Edwɛkpa ne kɛmɔ Maake hɛlɛle la 8:38 - BAEBOLO ANZƐƐ BULUKU NWUANZANWUANZA

³⁸ Yemɔti saa awie annea boɛ na ɔmaa me nwo nee me ngilehilelɛ ne yɛ ye nyiane wɔ ɛtane nee amumuyɛ mekɛ ye anu a, ɛnee noko ahenle ɛnwu ye kɛ, ɔdaye noko ɔ nwo bayɛ Medame Sonla Ra nyiane wɔ mekɛ mɔɔ me nee me anwuma soanvolɛma nwuanzanwuanza ne yɛkɛra Egya anyunlunyia ne anu la.”

Edwɛkpa ne kɛmɔ Maake hɛlɛle la 8:38 ပူးပေါင်းရင်းမြစ်များ

Daneɛle Buluku ne 7:10

Senle mɔɔ se kɛ azule la vi ebia ne anu finde. Menli apenle apenle zonlenle ye, yɛɛ menli apenle bulu mɔnwo apenle bulu gyigyi ɔ nyunlu ɛkɛ. Akee bɛdɛnlanle aze kɛ bɛdi edwɛkɛ na bɛbukebukele mbuluku ne mɔ anu.

Daneɛle Buluku ne 7:13

“Wɔ nɔe ne ɛnyelɛzodeɛnwunlɛ ne anu, menwunle debie bie mɔɔ zɔho sonla ra la kɛ ɔlua amungu nu ɔlɛba, na ɔrale Tetenli ne anyunlu na bɛvale ye bɛhilele ye.

Zɛkalaya Buluku ne 14:5

Bɛbanriandi bɛahɔ me awoka ne mɔ bɔnza ne anu, ɔluakɛ bɔnza ne anu badɛlɛ toonwo adwu Ezɛle. Bɛbanriandi, kɛmɔ bɛ nlenya mɔ nriandile azɛlɛkpusulɛ mekɛ ne anu wɔ Dwuda Belemgbunli Ɛzaya mekɛ zo la. Akee Ɛdɛnkɛma bɛ Nyamenle ne bara, na ɔ nee Nyamenle menli ne mɔ amuala ara.

Edwɛkpa ne kɛmɔ Mateyu hɛlɛle la 12:39

Gyisɛse buale bɛ kɛ, “Adwuleso amra ye le munzule menli, bɛnze Nyamenle! Bɛbiza bɛanlea nwanwane sɛkɛlɛneɛ? Bɛnrɛnwu bie, kyesɛ Nyamenle kpɔmanvolɛ Dwona ɛdeɛ ne ala.

Edwɛkpa ne kɛmɔ Mateyu hɛlɛle la 13:41

Sonla Ra ne bamaa ye soanvolɛma araboɔboa bɛdabɛ mɔɔ bɛtwehwe menli bɛkɔ ɛtane nu nee bɛdabɛ mɔɔ bɛyɛ amumuyɛ la kɔsɔɔti anloa,

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 16:28

Bɛhakye ɛhye, menli bie gyigyi bɛ avinli ɛke mɔɔ bɛnrɛwu na bɛanwu Sonla Ra ne kɛ yera kɛ Belemgbunli la.”

Edwɛkpa ne kɛmɔ Mateyu hɛlɛle la 16:4

Adwuleso amra munzule mɔɔ ɛnze Nyamenle a! Bɛbiza me bɛanlea nwanwane sɛkɛlɛneɛ? Bɛnrɛnwu bie! Mɔɔ bɛkɛnwu ye la ala a le Dwona ɛdeɛ ne.” Na Gyisɛse vile bɛ nwo ɛkɛ ne hɔle.

Edwɛkpa ne kɛmɔ Mateyu hɛlɛle la 24:30

Na akee medame Sonla Ra, me nwo sɛkɛlɛneɛ bavinde anwomanyunlu; menli muala mɔɔ wɔ aleɛabo la bali nyane wɔ mekɛ mɔɔ bɛkɛnwu medame Sonla Ra kɛ melua amungu nu na melɛ tumi nee anyunlunyia kpole melɛba la.

Edwɛkpa ne kɛmɔ Mateyu hɛlɛle la 25:31

“Mekɛ mɔɔ medame Sonla Ra, menwɔra kɛ Belemgbunli, mɔɔ ɛnee me soanvolɛma ne amuala wɔ me nwo ɛkɛ ne la, mebadɛnla me anyunlunyia belemgbunli ebia ne anu,

Edwɛkpa ne kɛmɔ Mateyu hɛlɛle la 26:64

Gyisɛse buale kɛ, “Yemɔ ala a wɔha la. Na meka meahile bɛ muala kɛ, ɔvi mekɛ ɛhye mɔɔ kɔ la bɛbanwu medame Sonla Ra, kɛ mede Tumivolɛ Nyamenle ne asa fema zo, na melua amungu nu melɛba bieko.”

Edwɛkpa ne kɛmɔ Mateyu hɛlɛle la 8:20

Gyisɛse zele ye kɛ, “Ɛzonlɛ lɛ bɛ mbɔne, yɛɛ nloma lɛ bɛ sane, na mame, Sonla Ra, menlɛ ɛleka mɔɔ meto me ti a.”

Edwɛkpa ne kɛmɔ Maake hɛlɛle la 13:26

Akee bɛbanwu medame Sonla Ra kɛ melua amungu nu melɛba wɔ tumi bedevinli nee anyunlunyia nu.

Edwɛkpa ne kɛmɔ Maake hɛlɛle la 14:62

Gyisɛse buale ye kɛ, “Medame ɛne! Akee bɛ muala bɛbanwu medame, Sonla Ra, kɛ mede Tumivolɛ Nyamenle ne asa fema zo na melua amungu ne mɔ anu melɛba!”

Edwɛkpa ne kɛmɔ Maake hɛlɛle la 8:37

Na duzu bɔbɔ yɛɛ sonla kɛhola kɛva kɛzenza ye ɛkɛla a? Bɛhakye kɛ bɛ nee amumuyɛma mɔɔ ɛnlie me ɛnli la a de a.

Edwɛkpa ne kɛmɔ Luku hɛlɛle la 19:26

Na ɔbuale bɛ kɛ, ‘Meka meahile bɛ: Mɔɔ lɛ bie la, bɛmaa ye bie dɔɔnwo bɛboka mɔɔ ɔlɛ la anwo; na mɔɔ ɛnlɛ bie la, ekyi ne bɔbɔ mɔɔ ɔlɛ la, bɛdie ye wɔ ɔ sa nu.

Edwɛkpa ne kɛmɔ Luku hɛlɛle la 9:26

Awie biala mɔɔ me nwo nee me ngilehilelɛ ne kɛyɛ ye nyiane wɔ ɛtane ewiade ye anu la, ɔdaye noko ɔ nwo bayɛ medame Sonla Ra nyiane wɔ mekɛ mɔɔ menwɔra anyunlunyia nee Selɛ ne nee Anwuma soanvolɛma nwuanzanwuanza ne anyunlunyia nu la.

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 1:51

Na ɔhanle ɔhilele bɛ muala kɛ, “Meka nɔhalɛ ne meahile bɛ: bɛbanwu kɛ anwuma ɛbuke na Sonla Ra ne ati, Nyamenle soanvolɛma ɛlɛfo dwu.”

Dw 12:34

Ɛlɔne ne bizale ye kɛ, “Yɛ mɛla ne ka kile yɛ kɛ Mɛzaya ne ɛnrɛwu ɛlɛ. Na duzu ati a ɛse ɔwɔ kɛ bɛmaa Sonla Ra ne zo a? Nwane a le Sonla Ra ɛhye?”

Dw 5:27

Eza yemaa Ralɛ ne tumi kɛ ɔbua ndɛne, ɔboalekɛ yemɔ a ɔle Sonla Ra ne a.

Ɛzoanvolɛma Gyima ne 10:22

Bɛbuale ye kɛ, “Safohyenle Kɔnileɛse a ɛzoa yɛ a. Ɔle sonlakpalɛ somaa, ɔsulo Nyamenle, yɛɛ Dwuuma amuala bu ye bie kpalɛ. Ɛkenle Nyamenle soanvolɛ bie zele ye kɛ ɔrava wɔ ɔhɔ ye sua nu, na ɔdie mɔɔ ɛlɛ ye ɛka wɔahile ye la.”

Ɛzoanvolɛma Gyima ne 5:41

Ɛzoanvolɛma ne vale fɛlɛkolilɛ vile ayia sua ne anu hɔle, kɛ bɛdabɛ bɔbɔ Nyamenle ɛbu bɛ bie, na ɔlua Gyisɛse duma ne ati bɛnwu amaneɛ a.

Wulo 1:16

Menze Edwɛkpa ne anwo nyiane. Ɔle Nyamenle tumi mɔɔ ɔfa ɔdie bɛdabɛ mɔɔ bɛdie bɛdi la amuala a, mɔɔ lumua la a le bɛdabɛ Dwuuma yɛɛ akee bɛdabɛ noko mɔɔ bɛnle Dwuuma la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:14

Na mame, ɔkɛbɔ me tɔ kɛ menwɔdu me nloa anu a kyesɛ debie ko anwo ala, yemɔ a le Awulae Kelaese Gyisɛse meanubaka ne. Ɔluakɛ ye meanubaka ne ati, ewiade le debie funli maa me, yɛɛ medame mumua ne mewu memaa ewiade.

Mɛla 33:2

Ɛdɛnkɛma vi Saenae Boka rale, ɔdudule yɛ nwo zo wɔ Yidɔm kɛ sɛnzɛne. Ɔdale ɔvi Pɛlan Boka ɔguale yɛ nwo zo, ɔ nee nwuanzanwuanzama apenle bulu a lua a, ɔlɛ senle hulenyihulenyi ɔ sa fema nu.

1 Tɛs 2:19

Na ɛnee yɛ anyelazo, yɛ anyelielɛ anzɛɛ abɔtile mɔɔ yɛfa yɛtu yɛ nloa anu wɔ mekɛ mɔɔ yɛ Awulae kɛra la a le boni? Tɛ yemɔ a le bɛdabɛ ɔ?

1 Tɛs 3:13

Zɛhae adenle zo yɛɛ ɔbamaa bɛ nwo ayɛ se, na bɛali munli, bɛ nwo ade wɔ yɛ Nyamenle Selɛ ne anyunlu, wɔ mekɛ mɔɔ yɛ Awulae Gyisɛse nee bɛdabɛ mɔɔ bɛle ye ɛdeɛ la kɛra la a. ɛra la a.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

2 Tem 1:16

Awulae ɛnwu Onɛsefɔlɛse awuke nu amra anwunvɔne, ɔboalekɛ ɔkyekyele me rɛle mekɛ dɔɔnwo ne ala. Yeanyɛ ye nyiane kɛ mela efiade a.

2 Tem 1:8

Mmamaa Awulae anwo daselɛlilɛ yɛ wɔ nyiane; yɛɛ mmamaa medame noko mɔɔ Kelaese ati mela efiade la me nwo yɛ wɔ nyiane. Ɛdawɔ dua anwosesebɛ ne mɔɔ Nyamenle ɛva ɛmaa wɔ la azo nwu Edwɛkpa ne anwo amaneɛ ne bie.

Kɛlata mɔɔ bɛhɛlɛle bɛhɔmanle Hibuluma la 11:16

Ɛleka mɔɔ ɛnee bɛ nwo ɛlɛdɔ ye la a le anwuma maanle kpalɛ ne. Yemɔti noko yeanyɛ Nyamenle nyiane kɛ bɛkɛvɛlɛ ye bɛ Nyamenle, ɔboalekɛ yekyekye suakpole yezie ɛkɛ ne yemaa bɛ.

Kɛlata mɔɔ bɛhɛlɛle bɛhɔmanle Hibuluma la 11:26

Ɔdwenlenle nwo kɛ saa sonla doa Kelaese ne abo zo na ɔnwu amaneɛ a, ɔle kpalɛ ɔtɛla kɛ ɔkɛnyia Yigyibiti anwonyia kɔsɔɔti a, ɔluakɛ ɛnee ɔ nye la ahyɛlɛdeɛ mɔɔ kenle bie Nyamenle bava amaa ye la azo.

Kɛlata mɔɔ bɛhɛlɛle bɛhɔmanle Hibuluma la 13:13

Zɔhane ati, bɛmaa yɛvinde yɛdoa ye wɔ kandiba lɔ, na ye nyiane ne ɛha yɛ muala.

Gyemise Kɛlata ne 4:4

Boniayɛma! Bɛnze kɛ saa bɛ nee ewiade tila agɔnwolɛ a ɛnee bɛyɛ Nyamenle agbɔvolɛ ɔ? Sonla mɔɔ fa ewiade ye agɔnwolɛ la kile kɛ ɔle Nyamenle kpɔvolɛ.

1 Dw 2:23

Awie biala mɔɔ ɛnlie Ralɛ ne ɛndo nu la ɛnlie Selɛ ne ɛndo nu, na awie biala mɔɔ die Ralɛ ne to nu la, ɛlie Selɛ ne noko ɛdo nu.

1 Dw 2:28

Akee me mra ngakula, bɛ nee Kelaese ɛyɛ ko ɛdɛnla, amaa saa Kenle ne dwu na ɔye ɔ nyunlu a yɛazi pi na yɛanva nyiane yɛangɔnwenwe ɛleka bie.

Yekile 14:10

kɛnwu kɛ Nyamenle ɛya ne mɔɔ gyi ye ɛya dwora ne anu la ɛzulolɛ si de la. Bɛdabɛ mɔɔ bɛyɛ zɔhane deɛ ne la, bɛbahile bɛ nyane wɔ senle nee sɔlefa nu wɔ soanvolɛma nwuanzanwuanza nee Boaneralɛ ne anyunlu.