Edwɛkpa ne kɛmɔ Maake hɛlɛle la 8:26 - BAEBOLO ANZƐƐ BULUKU NWUANZANWUANZA

²⁶ Gyisɛse zele ye kɛ, “Kɔ sua nu, mmasia ɛ nzi ɛkɔ namule ne azo bieko.”

Edwɛkpa ne kɛmɔ Maake hɛlɛle la 8:26 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 12:16

na ɔbɔle bɛ nloa kɛ bɛmmaka bɛmaa bɛte ye nganeɛ.

Edwɛkpa ne kɛmɔ Mateyu hɛlɛle la 8:4

Na Gyisɛse bɔle ɔ nloa kɛ, “Nea, mmabɔ zo ɛkile awie biala. Kɔ na kɔva ɛ nwo kile sɛlɛvolɛ ne maa ɔnleɛnlea ɛ nwo, na bɔ azu ne mɔɔ Mosisi hyehyɛle dole ɛkɛ ne la maa awie biala ɛnwu kɛ ɛ nwo ɛza.”

Edwɛkpa ne kɛmɔ Mateyu hɛlɛle la 9:30

Na bɛ nye ne mɔ dukuedukuele. Gyisɛse bɔle bɛ nloa kɛ, “Bɛmmabɔ zo bɛmaa awie biala te.”

Edwɛkpa ne kɛmɔ Maake hɛlɛle la 5:43

Na Gyisɛse bɔle bɛ nloa kɛ bɛmmaka bɛkile awie biala, na ɔzele bɛ kɛ, “Bɛmaa ye debie ɔli.”

Edwɛkpa ne kɛmɔ Maake hɛlɛle la 7:36

Na Gyisɛse bɔle menli ne mɔ anloa kɛ bɛmmabɔ mɔɔ ɛzi la azo bɛkile awie biala, noko bɛamkponle na bɛhanle ye dɔɔnwo kpalɛ.

Edwɛkpa ne kɛmɔ Maake hɛlɛle la 8:23

Gyisɛse zɔle nrenya ne asa na ɔvale ye ɔhɔle namule ne kandiba. Ɔseanle nyɛlɛ ɔguale ɔ sa nu na ɔvale ɔhanle nrenya ne anye, ɔvale ɔ sa ɔguale ɔ nwo zo na akee ɔbizale ye kɛ, “Ɛnwu debie ɔ?”

Edwɛkpa ne kɛmɔ Maake hɛlɛle la 8:25

Gyisɛse eza vale ɔ sa hanle nrenya ne anye na zolɛ dele kpalɛ na ɔnwunle debie bɔkɔɔ.