Edwɛkpa ne kɛmɔ Maake hɛlɛle la 7:6 - BAEBOLO ANZƐƐ BULUKU NWUANZANWUANZA

⁶ Gyisɛse buale bɛ kɛ, “Ayezaya nwunle bɛ bɔkɔɔ yɛɛ ɔhanle a. Bɛle nabalabama kpalɛ kpalɛ, kɛmɔ ɔhɛlɛle ɔdole ɛkɛ ne la; ɔse, ‘Nyamenle se, Menli ɛhye mɔ fa bɛ nloa babonle mgbane a kanvo me a, na bɛ ahonle ɛdeɛ, ɔmbikye me.

Edwɛkpa ne kɛmɔ Maake hɛlɛle la 7:6 ပူးပေါင်းရင်းမြစ်များ

Ayezaya Buluku ne 29:13

Awulae zele kɛ, “Kɛmɔ menli ɛhye mɔ fa bɛ nloa mgbane a twe bikye me, bɛdi me eni na bɛ ahonle ɛmbikye me, yɛɛ bɛ ɛzulolɛ mɔɔ bɛsulo me la le menli mɛla mɔɔ ɛli la azolilɛ, na bɛzukoa bɛgua bɛ ti anu ala la,

Yizikeɛle Buluku ne 33:31

Bɛba ɛ nwo ɛkɛ, kɛmɔ awie biala ba la, bɛbatɛnla ɛ nwo ɛkɛ kɛ asɛɛ me menli la, na bɛtie mɔɔ ɛka la, noko bɛnrɛyɛ ye ɛlɛ, ɔluakɛ bɛfa bɛ nloa a bɛkile bɛ ɛhulolɛ a, na bɛ ahonle ɛdeɛ, yemɔ ɔgyi bɛdabɛ bɛ ngome bɛ kpalɛyɛlɛ zo.

Dw 15:24

Saa meambanyɛ nwanwane gyima ɛhye mɔ mɔɔ awie ɛtɛyɛle bie ɛlɛ la wɔ bɛ avinli a, anrɛɛ bɛnli ɛtane nwo fɔlɛ; na kɛkala, bɛnwu mɔɔ menyɛle la yɛɛ bɛkpɔ me nee Egya a.

Dw 5:42

Bɛmɛ, meze bɛ, meze kɛ bɛnlɛ Nyamenle anwo ɛhulolɛ nretee zɛhae wɔ bɛ ahonle nu.

Ɛzoanvolɛma Gyima ne 28:25

Na bɛ adwenle anzɛ yɛɛ bɛzandele a. Na mɔɔ bɛbahɔ la Pɔɔlo hanle edwɛkɛ ko ɛhye kɛ, “Mɔɔ Sunsum Nwuanzanwuanza ne luale Nyamenle kpɔmanvolɛ Ayezaya anwo zo hanle hilele yɛ nlenya mɔ la le nɔhalɛ somaa!

2 Tem 3:5

bɛbazɔ nyamenlezonlenlɛ nu, na bɛnrɛlie ye tumi kpalɛ ne bɛnrɛdo nu. Twe ɛ nwo fi menli zɛhae mɔ anwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:16

Bɛdabɛ bɛse bɛze Nyamenle, noko bɛ nyɛleɛ ɛngile zɔhane. Ɛkpɔlɛ nee anzosesebɛ ɛyi bɛ tɛkɛɛ, yɛɛ bɛnze debie kpalɛ biala yɛ.