Edwɛkpa ne kɛmɔ Maake hɛlɛle la 8:34 - BAEBOLO ANZƐƐ BULUKU NWUANZANWUANZA

³⁴ Akee Gyisɛse vɛlɛle menli dɔɔnwo ne nee ye ɛdoavolɛma ne wɔ ɔ nwo ɛkɛ ne na ɔzele bɛ kɛ, “Saa awie biala kpondɛ kɛ ɔ nee me dua a, ɛnee ɔkpo ɔ nwo na ɔva ye amaneɛnwunlɛ meanubaka ne ɔdo ɔ kɔme zo na ɔdoa me.

Edwɛkpa ne kɛmɔ Maake hɛlɛle la 8:34 ပူးပေါင်းရင်းမြစ်များ

1 Arl 14:8

Menliele belemgbunlililɛ ne menvile Devidi abo zo amra asa anu menvale memanle wɔ. Na kɛkala, wɔanva me akɛlɛ Devidi agyakɛ. Devidi lile nɔhalɛ manle me, ɔlile me mɛla zo na ɔyɛle mɔɔ sɔ me nye la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:24

Na me sonvolɛ Kalɛbe ɛdeɛ asolo ye sunsum ne na yeli nɔhalɛ yemaa me la ati, mebava ye meahɔ azɛlɛ ne mɔɔ ɔdaye ɔhɔkpɔlale la azo, na ɔ bo zo amra badɛnla zolɛ kpɔkpɔ.

Edwɛkpa ne kɛmɔ Mateyu hɛlɛle la 10:38

Awie biala mɔɔ anva ye meanubaka ne ando ɔ kɔme zo antietia me gyakɛ abo zo la ɛnfɛta kɛ ɔkɛyɛ me ɛdoavolɛ.

Edwɛkpa ne kɛmɔ Mateyu hɛlɛle la 16:24

Akee Gyisɛse zele ye ɛdoavolɛma ne kɛ, “Saa awie biala kpondɛ kɛ ɔ nee me dua a, ɛnee ɔkpo ɔ nwo, ɔva ye (amaneɛnwunlɛ) meanubaka ne ɔdo ɔ kɔme zo na ɔdoa me.

Edwɛkpa ne kɛmɔ Mateyu hɛlɛle la 27:32

Bɛzile nu mɔɔ bɛkɔ la, bɛ nee nrenya bie mɔɔ bɛfɛlɛ ye Saemɔn mɔɔ vi Saelini maanle nu la yiale, na bɛhyele ye mialera nu bɛmanle ɔzoale Gyisɛse meanubaka ne.

Edwɛkpa ne kɛmɔ Maake hɛlɛle la 10:21

Gyisɛse nleanle ye koonwu, ɔhulole ye na ɔzele ye kɛ, “Yeha wɔ debie ko. Kɔ na kɔdɔne ninyɛne mɔɔ ɛlɛ la amuala, na kyɛ ezukoa ne maa ehyianvolɛma na ɛkɛnyia anwonyia wɔ anwuma, na akee bɛla badoa me bo zo.”

Edwɛkpa ne kɛmɔ Maake hɛlɛle la 7:14

Gyisɛse akee vɛlɛle menli dɔɔnwo ne wɔ ɔ nwo ɛkɛ ne bieko na ɔzele bɛ kɛ, “Bɛ muala bɛdie mɔɔ meka la na bɛde ɔ bo kɛ,

Edwɛkpa ne kɛmɔ Luku hɛlɛle la 13:24

“Bɛbɔ mɔdenle bɛva anlenkɛ ekyi ne anu, ɔboalekɛ menli dɔɔnwo babɔ mɔdenle kɛ bɛfa nu, noko bɛnrɛhola.

Edwɛkpa ne kɛmɔ Luku hɛlɛle la 14:33

Na Gyisɛse dwulale ye edwɛkɛ ne kɛ, “Zɔhane ala yɛɛ saa bɛ nuhua ko biala angyakyi debie biala mɔɔ ɔlɛ la anzi ɛlilɛ a, ɔnrɛhola ɔnrɛyɛ me ɛdoavolɛ a.

Edwɛkpa ne kɛmɔ Luku hɛlɛle la 18:22

Gyisɛse dele ɛhye la, ɔzele ye kɛ, “Yeha wɔ debie ko. Tɔne debie biala mɔɔ ɛlɛ la amuala na kyɛ ezukoa ne maa ehyianvolɛma, na ɛkɛnyia anwonyia wɔ Nyamenle anwo lɔ, na akee bɛla badoa me bo zo.”

Edwɛkpa ne kɛmɔ Luku hɛlɛle la 20:45

Gyisɛse akee zele ye ɛdoavolɛma ne mɔ wɔ menli ne amuala anyunlu ɛkɛ ne kɛ,

Edwɛkpa ne kɛmɔ Luku hɛlɛle la 9:23

Na ɔhanle ɔhilele bɛ muala kɛ, “Saa awie kpondɛ kɛ ɔ nee me dua a, ɛnee ɔkpo ɔ nwo, ɔva ye (amaneɛnwunlɛ) meanubaka ne ɔdo ɔ kɔme zo kenle biala, na ɔdoa me.

Dw 10:27

Me mboane ne tie me ne; meze bɛ, yɛɛ bɛtoa me bo zo.

Dw 19:17

Bɛmanle ɔzoale ye meanubaka ne na ɔrale ɛleka bie mɔɔ bɛfɛlɛ ye wɔ Hibulu aneɛ nu “Gɔlogɔta” la. (Gɔlogɔta abo a le Etile Kanrɛlɛ Ɛleka)

Ɛzoanvolɛma Gyima ne 14:22

Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.

Wulo 6:6

Yɛze kɛ yɛ su dɛba ne bɛhunle ye bɛbokale Kelaese anwo wɔ meanubaka ne azo, amaa bɛazɛkye yɛ su ɛtane ne tumi ne na yɛanyɛ ɛtane ngɛkɛlɛ bieko.

Wulo 8:17

Na saa yɛle ɔ mra a, ɛnee yɛdi agya, yɛɛ ye ɛlolɛ ne mɔɔ yeva yezie ɛkɛ yemaa ɔ mra la yɛbanyia bie, na yɛ nee Kelaese ava mɔɔ Nyamenle ɛva ɛzie ɛkɛ ɛmaa ye la, ɔluakɛ saa yɛ nee Kelaese di nyane a yɛ nee ye kɛnyia ye anyunlunyia ne.

1 Kɔl 15:31

Meka ko ɛhye, mediema! Yɛ Awulae Gyisɛse Kelaese ati, ewule sianle me dahuu wɔ me nwo mɔɔ metu ye wɔ bɛ nwo la anwo.

1 Kɔl 8:13

Yemɔti, saa aleɛ zɛhae kɛmaa me diema bie kɛkpo aze a, ɛnee menrɛli aleɛ zɔhane bieko na aloa abɔ, amaa me diema bie anyɛ ɛtane.

1 Kɔl 9:19

Mele dehelɛ, menle awie biala akɛlɛ; noko meyɛ me nwo akɛlɛ memaa awie biala, amaa me sa aha bɛ nuhua dɔɔnwo ne ala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:20

Me nee Kelaese a bɛhunle yɛ wɔ meanubaka ne azo a, yemɔti saa mede ngoane nu a ɛnee tɛ medame ɔ, na Kelaese mɔɔ de me nu la ɔ. Ngoane ɛhye mɔɔ mede nu la, mede ye kɛ medie Nyamenle Ara ne mɔɔ hulole me na ɔdole ye ngoane aze ɔmanle me la medi la ati ɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:24

Bɛmɛ mɔɔ bɛle Kelaese Gyisɛse ɛdeɛ la, ɛbɔ bɛ su dɛba ne nee bɛ nwonane ne atiakunluwɔzo mgbane mgbane ne mɔ amuala meanubaka nu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:14

Na mame, ɔkɛbɔ me tɔ kɛ menwɔdu me nloa anu a kyesɛ debie ko anwo ala, yemɔ a le Awulae Kelaese Gyisɛse meanubaka ne. Ɔluakɛ ye meanubaka ne ati, ewiade le debie funli maa me, yɛɛ medame mumua ne mewu memaa ewiade.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:10

Mɔɔ mekpondɛ la a le kɛ menwɔnwu Kelaese na menwɔde ye ewudwazo tumi ne me nu, na me nee ye yɛkɛnwu amaneɛ na menwɔyɛ kɛ ɔdaye wɔ ye ewule nu,

Pɔɔlo Kɛlata mɔɔ ɔhɛlɛle ɔhɔmanle Felepaema la 3:7

Noko ɔlua Kelaese ati, ninyɛne mɔɔ anrɛɛ anwo lɛ nvasoɛ maa me la ɛnɛ ɛnzɔ me nye bieko.

Kɔlɔ 1:24

Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.

Kɔlɔ 3:5

Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.

2 Tɛs 3:11

Yɛka ɛhye ɔboalekɛ yɛde kɛ bɛ bie mɔ ɛlɛbɔ mgbovonle ɛbɛla, mɔɔ bɛnyɛ ɛhwee kɛ awie mɔ edwɛkɛ nu yɛɛ bɛyɛ ye nwotonlonwotonlo a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:12

Zɔhane ɛlolɛ ne kilehile yɛ kɛ yɛvuandi ɛbɛla mgbane mgbane nee ewiade atiakunluwɔzo ne mɔ yɛgua, na yɛyɛ yɛ nye gyɛlɛmgbɛɛnye, yɛnlea boɛ na yɛbɔ Nyamenlezulolɛ ɛbɛla fɔɔnwo ne wɔ ewiade ye anu,

Kɛlata mɔɔ bɛhɛlɛle bɛhɔmanle Hibuluma la 13:13

Zɔhane ati, bɛmaa yɛvinde yɛdoa ye wɔ kandiba lɔ, na ye nyiane ne ɛha yɛ muala.

1 Pit 4:1

Kɛmɔ bɛmɛ bɛ ti Kelaese nwunle amaneɛ wɔ nwonane nu la, ɔwɔ kɛ bɛdabɛ noko bɛnwu ye kɛ bɛbanwu amaneɛ; ɔboalekɛ mɔɔ kɛnwu amaneɛ wɔ nwonane nu la ɛnyɛ ɛtane bieko.

1 Pit 4:13

Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.

2 Pit 1:14

Ɔluakɛ meze kɛ ɔnrɛhyɛ biala na meado nwonane ɛhye aze, kɛmɔ yɛ Awulae Gyisɛse Kelaese hanle hilele me la.

1 Dw 3:16

Kɛ ɛhulolɛ de la ɛne: Kelaese dole ye ngoane aze manle yɛ, yemɔti ɔwɔ kɛ yɛdayɛ noko yɛto yɛ ngoane aze yɛmaa yɛ mediema.

Yekile 2:10

Mmasulo debie biala mɔɔ bɛbayɛ wɔ la. Tie, Abɔnsam ne bamaa bɛagua bɛ bie mɔ efiade, bɛazɔ bɛ bɛanlea, na bɛanwu amaneɛ dedee kenle bulu. Noko di nɔhalɛ maa me, bɔbɔ kɔdwu ewule nu, na mebabɔ wɔ ngoane abɔtile.