bɛle kɛ nyevile mɔɔ ɛzɛkye la azɛlɛkye, bɛ awubue da bɛ anyiemgba nyɛleɛ ne mɔ ali. Bɛle kɛ nwɔlɔra mɔɔ nwɔnla la. Nyamenle ɛva awozinli kabikabi ne mɔɔ ɛnde ɛlɛ la ɛzie ɛkɛ ɛmaa bɛ.