Edwɛkpa ne kɛmɔ Maake hɛlɛle la 7:22 - BAEBOLO ANZƐƐ BULUKU NWUANZANWUANZA

²² ɔfa nwuvolɛ, ɔyɛ anyebolo, ɔyɛ amumuyɛ, ɔbɔ adalɛ, ɔyɛ ahulomrenya anzɛɛ ahulomraalɛ, ɔdi nzisi, ɔyɛ ngunzi, ɔtu ɔ nwo na ɔyɛ ngoaseade a.

Edwɛkpa ne kɛmɔ Maake hɛlɛle la 7:22 ပူးပေါင်းရင်းမြစ်များ

2 Edk 32:31

Yemɔti mɔɔ soanvolɛma mɔɔ Babelɔn mgbanyinli zoanle bɛ la rale kɛ bɛbabiza bɛanwu debie mɔɔ ɛlɛkɔ zolɛ wɔ ye maanle ne anu la, Nyamenle gyakyile debie biala manle ɔdaye, ɔvale ɔzɔle ye ɔnleanle, amaa yeanwu mɔɔ wɔ ye ahonle nu la.

Edwɛndolɛ Buluku ne 10:4

Amumuyɛnli fa adubɛnwo kpo Ɛdɛnkɛma, ye adwenle muala a le kɛ, “Nyamenle ɛnle ɛkɛ.”

Edwɛndolɛ Buluku ne 119:36

Maa me ahonle ɛbikye wɔ ngyehyɛlɛ ne mɔ ɛdɛla kɛ menwɔnyia me nwo.

Mrɛlɛbulɛ Buluku ne 12:23

Badwemafo ɛnva mɔɔ ɔze ye la ɛndu ɔ nwo, na ahoasea bɔ bɛ koasea ne nolo.

Mrɛlɛbulɛ Buluku ne 22:15

Ngoaseade yɛ kakula biala fɛ, na ndeanlɛ baka ne maa ye ngoaseade ne fi ɔ nwo.

Mrɛlɛbulɛ Buluku ne 23:6

Mmadi sonla mɔɔ le abolɛ la aleɛ; mmamaa ɛ nye bolo ye aleɛ sosɔɔ ne,

Mrɛlɛbulɛ Buluku ne 24:9

Ngoaseade nwo adwenle ɛbɔlɛ le ɛtane, yɛɛ sonla mɔɔ le agolobɛnwo la le menli kyibadeɛ.

Mrɛlɛbulɛ Buluku ne 27:22

Fa koasea nee abɛlɛ gua dubua nu so nwolɛ, ye koasea ne vi ɔ nwo ɛnrɛdu.

Mrɛlɛbulɛ Buluku ne 28:22

Sonla mɔɔ le akyɛbɛ la pele anwonyia nwo, ɔndwenle nwolɛ kɛ kenle bie ɔbahyia.

Nolo 7:25

Menyɛle me adwenle kɛ menea, meavedevede nu na meakpondɛ nrɛlɛbɛ yɛɛ ninyɛne kɔsɔɔti abo, na meanwu atisesebɛ mɔɔ le ngoaseadeyɛlɛ nee koaseayɛlɛ mɔɔ le ɛzɛlɛde la.

Ayezaya Buluku ne 59:13

yɛkpo Ɛdɛnkɛma, yɛto ye mɛla ne mɔ na yɛkakyi yɛ nzi yɛsi yɛ Nyamenle ne, yɛte atua, yɛka nzisi edwɛkɛ, yɛbɔ adalɛ adwenle na yɛfa yɛto gua.

Ayezaya Buluku ne 59:7

Bɛkɔ munzuleyɛlɛ ɛleka, yɛɛ bɛngyɛne nwo na bɛaha sonla mɔɔ ɛnze nwolɛ bie la mogya bɛagua. Atisesebɛ ɛyi bɛ adwenle ne mɔ, yɛɛ debie ɛzɛkyelɛ ala a wɔ bɛ ndenle ne mɔ anu a.

Gyɛlɛmaya Buluku ne 17:9

“Ahonle le mɛlɛbɛla tɛla debie biala, yezɛkye yebo zolɛ; nwane a kɛhola kɛde ɔ bo a?

Edwɛkpa ne kɛmɔ Mateyu hɛlɛle la 20:15

Ɛkpondɛ wɔaze kɛ menlɛ adenle kɛ mefa me ezukoa meyɛ mɔɔ medame mekulo la ɔ? Anzɛɛ ɔyɛ wɔ anyebolo kɛ me ti akunlu le kpalɛ la ɔ?’ ”

Edwɛkpa ne kɛmɔ Mateyu hɛlɛle la 6:23

Na saa ɛ nye ɛnle kpalɛ a, wɔ sonlabaka ne anu le awozinli. Na saa wienyi ne mɔɔ wɔ wɔ nu la le awozinli a, ɛnee noko ye awozinli ne kɛyɛ kabii kpalɛ.

Edwɛkpa ne kɛmɔ Maake hɛlɛle la 7:21

Ɔluakɛ wɔ sonla kunlu, bɔbɔ wɔ ye ahonle nu yɛɛ adwenle ɛtane vi finde na ɔmaa ɔbɔ adwɔmane, ɔwua, ɔyɛ kɔdiawu,

Edwɛkpa ne kɛmɔ Maake hɛlɛle la 7:23

Ninyɛne ɛtane ɛhye mɔ amuala vi sonla kunlu a finde a na bɛgua ɔ nwo evinli.”

2 Kɔl 10:5

yɛgologolo debie biala mɔɔ bɛkɛmaa ye zo adubɛnwo nu bɛkɛtia Nyamenle anwo adwenlenubukelɛ la, yɛɛ yɛkye adwenle biala nuokɛ yɛbele ye yɛmaa ɔtie Kelaese.

Mɛla 15:9

Bɛnlea boɛ na bɛannyia adwenle ɛtane, bɛanga kɛ ɛvolɛ nsuu ne mɔɔ bɛfa awie biala kakɛ bɛkyɛ ye la ɛbikye, na bɛyɛ bɛ diema mɔɔ tua bɛ kakɛ la kpɔdekpɔde anzɛɛ bɛyɛ mɔɔ bɔ zo mɔɔ ɛra babiza bosea la atisesebɛ kɛ bɛnrɛmaa ye ɛhwee. Saa bɛyɛ ye zɔhane a ɔbazu yeavɛlɛ Ɛdɛnkɛma bɛ Nyamenle ne yeamaa nyɛleɛ ne ayɛ ɛtane atia bɛ.

Mɛla 28:54

Saa ɔba ye zɔhane a, sonla nrenya bɔbɔ mɔɔ di ɔ nwo eni na ɔle sonlakpole la ati bayɛ se. Ɛhɔne anyezota bamaa yeava ye aleɛ yeavea, ɔnrɛmaa ɔ diema nrenya bie, ɔnrɛmaa ɔ ye bɔbɔ mɔɔ la ye ahonle nwo la bie, na yeayɛ ɔ mra mɔɔ ɔ nee bɛ de la. Ɔku ɔ mra ne mɔ bie bɔbɔ ɔto aleɛ a ɔnrɛmaa awie bie, ɔluakɛ ɛhwee ɛnle sua nu.

Mɛla 28:56

Zɔhane ala yɛɛ raalɛ mɔɔ de boɛ mɔɔ ɛngyia ɛhwee nwo la, ɛhɔne anyezota bamaa yeayɛ ɔ hu nee ɔ mra aleɛ nwo abokɛ a.

1 Pit 2:15

Ɔluakɛ Nyamenle ɛhulolɛ a le kɛ bɛkɛva bɛ nyɛleɛ kpalɛ ne mɔ bɛkɛmaa ahɔnwɔne kɛgyakyi mgbane mgbane ɛhehanlɛ.

1 Pit 5:5

Zɔhane ala yɛɛ ɔwɔ kɛ bɛdabɛ ngakula mɔɔ bɛwɔ asɔne ne anu la noko bu mgbanyima ne mɔ na bɛka bɛ nwo aze bɛmaa bɛ a. Bɛ muala bɛva fɛlɛko nee ɛzelekɛ bɛzonle bɛ nwo ngoko ngoko, ɔluakɛ “Nyamenle kyi mɔɔ memaa ɔ nwo zo la, na ɔyila mɔɔ bɛlɛ ɔ nwo aze la.”