Edwɛkpa ne kɛmɔ Maake hɛlɛle la 7:37 - BAEBOLO ANZƐƐ BULUKU NWUANZANWUANZA

³⁷ Ɔyɛle bɛdabɛ mɔɔ bɛdele la amuala azibɛnwo kpole na bɛbɔle nu bɛhanle kɛ, “Ɔyɛ debie biala boɛ! Ɔmaa anzondilira te edwɛkɛ na mumule tendɛ.”

Edwɛkpa ne kɛmɔ Maake hɛlɛle la 7:37 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:31

Na Nyamenle nwunle kɛ debie biala mɔɔ yeyɛ la le kpalɛ kpole. Aleɛ dwole na aleɛ hyenle; kenle ne mɔɔ tɔ zolɛ nsia la ɛne.

Edwɛndolɛ Buluku ne 139:14

Meye wɔ ayɛlɛ, ɔluakɛ ɛ nwo yɛ ɛzulolɛ nee nwanwane. Wɔ gyima yɛ nwanwane! Ɛze me kpalɛ bɔkɔɔ.

Ayezaya Buluku ne 29:18

Mekɛ ne anu anzondilirama bade buluku nu edwɛkɛ, na anyenzinlirama vi bɛ awozinli kabii ne anu anwu debie.

Edwɛkpa ne kɛmɔ Mateyu hɛlɛle la 9:32

Mɔɔ menli ne mɔ finde ahɔ la, menli bie vale mumule bie mɔɔ sunsum ɛtane ɛva ye la rɛlɛle Gyisɛse.

Edwɛkpa ne kɛmɔ Maake hɛlɛle la 1:27

Ɛhye yɛle menli ne amuala azibɛnwo kpole na bɛbizale bɛ nwo ngoko kɛ, “Duzu edwɛkɛ ɛ? Ngilehilelɛ fofolɛ boni ɛ? Nrenya ye lɛ tumi mɔɔ ɔtendɛ ɔkile sunsum ɛtane ne mɔ bɔbɔ a, bɛtie ye!”

Edwɛkpa ne kɛmɔ Maake hɛlɛle la 2:12

Menli ne mɔ anye zo ɛkɛ ne ala, nrenya ne mɔɔ ɛdwidwe la dwazole, ɔnyenyanle ye ɛkpa ne na ɔhɔle ndɛndɛ. Ɛhye yɛle menli ne amuala nwanwane kpole na bɛyele Nyamenle ayɛlɛ bɛzele kɛ, “Yɛtɛnwunle debie mɔɔ le zɛhae la bie ɛlɛ.”

Edwɛkpa ne kɛmɔ Maake hɛlɛle la 4:41

Na ɛzulolɛ kpole hanle bɛ manle bɛbizale bɛ nwo ngoko kɛ, “Duzu sonla bɔbɔ a le ɛhye, mɔɔ anwoma nee nyevile tie ye a?”

Edwɛkpa ne kɛmɔ Maake hɛlɛle la 5:42

Ɛkɛ ne ala ɔdwazole na ɔkpɔsale sua ne anu. (Ɛnee yeli ɛvolɛ bulu nee nwiɔ.) Ɛhye yɛle menli ne nwanwane kpole.

Edwɛkpa ne kɛmɔ Maake hɛlɛle la 6:51

Na ɔvole ɛlɛne ne anu la, ɛkɛ ne ala anwoma ne gyakyile ɛdulɛ. Ɛhye yɛle ɛdoavolɛma ne nwanwane kpole,

Edwɛkpa ne kɛmɔ Maake hɛlɛle la 7:36

Na Gyisɛse bɔle menli ne mɔ anloa kɛ bɛmmabɔ mɔɔ ɛzi la azo bɛkile awie biala, noko bɛamkponle na bɛhanle ye dɔɔnwo kpalɛ.

Edwɛkpa ne kɛmɔ Maake hɛlɛle la 8:1

Yeangyɛ biala yɛɛ menli dɔɔnwo bieko rayiale ɔ nwo ɛkɛ a. Bɛ aleɛ mɔɔ bɛdi la wiele la, Gyisɛse vɛlɛle ye ɛdoavolɛma ne mɔ na ɔzele bɛ kɛ,

Edwɛkpa ne kɛmɔ Luku hɛlɛle la 23:41

Na yɛmɛ yɛ ɛdeɛ ne le fɔɔnwo, ɔboalekɛ mɔɔ yɛyɛ la yɛɛ bɛlɛtua yɛ nwolɛ kakɛ a; na yemɔ, ɔtɛyɛle ɛtane biala.”

Ɛzoanvolɛma Gyima ne 14:11

Mɔɔ menli ne mɔ nwunle mɔɔ Pɔɔlo ɛyɛ la, bɛdeɛdeanle nu wɔ Laekewonea aneɛ ne anu kɛ, “Awozonle ne mɔ ɛhakyi bɛ nwo menli ɛra yɛ avinli!”