Edwɛkpa ne kɛmɔ Maake hɛlɛle la 7:2 - BAEBOLO ANZƐƐ BULUKU NWUANZANWUANZA

² Na bɛnwunle kɛ ye ɛdoavolɛma ne bie mɔ lɛ bɛ sa anwo evinli ɛlɛdi debie, yemɔ a le kɛ, bɛanrinzi bɛ sa anwo wɔ adenle mɔɔ Falasiima ne kile kɛ ɔwɔ kɛ bɛyɛ ye la anu. (

Edwɛkpa ne kɛmɔ Maake hɛlɛle la 7:2 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 15:2

“Duzu ati a wɔ ɛdoavolɛma ne ɛnli ngilehilelɛ ne mɔɔ yɛ nlenya mɔ ɛva ɛgyakyi yɛ la azo ɛ? Bɛnnrinzi bɛ sa anwo wɔ adenle kpalɛ zo na bɛali debie.”

Edwɛkpa ne kɛmɔ Maake hɛlɛle la 7:5

Zɔhane ati Falasiima ne nee mɛla kilehilevolɛma ne mɔ bizale Gyisɛse kɛ, “Duzu ati a wɔ ɛdoavolɛma ne mɔ ɛnli ngilehilelɛ ne mɔɔ yɛ nlenya mɔ ɛva ɛgyakyi yɛ la azo na bɛfa bɛ sa anwo evinli bɛdi debie ɛ?”

Edwɛkpa ne kɛmɔ Luku hɛlɛle la 11:38

Falasiinli ne nwunle kɛ Gyisɛse annrinzi ɔ sa anwo, kɛmɔ bɛ mɛla ne kile la na yeabɔ ɔ bo kɛ ɔdi debie, yemɔti ɔzinle ɔ nwo.

Ɛzoanvolɛma Gyima ne 10:28

Na ɔzele bɛ kɛ, “Bɛdabɛ bɛze ye wienyi kɛ wɔ Dwuu ɛzonlenlɛ ne anu, bɛmmaa adenle bɛmmaa yɛ nee bɛdabɛ mɔɔ bɛnle Dwuuma la ɛnfonla. Noko Nyamenle ɛye ɛhile me kɛ memmabu awie biala kɛ ɔ nwo ɛnde.

Ɛzoanvolɛma Gyima ne 11:8

Na menganle kɛ, ‘Kyɛkyɛ, Awulae, debie mɔɔ le kyibadeɛ anzɛɛ nwolɛ ɛnde la metɛdile bie ɛlɛ.’

Wulo 14:14

Sumunli kɛ me nee Awulae Gyisɛse lile ngamɔnu la menwu ye kɔsɔɔ kɛ aleɛ biala ɛnle ɛkɛ mɔɔ anwo ɛnde a. Na saa awie dwenle kɛ bie anwo ɛnde a, ɛnee nwolɛ ɛnde ɛmmaa ɔdaye ɔ ngome,

Kɛlata mɔɔ bɛhɛlɛle bɛhɔmanle Hibuluma la 10:29

Ɛnee ɛdawɔ fa ɛ nye to na nea sonla mɔɔ kɛkpo Nyamenle Ara ne, na yeambu mogya ne mɔɔ bɛlua zo a bɛ nwo te na Nyamenle vale zɔle ngyekyeleɛ ne anloa, na ɔkɛva Nyamenle ɛlolɛ Sunsum ne anyunlu ɔkɛkyikyi aze la ɛ? Ye ndeanlɛ mɔɔ ɔbanyia ye la le kpole kpalɛ.

Yekile 21:27

Na debie biala mɔɔ anwo ɛnde la ɛnrɛhɔ suakpole ne azo. Zɔhane ala yɛɛ mɔɔ bɔ anyiemgba ɛbɛla na ɔbɔ adalɛ la ɛnrɛhɔ ɛkɛ a. Bɛdabɛ mɔɔ bɛhɛlɛ bɛ aluma wɔ Boaneralɛ ne teasema buluku ne anu la angome a bahɔ suakpole ne azo a.