Edwɛkpa ne kɛmɔ Maake hɛlɛle la 7:34 - BAEBOLO ANZƐƐ BULUKU NWUANZANWUANZA

³⁴ Akee Gyisɛse nleanle anwuma, ɔgule ɛnwomenle kpole ko na ɔzele nrenya ne kɛ, “Ɛfata!” Ɔ bo a le, “Bɛbuke!”

Edwɛkpa ne kɛmɔ Maake hɛlɛle la 7:34 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 2:23

Mekɛ ne hɔle bie kpalɛ la Yigyibiti belemgbunli ne wule. Akee Yizilayɛma nwunle amaneɛ kpole kpalɛ wɔ akɛlɛzonlenlɛ nu. Bɛzunle bɛvɛlɛle moalɛ, na bɛ ɛzunlɛ ne dwule Nyamenle anyunlu.

Ayezaya Buluku ne 53:3

Menli kpole ye yɛɛ bɛambu ye; ɔnwunle amaneɛ na ɔdele nyane; ɔyɛle sonla mɔɔ menli nwu ye a bɛye bɛ nye bɛto ɛbɔ nu, bɛkpole ye yɛɛ yɛambu ye bie.

Edwɛkpa ne kɛmɔ Maake hɛlɛle la 1:41

Gyisɛse nwunle ye anwunvɔne na ɔvale ɔ sa ɔhanle ye ɔzele kɛ, “Mekulo, ɛ nwo ɛza!”

Edwɛkpa ne kɛmɔ Maake hɛlɛle la 15:34

Na bɛbɔle ewiazo dɔne nsa la, Gyisɛse deanle nu zele kɛ, “Yilowae, Yilowae, lɛma sabaketani?” Ɔ bo a le, “Me Nyamenle, me Nyamenle, duzu ati a wɔkpo me ɛ?”

Edwɛkpa ne kɛmɔ Maake hɛlɛle la 5:41

Ɔzɔle kakula raalɛ ne asa na ɔzele ye kɛ, “Talita, Kumi!” Ɔ bo a le “Kakula raalɛ, mese, dwazo!”

Edwɛkpa ne kɛmɔ Maake hɛlɛle la 6:41

Na Gyisɛse vale kpanwo nnu ne nee fɛlɛ nwiɔ ne na ɔnleanle anwomanyunlu, ɔyɛle Nyamenle mo, ɔbubule kpanwo ne ɔmanle ye ɛdoavolɛma ne mɔ kɛ bɛva bɛmaa menli ne mɔ. Eza ɔhyɛle fɛlɛ nwiɔ ne ɔmanle bɛ muala.

Edwɛkpa ne kɛmɔ Maake hɛlɛle la 7:35

Ɛkɛ ne ala nrenya ne anzo bukele, ɔ tafinlima zianyinle na ɔdendɛle kpalɛ.

Edwɛkpa ne kɛmɔ Maake hɛlɛle la 8:12

Gyisɛse gule ɛnwomenle na ɔbizale kɛ, “Duzu ati a bɛmɛ adwuleso amra bɛkpondɛ sɛkɛlɛneɛ ɛ? Nɔhalɛ, bɛnrɛyɛ sɛkɛlɛneɛ biala bɛnrɛhile bɛdabɛ menli ɛhye mɔ ɛlɛ!”

Edwɛkpa ne kɛmɔ Luku hɛlɛle la 18:42

Na Gyisɛse zele ye kɛ, “Nwu debie! Wɔ diedi ɛyɛ wɔ ayile.”

Edwɛkpa ne kɛmɔ Luku hɛlɛle la 19:41

Gyisɛse bikyele Gyɛlusalɛm na ɔnwunle sua ne la, ɔzunle,

Edwɛkpa ne kɛmɔ Luku hɛlɛle la 7:14

Akee ɔhɔvale ɔ sa ɔhanle ɛlɛka ne na bɛdabɛ mɔɔ bɛzo funli ne la gyinlanle na bɛzokoɛle. Gyisɛse zele kɛ, “Kpavolɛ! Mese, dwazo!”

Dw 11:33

Gyisɛse nwunle kɛ Mɛle ɛlɛsi azu, na Dwuuma mɔɔ nee ye ɛra la ɛlɛsu la, nyane kpole hanle ye manle alɔbɔlɛ hunle ye.

Dw 11:35

Gyisɛse zunle.

Dw 11:38

Gyisɛse lile nyane kpole bieko na ɔhɔle nla ne anwo. Nla ne le bolɛ bɔne yɛɛ bɛvale bolɛ bɛnyinle ɔ nloa.

Dw 11:41

Bɛhundole bolɛ ne bɛyele ye ɛkɛ. Gyisɛse nleanle anwuma na ɔhanle kɛ, “Egya, meyɛ wɔ mo somaa kɛ wɔdie me a.

Dw 11:43

Ɔhanle ɛhye la, ɔdeanle nu kpole ɔzele kɛ, “Lazalɛse, dwazo bɛla!”

Dw 17:1

Gyisɛse wiele ɛhye ka la, ɔnleanle anwuma na ɔhanle kɛ, “Egya, mekɛ ne ɛdwu. Wula Ɛ Ra anyunlunyia na maa Ralɛ ne ɛwula wɔ anyunlunyia.

Ɛzoanvolɛma Gyima ne 9:34

Na Pita zele ye kɛ, “Yiniase, Gyisɛse Kelaese ɛyɛ wɔ ayile. Dwazo na nyenya wɔ ɛkpa ne.” Na ɛkɛ ne ala Yiniase dwazole.

Ɛzoanvolɛma Gyima ne 9:40

Pita vindele bɛ, na ɔhotole ɔzɛlɛle; ɔhakyile ɔ nye funli ne anwo na ɔzele kɛ, “Tabeta, dwazo!” Raalɛ ne bukele ɔ nye na ɔnwunle Pita la, ɔmanle ɔ nwo zo ɔdɛnlanle aze.

Kɛlata mɔɔ bɛhɛlɛle bɛhɔmanle Hibuluma la 4:15

Yɛ Sɛlɛvolɛ Kpanyinli ɛhye le sonla mɔɔ se yɛ anwunvɔne wɔ yɛ sinlidɔlɛ nwo a. Yɛlɛ Sɛlɛvolɛ Kpanyinli mɔɔ bɛzɔle ye bɛnleanle kɛ yɛdayɛ la, noko yeanyɛ ɛtane biala.