Edwɛkpa ne kɛmɔ Maake hɛlɛle la 7:5 - BAEBOLO ANZƐƐ BULUKU NWUANZANWUANZA

⁵ Zɔhane ati Falasiima ne nee mɛla kilehilevolɛma ne mɔ bizale Gyisɛse kɛ, “Duzu ati a wɔ ɛdoavolɛma ne mɔ ɛnli ngilehilelɛ ne mɔɔ yɛ nlenya mɔ ɛva ɛgyakyi yɛ la azo na bɛfa bɛ sa anwo evinli bɛdi debie ɛ?”

Edwɛkpa ne kɛmɔ Maake hɛlɛle la 7:5 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 15:2

“Duzu ati a wɔ ɛdoavolɛma ne ɛnli ngilehilelɛ ne mɔɔ yɛ nlenya mɔ ɛva ɛgyakyi yɛ la azo ɛ? Bɛnnrinzi bɛ sa anwo wɔ adenle kpalɛ zo na bɛali debie.”

Edwɛkpa ne kɛmɔ Maake hɛlɛle la 7:13

Bɛlua zɛhae adenle zo bɛva bɛ ngilehilelɛ mɔɔ le zɛhae la bɛtia Nyamenle Edwɛkɛ ne azo; yɛɛ ninyɛne dɔɔnwo mɔɔ le kɛ ɛhye mɔ la angome a bɛyɛ a.”

Edwɛkpa ne kɛmɔ Maake hɛlɛle la 7:8

“Bɛmɛ, bɛva Nyamenle mɛla ne bɛzie ahane na bɛdi bɛ mɔmoane amra ngilehilelɛ ne mɔ azo.”

Edwɛkpa ne kɛmɔ Maake hɛlɛle la 7:9

Gyisɛse vale zɔle zolɛ kɛ, “Bɛmɛ, bɛbɔ nrɛlɛbɛ adenle mɔɔ bɛfa zolɛ bɛtulu Nyamenle mɛla ne mɔ na bɛdi bɛdabɛ bɛ ngilehilelɛ zo a.

Ɛzoanvolɛma Gyima ne 21:21

Bɛha bɛhile bɛ kɛ ɛlɛkilehile Dwuuma mɔɔ wɔ maanle zo la kɛ bɛgyakyi Mosisi mɛla ne anzi ɛlilɛ, na wɔze bɛ kɛ bɛmmayɛ bɛ mrenyanu nzonlɛ anzɛɛ bɛmmadi Dwuuma maamɛla ne mɔ azo.

Ɛzoanvolɛma Gyima ne 21:24

Ɛ nee bɛ ɛhɔ maa bɛhɔkpa bɛ ti, bɛdu bɛ nwo evinli na tua bɛ ti kakɛ biala maa bɛ. Ɛhye a kɛmaa awie biala kɛnwu kɛ edwɛkɛ mɔɔ bɛhanle wɔ ɛ nwo la amuala ɛnle nɔhalɛ a, na ɛdawɔ mumua ne, ɛdi Dwuu maamɛla ne nee Mosisi mɛla ne mɔ azo.

Wulo 4:12

Eza ɔle bɛdabɛ noko mɔɔ bɛyɛ bɛ mrenyanu nzonlɛ, na tɛ kɛ asɛɛ bɛyɛ bɛ mrenyanu nzonlɛ la ati ɔ, na bɛva ɔ gyakɛ na bɛ diedi le kɛ ɔdaye Ebileham ɛdeɛ ne kolaa na yeayɛ ye mrenyanu nzonlɛ la bɛ ze.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:14

Wɔ me tipɛne ne mɔ anu, biala ɛnle ɛkɛ mɔɔ nee me sɛ wɔ Dwuuma maamɛla ne azo ɛlilɛ nu a, yɛɛ eza me nye bolo yɛ nlenya mɔ ngilehilelɛ ne mɔɔ bɛgyakyile yɛ la anwo ɛsesebɛ kpalɛ.

2 Tɛs 3:11

Yɛka ɛhye ɔboalekɛ yɛde kɛ bɛ bie mɔ ɛlɛbɔ mgbovonle ɛbɛla, mɔɔ bɛnyɛ ɛhwee kɛ awie mɔ edwɛkɛ nu yɛɛ bɛyɛ ye nwotonlonwotonlo a.

2 Tɛs 3:6

Mediema, yɛlua Awulae Gyisɛse Kelaese duma nu, yɛka yɛahile bɛ kɛ bɛhwe bɛ nwo bɛvi mediema mɔɔ ɛlɛyɛ mgbovonle na bɛngulo kɛ bɛdi folɛ mɔɔ yɛdule bɛ la azo la anwo.