Edwɛkpa ne kɛmɔ Maake hɛlɛle la 7:7 - BAEBOLO ANZƐƐ BULUKU NWUANZANWUANZA

⁷ Bɛsonle me mgbane, ɔluakɛ bɛkilehile mɔɔ menli ɛhyehyɛ la kɛ asɛɛ me mɛla ɔ!’

Edwɛkpa ne kɛmɔ Maake hɛlɛle la 7:7 ပူးပေါင်းရင်းမြစ်များ

Ayezaya Buluku ne 29:13

Awulae zele kɛ, “Kɛmɔ menli ɛhye mɔ fa bɛ nloa mgbane a twe bikye me, bɛdi me eni na bɛ ahonle ɛmbikye me, yɛɛ bɛ ɛzulolɛ mɔɔ bɛsulo me la le menli mɛla mɔɔ ɛli la azolilɛ, na bɛzukoa bɛgua bɛ ti anu ala la,

Malakae Buluku ne 3:14

Bɛha kɛ, ‘Nyamenle ɛzonlenlɛ le debie mgbane. Duzu nvasoɛ yɛɛ yɛnyia ye wɔ ye ɛhulolɛdeɛ zo ɛlilɛ nwo, nee yɛ nwo alɔbɔlɛ alɔbɔlɛ mɔɔ yɛyɛ wɔ Tumivolɛ Ɛdɛnkɛma anyunlu, kɛ asɛɛ nyane bie ɛdo yɛ la anwo a?

Edwɛkpa ne kɛmɔ Mateyu hɛlɛle la 15:9

Bɛ ɛzonlenlɛ ne le mgbane, ɔluakɛ bɛkilehile mɔɔ menli ɛhyehyɛ la kɛ asɛɛ me mɛla ɔ!’ ”

Edwɛkpa ne kɛmɔ Mateyu hɛlɛle la 6:7

“Wɔ bɛ nzɛlɛlɛ nu, bɛmmaka edwɛkɛ dɔɔnwo kɛmɔ bɛdabɛ mɔɔ bɛnze Nyamenle la yɛ ye la. Ɔluakɛ bɛmɛ, bɛdwenle kɛ saa bɛka edwɛkɛ dɔɔnwo a yɛɛ Nyamenle kɛdie bɛ a.

1 Kɔl 15:14

yɛɛ saa Nyamenle ɛtɛdwazole Kelaese ɛtɛfile ewule nu a, ɛnee yɛ nolobɔlɛ ne le mgbane, yɛɛ bɛdabɛ noko bɛ diedi ne le mgbane.

1 Kɔl 15:58

Zɔhane ati, me mediema kulovolɛma, bɛgyinla kpundii kpalɛ. Bɛmaa bɛ nye ɛbolo Awulae gyima ne ɛyɛlɛ nwo, na bɛnwu ye kɛ Awulae ati bɛ ɛvɛlɛ ɛnrɛyɛ gyɛne.

Mɛla 12:32

“Bɛli mɔɔ meha mehile bɛ la azo kpalɛ. Bɛmmafa bie bɛboka nwolɛ yɛɛ bɛmmaye bie bɛfi nuhua.

Kɔlɔ 2:22

Ngyehyɛlɛ ɛhye mɔ kɔsɔɔti fane ninyɛne mɔɔ saa ɛnyia bɛfa bɛyɛ debie ko a, bɛfa bɛyɛ debie bieko a ɔnyɛ boɛ la anwo. Bɛle menli ngilehilelɛ nee ngyehyɛlɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:9

Tua ɛhye mɔ: kpolerazulɛ mɔɔ nrɛlɛbɛ ɛnle nu, yɛ nlenya mɔ aluma ngilehilenu, butulelilɛ nee mɛla nwo kpolerazulɛ. Ɛhye mɔ anwo ɛnlɛ nvasoɛ yɛɛ eza bɛle debie mgbane.

Gyemise Kɛlata ne 1:26

Saa awie dwenle kɛ ɔsonle Nyamenle na ɔmmua ɔ nloa azo a, ye Nyamenlezonlenlɛ ne le mgbane, na ɔbɛlɛbɛla ɔdaye ye ɛkɛla.

Gyemise Kɛlata ne 2:20

Kɔnwɔne! Ɛkulo kɛ bɛkile wɔ kɛ diedi mɔɔ gyimayɛlɛ ɛmboka nwo la ɛnzo ma ɔ?

Yekile 22:18

Medame Dwɔn, mekakye bɛdabɛ mɔɔ bɛkɛde Nyamenle nrɛlaleɛ ɛhye mɔɔ wɔ buluku ɛhye anu la ɛsesebɛ kɛ: saa awie fa bie boka nrɛlaleɛ ɛhye anwo a, Nyamenle bava amaneɛnwunlɛ ngakyile ne mɔ mɔɔ bɛha nwolɛ edwɛkɛ wɔ buluku ɛhye anu la bie aboka ye amaneɛnwunlɛ nwo.

1 Sam 12:21

Bɛmmadi adalɛ nyamenle ne mɔ mɔɔ ɛnrɛhola ɛnrɛlie bɛ ngoane la anzi, ɔluakɛ bɛdabɛ mumua ne bɛnlɛ ngoane.