Edwɛkpa ne kɛmɔ Maake hɛlɛle la 8:18 - BAEBOLO ANZƐƐ BULUKU NWUANZANWUANZA

¹⁸ Bɛlɛ ɛnyelɛ, na bɛnnwu debie ɔ? Anzɛɛ bɛlɛ ɛnzonlɛ na bɛnde edwɛkɛ ɔ? Yemɔti bɛngakye?

Edwɛkpa ne kɛmɔ Maake hɛlɛle la 8:18 ပူးပေါင်းရင်းမြစ်များ

Edwɛndolɛ Buluku ne 69:23

Maa bɛ nye ɛzi mɔɔ bɛnnwu debie a; na bɛ gyakɛ ɛbili dahuu kɛ atɛ.

Ayezaya Buluku ne 44:18

Menli zɛhae mɔ ɛnnwu mɔɔ bɛyɛ la, yɛɛ bɛnde ɔ bo, ɔluakɛ bɛ nye ɛzi, yemɔti bɛnnwu ɛhwee, yɛɛ bɛdo bɛ adwenle nu, yemɔti bɛnde debie biala abo.

Gyɛlɛmaya Buluku ne 5:21

Bɛdie ɛhye, ahɔnwɔne mɔɔ ɛnze nrɛlɛbɛ a, mɔɔ lɛ ɛnyelɛ na bɛnnwu debie a, mɔɔ lɛ ɛnzonlɛ na bɛnde edwɛkɛ a.

Yizikeɛle Buluku ne 12:2

Ɔse, “Sonla ra, ɛde menli anzosesebɛma mɔɔ ɛngyɛ na ade atua la avinli. Bɛlɛ ɛnyelɛ, noko bɛnnwu debie; bɛlɛ ɛnzonlɛ, noko bɛnde edwɛkɛ, ɔluakɛ bɛle atuadelɛma.

Edwɛkpa ne kɛmɔ Maake hɛlɛle la 4:12

amaa ‘Bɛnea, bɛnea a, bɛannwu ye, bɛtie, bɛtie a, bɛande ɔ bo. Anrɛɛ bɛkɛzia bɛkɛra Nyamenle ɛkɛ, na ɔkɛva bɛ ɛtane ne mɔ ɔkɛhyɛ bɛ.’ ”

Dw 12:40

“Nyamenle ɛzi bɛ nye na yemaa bɛsolo, amaa bɛ nye annwu debie na bɛ nzo ade edwɛkɛ, na bɛahakyi bɛara me nwo kɛ menyɛ bɛ ayile.”

Wulo 11:8

Nyamenle Edwɛkɛ ne se, “Nyamenle manle bɛsolole ɔmanle ɛnɛ nee ɛnɛ ala bɛ nye ɛnnwu debie, yɛɛ bɛ nzo ɛnde edwɛkɛ.”

Mɛla 29:4

Noko toonwo mɔɔ yeradwu ɛnɛ la, Ɛdɛnkɛma ɛtɛmanle bɛ adwenle ɛtɛmanle bɛtɛtele ɔ bo, na bɛanyia ɛnyelɛ bɛanwu ye, anzɛɛ bɛanyia ɛnzonlɛ bɛadie.

2 Tɛs 2:5

Bɛngakye ɔ? Mɔɔ mewɔ bɛ nwo lɔ la menganle ɛhye mengilele bɛ.

2 Pit 1:12

Zɔhane ati meyɛ me adwenle kɛ dahuu mebahakyehakye bɛ wɔ ninyɛne ɛhye mɔ anwo, noko meze kɛ bɛze bɛ dɛba na bɛ ti ɛmi nɔhalɛ ne mɔɔ bɛnyia ye la anu kpalɛ.